Home ព័ត៌មានជាតិ សន្តិសុខ បុរស​ម្នាក់ ទ...

បុរស​ម្នាក់ ទៅ​ម៉ាស្សា​កោស​ជប់ ស្រាប់តែ​បាត់មាត់ បាត់​.​ក ត្រូវ​ដឹកយក​ទៅ​សង្គ្រោះ ភ្លាមៗ​

ដោយៈ ស​រិ​ទ្ធ / ភ្នំពេញៈ បុរស​ម្នាក់ ទៅ​ម៉ាស្សា​កោស​ជប់ ស្រាប់តែ​បាត់មាត់ បាត់​.​ក ត្រូវបាន រថយន្ត​គ្លីនិក​ឯក ដឹក​យកទៅ​សង្គ្រោះ​ភ្លាមៗ បង្ក​ឲ្យ​មានការ​ភ្ញាក់ផ្អើល ដល់​សមត្ថកិច្ច​មូលដ្ឋាន កាលពី​ម៉ោង ១២ អធ្រាត្រ ថ្ងៃទី​១៨ ខែវិច្ឆិកា ឆ្នាំ​២០២០ នៅ​កន្លែង​ម៉ាស្សា កោស​ជប់ យីហោ « ម៉ាស្សា​៩៨ » តាម​បណ្តោយ​ផ្លូវ ២៥៥ កែង​ផ្លូវ ៣២៤ ស្ថិតក្នុង​សង្កាត់​បឹង​សាឡាង ខណ្ឌទួលគោក​។​

​ស្ត្រី​ម្នាក់​ដែលជា​អ្នក​ម៉ាស្សា ឲ្យ​បុរសរងគ្រោះ បាន​ឲ្យ​ដឹងថាៈ កាលពី​វេលា​ម៉ោង ១០ យប់​ថ្ងៃទី ១៨ ខែវិច្ឆិកា បុរសរងគ្រោះ បាន​ជិះ​ម៉ូតូ ម៉ាក YAMAHA FZ ពណ៌​ក្រហម ពាក់​ស្លាក​លេខ ភ្នំពេញ 1BM-3158 មករក​សេវាកម្ម​ម៉ាស្សា នៅក្នុង​ហាង​កើតហេតុ ទាំង​សភាព​ស្លេកស្លាំង​រួច​នាង​ក៏បាន នាំ​បុរស​នោះ ចូលទៅក្នុង​បន្ទប់ ដើម្បី​ម៉ាស្សា និង​កោស​ជប់​។​

​ស្ត្រី​ខាងលើ បាន​បន្តថាៈ ពេលដែល​ចូលទៅ​ដល់ ខាងក្នុង​បន្ទប់ នាង​ក៏បាន​សួរ​ទៅ​បុរស​រង គ្រោះ​ថា «​តើ​បង​ចង់​ម៉ាស្សា ឬក៏​កោសខ្យល់​»​។ បុរសរងគ្រោះ ក៏បាន​ឆ្លើយតប​ទៅវិញ​ថា «​គ្រាន់តែ​ម៉ាស្សា ធម្មតា បាន​ហើយ​»​។ ពេលដែល​និយាយ​ចប់ បុរសរងគ្រោះ ក៏​ដេក​ទៅលើ​គ្រែ ។ ចំណែក​នាង ក៏បាន​ម៉ាស្សា ទៅតាម​ធម្មតា ។ លុះ​ពេល​ម៉ាស្សា រួចរាល់​ហើយ​នាង​ក៏បាន​សួរ ទៅ​បុរសរងគ្រោះ​ថា «​យ៉ាងម៉េច​ហើយ​» ។ ប៉ុន្តែ​បុរសរងគ្រោះ មិនបាន​ឆ្លើយតប​នោះទេ គាត់​ក៏​មិនបាន​ចាប់អារម្មណ៍​ដែរ ដោយ​គិតថា ប្រហែលជា​បុរស​នោះ ដេកលក់​។​

​ស្ត្រី​ខាងលើ បាន​បន្តទៀតថាៈ បន្ទាប់មក នាង​ក៏បាន​ចេញពី​ក្នុង​បន្ទប់ ដោយ​ទុក​ឲ្យ​បុរសរងគ្រោះ ដេក​សិន​ទៅ​ចុះ​។ លុះ​មួយ​ស្ទុះ​ក្រោយមក នាង​ក៏បាន​ចូលទៅ​ដាស់ បុរសរងគ្រោះ​ព្រោះ​ជិត គ្រប់​មួយ​ម៉ោង​ហើយ តែ​ពេលនោះ បុរសរងគ្រោះ បាន​ខ្យល់​.​គ សន្លប់​បាត់មាត់ បាត់ ក ទៅហើយ ទោះជា​ការ​ដាស់ យ៉ាងណា ក៏​មិនដឹង​ខ្លួន​ដែរ បន្ទាប់មក នាង​ក៏​ប្រញាប់ប្រញាល់ រាយការណ៍​ជូន សមត្ថកិច្ច​មូលដ្ឋាន និង​ទាក់ទង​ហៅ រថយន្ត​សង្គ្រោះបន្ទាន់​ឲ្យ​មកជួយ​ធ្វើការ អន្តរាគមន៍​តែម្តង​។ បន្ទាប់មក ក៏មាន​សមត្ថកិច្ច​មូល​ដ្ឋា​ន និង​រថយន្ត របស់​គ្លីនិក​ឯកជន​បាន​ចុះ មកដល់ និង​បាន​ដឹកយក​បុរសរងគ្រោះ ទៅ​សង្គ្រោះ​ភ្លាមៗ​តែម្តង​៕PC

ទីតាំងផ្សាយពាណិជ្ជកម្ម

- Advertisment -

Most Popular