ដោយ:ម៉េងឆៃ/ ភ្នំពេញៈ លោក ឈឿន ប៊ុណ្ណារ័ត្ន រដ្ឋលេខាធិការ និងជាប្រធានគណៈកម្មាធិការ ប្រយុទ្ធនឹងជំងឺអេដស៍ តំណាងក្រសួងមុខងារសាធារណៈព្រមទាំងអស់លោកលោកស្រី និងសមាជិកក្រុមការងារបច្ចេកទេសរបស់ក្រសួងមុខងារសាធារណៈ បានអញ្ជើញចូលរួមកិច្ច ប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២០ តាមប្រព័ន្ធវិដេអូ (Video Conference)។
កិច្ចប្រជុំដែលប្រព្រឹត្តទៅពីថ្ងៃទី១៨ ដល់ថ្ងៃទី១៩ ខែវិច្ឆិកាបានប្រារព្ធឡើង ក្រោមការចូលរួម លោកទេសរដ្ឋមន្ត្រី អៀង ម៉ូលី ប្រធានអាជ្ញាធរជាតិប្រយុទ្ធនឹងជំងឺអេដស៍ដោយមានសមា សភាព អញ្ជើញចូលរួមពីលោក អ្នកស្រី ជាប្រធាន និងតំណាងគណៈកម្មាធិការប្រយុទ្ធនឹង ជំងឺអេដស៍ក្រសួង ស្ថាប័ន រាជធានី ខេត្ត ដៃគូអភិវឌ្ឍន៍ និងអង្គការជាតិ អន្តរជាតិចំនួនប្រមាណ ជាង ១៥០នាក់ និងគណនី។
កិច្ចប្រជុំនេះ មានគោលបំណងត្រួតពិនិត្យលើរបាយការណ៍វឌ្ឍនភាព និងស្ថានភាពមេរោគ អេដស៍ និងជំងឺអេដស៍នៅកម្ពុជា ៦ខែចុងឆ្នាំ២០២០ ព្រមទាំងមានការចូលរួមធ្វើបទបង្ហាញ និងចែករំលែកបទពិសោធន៍ អំពីការងារប្រយុទ្ធ និងឆ្លើយតបមេរោគអេដស៍ និងជំងឺអេដស៍ តាមបណ្តាខេត្តមួយចំនួន ដូចជា ខេត្តកំពង់ស្ពឺ ខេត្តសៀមរាប ខេត្តបាត់ដំបង និងអង្គការរ៉ាក់ តាមប្រព័ន្ធវីដេអូខនហ្វើរិន (BlueJeans)៕PC
