Home ព័ត៌មានជាតិ សេដ្ឋកិច្ច ការប្រែប្រួល​...

ការប្រែប្រួល​អាកាសធាតុ ធ្វើ​ឲ្យ​មានការ​គំរាមកំហែង ដល់​ការអភិវឌ្ឍ​សេដ្ឋកិច្ច​-​សង្គម​

ដោយ​:​ដេប៉ូ​/​ភ្នំពេញ​: ការប្រែប្រួល​អាកាសធាតុ ធ្វើ​ឲ្យ​មានការ​គំរាមកំហែង ដល់​ការអភិវឌ្ឍ​សេដ្ឋកិច្ច​-​សង្គម និង​ប៉ះពាល់​ដល់​ជីវភាព​រស់នៅ​របស់​ម​នុស្ស​ជាតិ ពេលបច្ចុប្បន្ន និង​អនាគត ខណៈ​កម្ពុជា​ទទួលផល​ប៉ះពាល់​ខ្លាំង ពី​ការប្រែប្រួល​អាកាសធាតុ ដែល​បង្ក​ឲ្យ​មាន​បាតុភូត ធម្មជាតិ​។ នេះ​បើតាម​ការបញ្ជាក់​ពី​លោក ទិន ពន្លក អនុប្រធាន​ទី​២ ក្រុមប្រឹក្សា​ជាតិ​អភិវឌ្ឍន៍​ដោយ​ចីរភាព និង​ជា​រដ្ឋលេខាធិការ ក្រសួងបរិស្ថាន
​។​

​ថ្លែង​ក្នុង​សិក្ខាសាលា​ពិគ្រោះ​យោបល់ តាម​ប្រព័ន្ធ​អន​ឡាញ​ស្តីពី «​ការស្វែងយល់​ទស្សនៈ​សាធារណជន ចំពោះ​ការប្រែប្រួល អាកាសធាតុ​នៅ​កម្ពុជា ៖ ចំណេះដឹង ឥរិយាបថ និង​ការអនុវត្ត​» លើក​ទី​៣ កាលពី​ថ្ងៃទី​១៨ ខែវិច្ឆិកា ឆ្នាំ​២០២០ លោក ទិន ពន្លក បានឱ្យដឹងថា «​ការប្រែប្រួល​អាកាសធាតុ គឺជា​បញ្ហា​អន្តរ​វិស័យ ដែល​បង្ក​ឲ្យ​មានការ​គំរាមកំហែង ដល់​ការអភិវឌ្ឍ​សេដ្ឋកិច្ច​-​សង្គម និង​ប៉ះពាល់​ដល់​ជីវភាព​រស់នៅ​របស់​ម​នុស្ស​ជាតិ​នាពេល​បច្ចុប្បន្ន និង​អនាគត​ខណៈ​ប្រទេស កម្ពុជា​ទទួលផល​ប៉ះពាល់​ខ្លាំង​ពី​ការ ប្រែប្រួល​អាកាសធាតុ ដែល​បង្ក​ឲ្យ​មាន​បាតុភូតធម្មជាតិ ដូចជា​គ្រោះទឹកជំនន់ គ្រោះរាំងស្ងួត ខ្យល់ព្យុះ​ធ្ងន់ធ្ងរ កំណើន​កម្ពស់​ទឹកសមុទ្រ ជាដើម​»​។​

​ជាមួយគ្នានេះ​លោក​បញ្ជាក់ថា រាជរដ្ឋាភិបាល​កម្ពុជា បាន​យកចិត្តទុកដាក់​ខ្ពស់ ក្នុងការ​ដោះស្រាយ​បញ្ហា​ប្រឈម​នេះ តាមរយៈ​គោ​លន យោ​បាយ​ផែនការ​យុទ្ធសាស្ត្រ និង​ការចូលរួម​នានា ទាំង​ក្នុង​កម្រិត​ជាតិ និង​តំបន់​។​លោក​ថា នាយកដ្ឋាន​ប្រែប្រួល​អាកា ស​ធាតុ នៃ​អគ្គលេខាធិការដ្ឋាន​ក្រុម​ប្រឹក្សាជាតិ អភិវឌ្ឍន៍​ដោយ​ចីរភាព ក្រសួងបរិស្ថាន​កន្លង​មក បានធ្វើការ​សិក្សា​នេះ ចំនួន​២​ដង​រួម​មកហើយ ពោលគឺ​លើក​ទី​១ នៅ​ឆ្នាំ​២០១១ និង​លើក​ទី​២ នៅ​ឆ្នាំ​២០១៦ ព្រមទាំង​លើក​ទី​៣​នេះ នៅ​ឆ្នាំ ២០២០​។​

​លោក​លោក ទិន ពន្លក​បានបញ្ជាក់​បន្ថែម​ទៀតថា ការសិក្សា​ស្រាវជ្រាវ ដោយ​ផ្អែកលើ លទ្ធផល នៃ​ការវិភាគ​បែប​វិទ្យាសាស្ត្រ ស្របតាម​ស្ថានភាព​បច្ចុប្បន្ន ពិត​ជាមាន​សារៈសំខាន់ ក្នុងការ​ចូលរួមចំណែក ក្នុង​ការកសាង​គោលនយោបាយ និង​ផែនការ​យុទ្ធសាស្ត្រ​ឆ្លើយតប នឹង​ការប្រែប្រួល​អាកាសធាតុ និង​ការអភិវឌ្ឍ​សង្គម​ប្រកបដោយ​ចីរភាព ៕​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...