Home ព័ត៌មានជាតិ សេដ្ឋកិច្ច ​ប្រជាកសិករ​ខ...

​ប្រជាកសិករ​ខេត្តសៀមរាប​រីករាយ​ក្នុងការ​ប្រមូល​ផល​ស្រូវវស្សា​

ដោយ​: បាយ័ន / សៀមរាប​: ទោះជា​ពលរដ្ឋ​ខ្លះ​ទទួលរង​គ្រោះ​ដោយ​ទឹកជំនន់​ទឹកភ្លៀង ប៉ុន្តែ​កសិករ​ខ្លះ​នៅតាម​បណ្តា​ស្រុក​មួយចំនួន ក្នុង​ខេត្តសៀមរាប នៅតែ​ទទួលបាន​ភោគផល​ស្រូវ​ល្អប្រសើរ​ផងដែរ​។

​មន្ទីរ​កសិកម្ម​រុក្ខាប្រមាញ់ និង​នេសាទ​ខេត្តសៀមរាប បាន​ឲ្យ​ដឹងថា ដោយសារ​អំណោយផល​ពី​ធម្មជាតិ ដែលមាន​ទឹកភ្លៀង​ធ្លាក់​គ្រប់គ្រាន់​ពី​ដើមរដូវ​ធ្វើ​ឲ្យ​ស្រូវវស្សា​របស់​បងប្អូន​ប្រជាពលរដ្ឋ ក្នុងការ​បង្កបង្កើនផល​ដំណាំ​ស្រូវវស្សា ឆ្នាំ​២០២០ ត្រូវបាន​បញ្ចប់ ដោយ​ឆ្នាំនេះ​បង្កប​ង្កើ​ផល​បាន​ចំនួន​សរុប ១៨៩.៣០០​ហិកតា ស្មើនឹង​១០១,៤៧% លើ​ផែនការ​១៨៦.៥៦០​ហិកតា ក្នុងនោះ​ស្រូវស្រាល ចំនួន​៤០.២៤០​ហិកតា ស្រូវកណ្តាល ចំនួន ១០៥.៤៦០​ហិកតា (​សន្ទូង​៩៨០​ហិកតា​) ស្រូវធ្ងន់ ចំនួន​៣៥.៥៦០​ហិកតា (​ស្ទូង​១៦៥​ហិកតា​) ស្រូវ ចំការ ១.៦៩០​ហិកតា និង​ស្រូវ​ឡើង​ទឹក ៦.៣៥០​ហិកតា ។

​ប្រភព​ដដែល​បាន​បន្តថា ចំពោះ​ការងារ​ប្រមូល​ផល​ស្រូវវស្សា​ដល់​ពាក់​កណ្តាលខែ​វិច្ឆិកា​នេះ មាន​ចំនួន​សរុប ៦២.៩៧០​ហិកតា ក្នុងនោះ​ស្រូវស្រាល ៤០.២៤០​ហិកតា ស្មើ​១០០% ទទួលបាន​ទិន្នផល​ជា​មធ្យម ២,៧៨​តោន​ក្នុង​១​ហិកតា , ស្រូវកណ្តាល ចំនួន ២១.៦១០​ហិកតា ស្មើ ២០,៤៩% ទទួលបាន​ទិន្នផល​ជា​មធ្យម ២,៤៣​តោន​ក្នុង​១​ហិកតា និង ស្រូវចំការ ចំនួន​១.១២០ ហិកតា ស្មើនឹង​៦៦,២៧% ទិន្នផល​ជា​មធ្យម​២,៤៣​តោន​ក្នុង​១​ហិកតា ។

​ប្រភព​ដដែល​បាន​បន្តថា ស្រូវ​សែន​ក្រអូប​(​សើម​) តម្លៃ​១.១០០​ទៅ​១.១៥០​រៀល​ក្នុង​១​គីឡូក្រាម ,​ស្រូវ​ចំរុះ​(​សើម​) តម្លៃ​៨៥០​ទៅ​៩៥០​រៀល​ក្នុង​១​គីឡូក្រាម , ដំឡូង​មី​សើម ២៥០​រៀល​ក្នុង​១​គីឡូក្រាម , ដំឡូង​មី​ស្ងួត​៦៤០​រៀល​ក្នុង​១​គីឡូក្រាម​៕​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...