Home ព័ត៌មានជាតិ សេដ្ឋកិច្ច ទិវា​សប្តាហ៍​...

ទិវា​សប្តាហ៍​សហគ្រិនភាព​សកល​កម្ពុជា​ឆ្នាំ​២០២០ ជម្រុញ​ការប្រើប្រាស់​ប​ច្ចេក​វិទ្យា​របស់​សហគ្រាស​ខ្នាតតូច និង​​មធ្យម​

​ដោយ​:​ភ្នំ​ស្វាយ / បន្ទាយមានជ័យ​:​ពិធី​ទិវា​សប្តាហ៍​សហគ្រិនភាព​ស​កល​កម្ពុជា​ឆ្នាំ​២០២០ ដែល​បានធ្វើ​កាលពី​ថ្ងៃទី​១៨ ខែវិច្ឆិកា ឆ្នាំ ២០២០ ក្នុង​សាលស្និសីទ​នៃ​សាកលវិទ្យាល័យ​មានជ័យ​នា​ក្រុង​សិរីសោភ័ណ ខេត្ត​បន្ទាយ​មា​ជ័យ បានជ្រើសរើស​យក​ប្រធានបទ “​ការប្រើប្រាស់​ប​ប្ចេ​ក​វិទ្យា​របស់​សហគ្រាស​ខ្នាតតូច និង​ខ្នាត​មធ្យម​នៅ​កម្ពុជា ” ដែលមាន​គោលបំណង​ជម្រុញ​ការប្រើប្រាស់​វា​អោយបាន​ប្រសើរឡើង ពោលគឺ​វា​មាន​សារៈសំខាន់​សំរាប់ អ្នកធ្វើ​ជំនួញ ក៏​ដូច​ធុរជន​វ័យក្មេង ក្នុង​វិស័យ​សហគ្រាស​ខ្នាតតូច និង មធ្យម រួមទាំង​អ្នកពាក់ព័ន្ធ​និង​សិស្ស និស្សិត ក្រុមហ៊ុន ធនាគារ សហគ្រាស ជាដើម​យកទៅ​ប្រើប្រាស​ក្នុង​បច្ចុប្បន្នភាព​នេះ ។​

​លោក​ឈឿង ឈី​វ​អៀន អនុប្រធាន​សភាពាណិជ្ជកម្ម​ខេត្តបន្ទាយមានជ័យ​និង​ជា​តំណាង​សាខាសមាគម​សហគ្រិន​វ័យក្មេង​កម្ពុជា​ខេត្តបន្ទាយមានជ័យ បាន​មានប្រសាសន៍ថា ការប្រើប្រាស់​បច្ចេកវិទ្យា​របស់​សហគ្រិន​ធុន​តូច និង មធ្យម នៅ​កម្ពុជា​នេះ​ធ្វើឡើង​ដើម្បី​ចូលរួម​អបអរសាទរ​ដល់​អ្នក​ផ្តួចផ្ដើម​គំនិត​ថ្មី​និង​អ្នកបង្កើត​ការងារ​ដែល​បាន​ចាប់​ពាំ​នាំយក​នូវ​គំនិត​ដ៏​ល្អ​សម្រាប់​ជីវិត​។​

​ចំណែក លោក​លី សារី អភិបាលរង​ខេត្តបន្ទាយមានជ័យ និង​ជា​តំណាង​លោក​អ៊ុំ រាត្រី នៃ​រដ្ឋបាលខេត្ត​បាន​មានប្រសាសន៍ថា សហគ្រិនភាព​សកលក​ម្ពុ​ជា​ឆ្នាំ ២០២០​នេះ ធ្វើឡើង​ដើម្បី​លើកកម្ពស់​ដល់​សហគ្រិន​វ័យក្មេង​ឲ្យ​កាន់តែ​រីក​ធំ​និង​រឹងមាំ​ថែមទៀត​ក្នុង​រយៈពេល​ជាង​២០ ឆ្នាំ​បន្ទាប់ពី​ប្រទេស​កម្ពុជា​ទទួលបាន​សន្តិ​ភាព​ពេញលេញ​។​

​សហគ្រិន​វ័យក្មេង​ត្រូវតែមាន​សមត្ថភាព​ខ្ពស់​ក្នុងការ​ចាប់យក​បច្ចេក​វិទ្យា​មកប្រើប្រាស់​ក្នុង​ការធ្វើ​អាជីវកម្ម​របស់ខ្លួន​ប​ន្ថែ​ម​ទៀត​និង​ត្រូវ​លុបបំបាត់​នូវ​ផ្នត់គំនិត​មិនល្អ​មួយចំនួន​ដូចជា​ការធ្វើ​អាជីវកម្ម​តាម​គេ​តាម​ឯង​ដោយ​មិនមាន​ការសិក្សា​ទីផ្សារ​ច្បាស់លាស់​ជាដើម​។​

​សូមបញ្ជាក់ថា សព្វថ្ងៃនេះ​ប្រទេស​កម្ពុជា​ត្រូវការ​សហគ្រិន​វ័យក្មេង​ចំណាន​ដើម្បី​ជួយ​ជម្រុញ​ដល់​ការអភិវឌ្ឍ​ប្រទេសជាតិ ឲ្យ​មាន​ការឈាន​ឡើងជា​ប្រទេស​ដែលមាន​ចំណូល​មធ្យម​កម្រិត​ខ្ពស់​នៅ​ឆ្នាំ ២០៣០​នេះ​ទៀតផង​៕​

ទីតាំងផ្សាយពាណិជ្ជកម្ម

- Advertisment -

Most Popular