ដោយ: គ្រញូង / បាត់ដំបង: នៅក្នុងបរិវេណស្នងការដ្ឋាននគរបាលខេត្ត នាព្រឹកថ្ងៃទី១៨ ខែវិច្ឆិកា ឆ្នាំ២០២០ លោក ខាន់ ម៉ាណេរ រដ្ឋលេខាធិការក្រសួងសាធារណៈការ និងដឹកជញ្ជូន និងជាប្រធានក្រុមការងារក្រឡាហោមមនុស្សធម៌បាត់ដំបង បានចាត់តាំងលោក ព្រួញ រិទ្ធថា ជាតំណាងដឹកនាំក្រុមការងារនាំយកសេរ៉ូមចំនួន២០កេស និងឱសថមួយចំនួនទៅប្រគល់ជូនមន្ទីរពេទ្យនគរបាលខេត្តបាត់ដំង ដើម្បីដំណើរការពិនិត្យនិងព្យាបាលជំងឺជូនដល់កងកម្លាំងនគរបាល និងប្រជាពលរដ្ឋក្នុងមូលដ្ឋាន។
ក្នុងឱកាសប្រគល់សេរ៉ូមនិងឱសថផងនោះ នៅពេលខាងមុខលោកប្រធាននឹងបន្តជួយផ្គត់ផ្គង់បន្ថែមទៀត ដើម្បីឱ្យកិច្ចការពិនិត្យនិងព្យាបាលជំងឺរបស់មន្ទីរពេទ្យនេះ បានដំណើរការទៅដោយរលូន។
លោកឧត្តមសេនីយ៍ត្រីវេជ្ជបណ្ឌិត សឿម សារិទ្ធ ស្នងការរងទទួលបន្ទុកដឹកនាំការងារសុខាភិបាល នៃស្នងការដ្ឋានតំណាងលោកឧត្តមសេនីយ៍ត្រី សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានថ្លែងនូវអំណរគុណយ៉ាងជ្រាលជ្រៅបំផុត ចំពោះទឹកចិត្តរបស់សម្តេចក្រឡាហោមនិងលោកជំទាវ តាមរយៈក្រុមក្រឡា ហោមមនុស្សធម៌បាត់ដំបង ដែលមានលោក ខាន់ ម៉ាណេរ ជាប្រធាន៕
