Home ព័ត៌មានជាតិ សង្គម ផ្លូវ​បេតុង ន...

ផ្លូវ​បេតុង និង​ប្រព័ន្ធ​លូ​មូល​រំដោះ​ទឹក​ជន់​ប្រវែង​៥៥០​ម៉ែត្រ​នៅ​សង្កាត់​ស្មាច់មានជ័យ ផ្តើម​លេច​ជា​រូបរាង​បម្រើ​ប្រជាពលរដ្ឋ​

​ដោយ​: សុ​ផានី​តា / កោះកុង​: ទោះបីជា​ជួប​វិបត្តិ​ជំងឺ​កូ​វីដ​១៩ ក៏ដោយ ក៏​ផ្លូវ​បេតុង និង​ប្រព័ន្ធ​លូ​រំដោះ​ទឹក​ជន់​លិច​រដូវវស្សា​ជាង​៥៥០​ម៉ែត្រ កំពុង​លេច​រូបរាង​ឡើងជា​បន្តបន្ទាប់ នៅក្នុង​សង្កាត់​ស្មាច់មានជ័យ ក្រុង​ខេមរភូមិន្ទ ក្នុង​គម្រោង​អភិវឌ្ឍន៍​មូលដ្ឋាន​ឆ្នាំ​២០២០​នេះ​។​

​យ៉ាងហោចណាស់ មាន​ផ្លូវ​បេតុង​ទទឹង​៤​ម៉ែត្រ បណ្តោយ​ជាង​៤០០​ម៉ែត្រ និង​ប្រព័ន្ធ​លូ​រំដោះ​ទឹកភ្លៀង​ជន់​លិច​ប្រវែង​១៥០​ម៉ែត្រ ទទឹង​១​ម៉ែត្រ នៅក្នុង​ភូមិ​១ និង​ភូមិ​៣ បាន​ស្ថាបនា​សង់​រួច ក៏ដូចជា​កំពុង​ផ្តើម​សាងសង់​តប​តាម​សេចក្តី​ការចង់បាន​របស់​ប្រជាពលរដ្ឋ​។​

​លោក ឈេ​ង សុវណ្ណ​ដា អភិបាលក្រុង​ខេមរភូមិន្ទ បានឱ្យដឹង​នៅ​ថ្ងៃទី​១៨ ខែវិច្ឆិកា ២០២០​ថា ថវិកា​គម្រោង​អភិវឌ្ឍន៍​ផ្លូវ​បេតុង ប្រឡាយ​លូ​ជូន​ពលរដ្ឋ​នៅពេលនេះ គឺ​ស្ថិតនៅក្រោម​ការចំណាយរ​បស់​សង្កាត់ និង​ក្រុង​ផ្ទាល់​ក្នុង​គោលបំនង​ដើម្បី​សម្រួល​ការធ្វើ​ចរាចរណ៍ ព្រមទាំង​កាត់បន្ថយ​ការ​ជន់​លិច​ទឹកភ្លៀង​ម្តងៗ​នា​រដូវវស្សា​។ ជាពិសេស​ចូលរួម​ប្រឡងប្រណាំង​ទីក្រុង​ស្អាត​នាពេលខាងមុខ​។​

​បើតាម​លោក​អភិបាលក្រុង​ខេមរភូមិន្ទ មិន​ចំពោះតែ​សង្កាត់​ស្មាច់មានជ័យ​មួយ​ប៉ុណ្ណោះ មូលដ្ឋាន​សង្កាត់​ដងទង់ និង​សង្កាត់​ស្ទឹង​វែង ក៏មាន​ការស្ថាបនា​ជា​ផ្លូវ​បេតុង ប្រឡាយ​លូ​ជាច្រើន​កន្លែង​ទៀត​ទៅ​ការស្នើសុំ​កន្លង​ទៅមក​។ ដោយឡែក​នៅ​ឆ្នាំ​២០២១​ខាងមុខ ក្រុង​ទទួលបាន​គម្រោង​អភិវឌ្ឍន៍​នូវ​ប្រព័ន្ធ​ហេដ្ឋារចនាសម្ព័ន្ធ​ជាច្រើន រួមមាន​៖ ផ្លូវ​បេតុង ប្រឡាយ​លូ សួនច្បារ បណ្តាញ​ទឹកស្អាត និង​ភ្លើងអគ្គិសនី ឆ្លើយតប​តម្រូវការ​ព​ល​រដ្ឋ និង​គោលនយោបាយ​របស់​រាជ​រដ្ឋាភិបាល​កម្ពុជា​ដែល​បានដាក់​ចេញ​ឱ្យ​អនុវត្ត​។​

​បច្ចុប្បន្ន​ផ្លូវ​បេតុង​២​ខ្សែ​នៅក្នុង​ភូមិ​៣ កំពុង​សាងសង់ ដោយ​នឹង​គ្រោង​បញ្ចប់​ការស្ថាបនា​របស់ខ្លួនរ​យៈ​ពេល​៥​ទៅ​១០​ថ្ងៃ​ខាងមុខ យោងតាម​បទពិសោធន៍​ក្រុម​ម៉ៅការ​ទទួលខុស​ត្រូវធ្វើ​។​

​លោក ដា​រ៉ា និង​អ្នកស្រី ជា​ពលរដ្ឋ​រស់នៅក្នុង​ភូមិ​៣​សង្កាត់​ស្មាច់មានជ័យ សម្តែង​នូវ​ការពេញចិត្ត​យ៉ាងខ្លាំង​ចំពោះ​មូលដ្ឋាន​របស់​ពួកគាត់​មាន​ផ្លូវ​បេតុង​ស្អាត​ល្អ ងាយស្រួល​ធ្វើដំណើរ​ទៅមក មិន​លំបាក​ដូច​ដី​គ្រួស​ក្រហម​ឡើយ​។

​កាល​រដូវភ្លៀង​ធ្លាក់​ថ្មីៗ​នេះ តាម​ដងផ្លូវ​រង​ការ​ជំនន់​គ្រា​ភ្លៀង​ធ្លាក់​ច្រើន​ម៉ោង ប៉ុន្តែ​មិន​បង្ការ​គ្រោះថ្នាក់​អ្វី​ទេ​គ្រាន់តែ​ជន់​លិច​ផ្លូវ និង​ផ្ទះសម្បែង​តិចតួច​ប៉ុណ្ណោះ​។​

​ពលរដ្ឋ​ដដែល រំពឹងថា នៅពេល​មាន​ប្រឡាយ​រំដោះ​ទឹក​ថ្មី នឹង​ជួយ​សម្រួល​ដល់​ការ​ជន់​លិច​បាន​មួយកម្រិត​ធំ ធៀប​នឹង​ការ​ពេល​មិនទាន់មាន​៕​

ទីតាំងផ្សាយពាណិជ្ជកម្ម

- Advertisment -

Most Popular

វៀតណាម​បញ្ឈប់​ជើងហោះហើរ​ច...

​ប្រែ​សម្រួលៈ​វាសនា​/​ហាណ...

សម្តេចតេជោ សម្រេចបញ្ចេញម៉...

ដោយ៖រ៉ាម៉ន/ភ្នំពេញ៖ ប្រ...

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...