Home ព័ត៌មានជាតិ សេដ្ឋកិច្ច កម្ពុជា​អាចនឹ...

កម្ពុជា​អាចនឹងទទួល​បានការ​នាំចេញ​ដោយ​មិន​ជាប់ពន្ធ​និង​ការកំរិត​កូតា​ទៅ​អង់គ្លេស

ដោយ​៖​ដេប៉ូ​/​ភ្នំពេញ​៖ ក្រោយ​ការចាកចេញ​ពី​សហភាព​អឺរ៉ុប របស់​ប្រទេស​អង់គ្លេស (Brexit): វិធាន​ថ្មី​សម្រាប់ឆ្នាំ​២០២១ ដែល​ចេញ​ដោយ​នាយកដ្ឋាន​ពាណិជ្ជកម្ម​អន្តរជាតិ របស់​អង់គ្លេស កាលពី​ថ្ងៃទី​១០ ខែវិច្ឆិកា ឆ្នាំ​២០២០​ត្រូវបាន​គេ​រំពឹងថា​កម្ពុជា​អាចនឹងទទួល​បាន ការអនុគ្រោះ​ពាណិជ្ជកម្ម​តាមរយៈ​ប្រព័ន្ធ GSP របស់​អង់គ្លេស​។ នេះ​បើតាម​ការឱ្យ​ដឹង​របស់ សមាគម​រោងចក្រ​កាត់ដេរ​នៅ​កម្ពុជា (GMAC)​។

​យោងតាម​សារ​ណែនាំ​របស់​សមាគម​រោងចក្រ​កាត់ដេរ​នៅ​កម្ពុជា (GMAC) នៅ​ថ្ងៃទី​១៩ ខែវិច្ឆិកា​នេះ​បានឱ្យដឹង​ដោយយោង​ទៅលើ​ផ្នែក​នៃ​អន្តរកាល នៃ​ការចាកចេញ​ពី​សហភាព​អឺរ៉ុប របស់​ប្រទេស​អង់គ្លេស (Brexit): វិធាន​ថ្មី​សម្រាប់ ឆ្នាំ​២០២១ ដែល​ចេញ​ដោយ​នាយកដ្ឋាន ពាណិជ្ជកម្ម​អន្តរជាតិ របស់​អង់គ្លេស កាលពី​ថ្ងៃទី​១០ ខែវិច្ឆិកា ឆ្នាំ​២០២០​។ ប្រទេស​អង់គ្លេស បាន​ចាក​ចេញពី​សហភាព​អឺរ៉ុប ហើយ​រយៈពេល​អន្តរកាល​បន្ទាប់ពី Brexit នឹងត្រូវ​បញ្ចប់​នៅចុងឆ្នាំ​នេះ​។​

​ចាប់ពី​ថ្ងៃទី​១ ខែមករា ឆ្នាំ​២០២១ ប្រទេស​ដែល មាន​លក្ខណៈសម្បត្តិ​ជា​ប្រទេស​កំពុង​អភិវឌ្ឍន៍ នឹង​អាច​ទទួលបាន​ការអនុគ្រោះ​ពាណិជ្ជកម្ម​តាមរយៈ​ប្រព័ន្ធ GSP របស់​អង់គ្លេស​។ ប្រព័ន្ធ GSP របស់​អង់គ្លេស​នេះ ដំបូង​នឹង​ផ្តល់​ការអនុគ្រោះ​ពាណិជ្ជកម្ម​ទៅ​ប្រទេស​នានា​ដូច GSP របស់ សហភាព​អឺរ៉ុប​ដែរ​។ ប្រព័ន្ធ GSP របស់​អង់គ្លេស នឹងមាន​ក្របខ័ណ្ឌ​ចំនួន​៣៖ ក្របខ័ណ្ឌ​ប្រទេស អភិវឌ្ឍ​តិចតួច​បំផុត​, ក្របខ័ណ្ឌ​ទូទៅ និង​ក្របខណ្ឌ​ប្រសើរឡើង​។ កម្ពុជា ដែល​ត្រូវបាន​ចាត់ថ្នាក់ ដោយ​អង្គការសហប្រជាជាតិ​ថា ជា​ប្រទេស​អភិវឌ្ឍ​តិចតួច​បំផុត គឺ​ស្ថិតនៅក្នុង​ក្របខ័ណ្ឌ ប្រទេស​អភិវឌ្ឍ​តិចតួច​បំផុត​។ ហេតុដូច្នេះ កម្ពុជា នឹង​ទទួលបាន​ការនាំចេញ​ដោយ​មិន​ជាប់ពន្ធ និង​មិន​ជាប់​ការកំរិត​កូតា ទៅកាន់​ប្រទេស​អង់គ្លេស សម្រាប់​ទំនិញ​ទាំងអស់​លើកលែងតែ អាវុធ​និង​គ្រឿងផ្ទុះ​។ នេះ​គឺ​ដូចគ្នា​នឹង​គម្រោង EBA ក្រោម​ប្រព័ន្ធ GSP របស់​សហភាព​អឺរ៉ុប​។​

​សមាគម កំពុងធ្វើការ​ងារ​ជាមួយ​ក្រសួងពាណិជ្ជកម្ម​កម្ពុជា និង​សម​ភាគី​អង់គ្លេស ដើម្បី​សុំ​ការ បំភ្លឺ​អំពី​ការផ្លាស់ប្តូរ​មួយចំនួន នៅក្នុង​នីតិវិធី​រដ្ឋបាល (​ប្រសិនបើ​មាន​) ដូចជា​ការបញ្ជាក់ ប្រភពដើម​កំណើត​ទំនិញ កាលបរិច្ឆេទ​ចូល​ជាធរ​មាននៃ​ការអនុវត្ត (​ថា​តើ​កាលបរិច្ឆេទ​នៃ​ការ ដឹកជញ្ជូន ឬ​កាលបរិច្ឆេទ នៃ​ការ​ទៅដល់​)​។ GMAC នឹង​ផ្តល់ព័ត៌មាន​បន្ថែម​សមាជិក​នៅពេល ទទួលបាន​ការបំភ្លឺ​៕​PC/សរន

ទីតាំងផ្សាយពាណិជ្ជកម្ម

- Advertisment -

Most Popular

ចិន​នឹង​ដាក់​ចេញ​នូវ​ពន្ធ...

​ប្រែ​សម្រួល : កញ្ញា​ដា​ល...

MiG-29k​របស់​ឥណ្ឌា​ធ្លាក់...

​ប្រែ​សម្រួលៈ​វាសនា​/​មូ​...

បញ្ជូន​មន្ត្រីនគរបាល​ប៉ុស...

​ដោយៈ ស​រិ​ទ្ធ / ភ្នំពេញៈ...

ព្យួរ​មុខតំណែង​មេបញ្ជាការ...

​ដោយៈ ទេព មង្គល / ភ្នំពេញ...