ដោយៈ ប.ជ័យ / បន្ទាយមានជ័យៈ អ្នកភូមិ និងសមត្ថកិច្ច បានស្វែងរកឃើញហើយនូវ សពបុរសម្នាក់ ដែលយកឧបករណ៍សាប ទៅដាក់ត្រី កាលពីម៉ោង ៤ រសៀលថ្ងៃទី១៨ ខែវិច្ឆិកា ឆ្នាំ២០២០ នៅចំណុចដីព្រៃឫស្សី ភូមិសុខសាន្ត សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
លោកវរសេនីយ៍ ធិន ស៊ិនដេត អធិការនគរបាល ក្រុងប៉ោយប៉ែត បានឲ្យដឹងថាៈ បុរសរងគ្រោះ ឈ្មោះ ម៉ាត ហៃ អាយុ៤១ឆ្នាំ មកស្នាក់នៅចាំដី ឲ្យឈ្មោះ យ៉ាង គឹមហុយ ដែលក៏ជាមនុស្ស ចូលចិត្តហូបស្រា ជាប្រចាំ រស់ក្នុងភូមិសុខសាន្ត សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
នៅមុនពេលកើតហេតុ ជនរងគ្រោះ បានហូបស្រាស្រវឹង ដូចរាល់ដង ហើយបានយកសាប ទៅដាក់យកត្រី តែបានដួលដាំក្បាល ទៅក្នុងទឹក ធ្វើឲ្យក្បាលជាប់នឹងឧបករណ៍សាប ក៏លង់ទឹកស្លាប់តែម្តង៕
