ដោយៈ បញ្ញាសាស្ត្រ / ភ្នំពេញៈ ក្រសួងវប្បធម៌ និងវិចិត្រសិល្បៈ បានចេញសេចក្តីជូនដំណឹង កាលពីព្រឹក ថ្ងៃព្រហស្បតិ៍ទី ១៨ វិច្ឆិកា ២០២០ ថា គ្រប់រោងភាពយន្ត រោងសម្តែងសិល្បៈ និងសារមន្ទីរជាតិ ទូទាំងប្រទេស អាចបើកដំណើរការ ឡើងវិញហើយ ក្រោយពីផ្អាកដំណើរការ រយៈពេលជាង ពីរសប្តាហ៍ ក្រោយមានព្រឹត្តិការណ៍ ថ្ងៃ៣ វិច្ឆិកា ។
ដោយបានគោលការណ៍ណែនាំ ដ៏ខ្ពស់ខ្ពស់ពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា រោងភាពយន្ត រោងសម្តែងសិល្បៈ សារមន្ទីរទូទាំងប្រទេស ដែលបានចុះអនុស្សរណៈយោគយល់គ្នា ជាមួយក្រសួងវប្បធម៌ និងវិចិត្រសិល្បៈ អំពីការប្រតិបត្តិស្តង់ដារ ការពារការចម្លងមេរោគកូវីដ-១៩ នឹងត្រូវអនុញ្ញាត អោយបើកដំណើរការឡើងវិញ ដូចមុន ព្រឹត្តិការណ៍ ៣ វិច្ឆិកា។
សូមអានសេចក្តីជូនដំណឹង ខាងក្រោមនេះ៖
