Home ព័ត៌មានអន្តរជាតិ ទីប្រឹក្សា​សន...

ទីប្រឹក្សា​សន្តិសុខ​ជាតិ​អាម៉េរិក ចេញដំណើរ​មក​វៀតណាម​និង​ហ្វីលីពីន​ដើម្បី​…

​ប្រែ​សម្រួលៈវាសនា/​វ៉ាស៊ីនតោន​៖​ទីប្រឹក្សា​សន្តិសុខ​ជាតិ​អាម៉េរិក លោក រ៉ូបឺត អូ​ប្រាយ​អ៊ឹន​(Robert O’Brien)​កំពុង​ចេញដំណើរ​មក​កាន់​ប្រទេស​វៀតណាម​និង​ហ្វីលីពីន ជា​ក្រុម​ប្រទេស​ដែល​ចែករំលែក​​ការព្រួយបារម្ភ​របស់​អាម៉េរិក​ចំពោះ​អ្វី​ដែល​រដ្ឋាភិបាល​ក្រុង​វ៉ាស៊ីនតោន​ហៅថា «​ចរិត​អាងយ៉ាង​កាន់តែ​ខ្លាំង​ឡើង​និង​ការអះអាង​កម្មសិទ្ធិ​ធំធេង​របស់​ចិន​នៅ​អាស៊ី​»​។​

​ការ​បង្ហោះ​សារ​ចេញ​ពី​ក្រុមប្រឹក្សា​សន្តិសុខ​សេត​វិមាន បាន​និយាយថា លោក អូ​ប្រាយ​អ៊ឹន នឹង​ជួប​មេដឹកនាំ​នៃ​ប្រទេស​ទាំង​ពីរ ដើម្បី​«​បញ្ជាក់​អះអាង​សា​ជា​ថ្មី​នៃ​កម្លាំង​ទំនាក់ទំនង​ទ្វេភាគី​របស់​យើង និង​​ដើម្បី​ពិភាក្សា​កិច្ចសហប្រតិបត្តិកា​រ​សន្តិសុខ​តំបន់​»​។​

​ដំណើរ​របស់​អូ​ប្រាយ​អ៊ឹន​ធ្វើឡើង​ក្រោយ​ដំណើរ​ទស្សនកិច្ច​មួយ​ទៅ​កាន់​ទីក្រុង​ហាណូយ​កាលពី​ខែ​មុន​ដោយ​រដ្ឋមន្ត្រី​ការបរទេស​អាម៉េរិក ម៉ៃ ផ​ម​ផេវ​។​

​ដំណើរ​នេះ​កើត​ឡើង​មួយ​សប្តាហ៍ ក្រោយ​វៀតណាម​បាន​ដោះលែង ពលរដ្ឋ​អាម៉េរិក​ដើមកំណើត​វៀតណាម​ឈ្មោះ ម៉ៃ​ឃើ​ល ង្វៀន ដែល​អាជ្ញាធរ​វៀតណាម​កាត់ទោស​ដាក់គុក​១២​ឆ្នាំ​ចំពោះ​«​ការប៉ុនប៉ង​ផ្តួល​​រំលំ​រដ្ឋាភិបាល​»​។​

​រដ្ឋាភិបាល​ក្រុង​វ៉ាស៊ីនតោន​ក៏​បាន​សម្តែង​ការព្រួយបារម្ភ​អំពី​សិទ្ធិមនុស្ស​នៅ​ហ្វីលីពីន កន្លែង​ដែល​ប្រធានាធិបតី រ៉ូ​ឌ្រី​ហ្គ្រោ ឌុយ​ទែត ធ្វើសង្គ្រាម​ថ្នាំញៀន​ដែល​នាំ​ដល់​ការសម្លាប់​មនុស្ស​រាប់ពាន់​នាក់​នៅ​​តំបន់​ក្រីក្រ​តាម​ទីក្រុង​។​

​ក្នុង​ដំណើរ​ទស្សនកិច្ច​កាលពី​ឆ្នាំមុន រដ្ឋមន្ត្រីការបរទេស​អាម៉េរិក​បាន​ធានា​ហ្វីលីពីន​ថា អាម៉េរិក​នឹង​ងាក​ទៅ​ប្រើ​យោធា​របស់​ខ្លួន បើសិនជា​រង​ការវាយប្រហារ​នៅមុ​ទ្រចិន​ខាងត្បូង កន្លែង​ដែល​រដ្ឋាភិបាល​​ក្រុង​ម៉ានីល ប្រកាស​កម្មសិទ្ធិ​ជាន់​លើ​ការអះអាង​របស់​ចិន​៕

អូ​ប្រាយ​អ៊ឹន នឹង​ពិភាក្សា​កិច្ចសហការ​សន្តិសុខ​តំបន់​ក្នុង​ដំណើរ​ទស្សនកិច្ច​របស់​លោក​នៅ​វៀតណាម​និង​ហ្វីលីពីន​

 

ទីតាំងផ្សាយពាណិជ្ជកម្ម

- Advertisment -

Most Popular

សាលាឧទ្ធរណ៍​ទាត់ចោល​ពាក្យ...

​ប្រែ​សម្រួល : កញ្ញា​ដា​ល...

សួន​បណ្ដុំ​សហគ្រាស​ធុន​តូ...

​ដោយៈ ញ៉ែម សុផល​/​ភ្នំពេញ...

អ៊ីរ៉ង់​ចោទ​អ៊ីស្រាអែល​ថា...

​ប្រែ​សម្រួល : កញ្ញា​ដា​ល...

សម្តេច​តេ​ជោ ហ៊ុន សែន ធ្វ...

ដោយៈ​តារា​រិ​ទ្ធ​/​ភ្នំពេ...