Home ព័ត៌មានអន្តរជាតិ មេដឹកនាំ​ថៃ​ប...

មេដឹកនាំ​ថៃ​បញ្ជា​អោយ​ប៉ូលិស​បង្ក្រាប​លើ​ពួក​បាតុករ​គាំទ្រ​លទ្ធិប្រជាធិបតេយ្យ​

​ប្រែ​សម្រួលៈ​វាសនា​/​បាងកក​៖​នាយករដ្ឋមន្ត្រី​ថៃ លោក​ប្រា​យុទ្ធ ចាន់​អូ​ចា កាលពី​ថ្ងៃ​ព្រហស្បតិ៍​បាន​បញ្ជា​ទៅ​បណ្តា​ទីភ្នាក់ងារ​សន្តិសុខ​អោយ​បង្ក្រាប​ពួក​អ្នក​ប្រឆាំង​តវ៉ា​គាំទ្រ​លទ្ធិប្រជាធិបតេយ្យ នៅពេល​​តែ​ប៉ុន្មាន​ថ្ងៃក្រោយ​ប៉ូលិស​បាញ់​ទឹក​និង​ឧស្ម័ន​ហៀរ​ទឹកភ្នែក​អ្នក​បាតុករ​និង​នៅ​ពេល​តែ​ប៉ុន្មាន​ម៉ោង​ក្រោយ​ពួក​អ្នក​ប្រឆាំង​តវ៉ា​នាំគ្នា​ទៅដល់​ស្នាក់ការ​ធំ​របស់​ប៉ូលិស​នៅ​ក្រុង​បាងកក​និង​ជះ​ទឹក​ថ្នាំ​ដាក់​​ស្លាក​ប៉ូលិស​នៅ​មាត់ទ្វារ​ស្នាក់ការ​នោះ​អោយ​ប្រឡាក់​ខ្ទេច​។​

​ប្រទេស​នេះ​បាន​ជួប​ការប្រឆាំង​តវ៉ា​ទាមទារ​អស់​ពេល​ជា​ច្រើន​ខែ​មក​ហើយ ដោយ​ពួក​បាតុករ​ដឹកនាំ​ដោយ​ចលនា​និស្សិត ទាមទារ​រដ្ឋធម្មនុញ្ញ​ថ្មី​មួយ កែ​ទំរង់​របបរាជានិយម និង​នាយករដ្ឋមន្ត្រី ចុះចេញ​​ពី​តំណែង​។​

​ការ​ប៉ះទង្គិច​គ្នា​រវាង​អ្នក​ប្រឆាំង​តវ៉ា​និង​ពួក​រាជានិយម​ប្រកាន់​តឹង​កាលពី​ថ្ងៃ​អង្គារ បានកត់សំគាល់​កំណើន​នៃ​អំពើហិង្សា ដោយ​មនុស្ស​៦​នាក់​រងរបួស​ដោយ​ត្រូវ​គ្រាប់កាំភ្លើង​។​

​នៅ​មួយ​ថ្ងៃ​ក្រោយមក គឺ​ថ្ងៃ​ពុធ​ម្សិលមិញ​មនុស្ស​ប្រមាណ​២០.០០០​នាក់​បាន​មក​ជួបជុំ​នៅ​សង្កាត់​លក់ដូរ​ធំ​ក្នុង​ក្រុង​បាងកក ហើយ​ពួកគេ​បានរ​សេរ​ពាក្យស្លោក​ប្រឆាំង​ស្តេច​នៅក្រៅ​ស្នាក់ការ​ប៉ូលិស​ជាតិ​។​​ពួកគេ​ក៏​បាន​ជះ​ទឹក​ថ្នាំ​លាប​លើ​ស្លាក​ប៉ូលិស​ធ្វើអោយ​ប្រឡាក់​គ្មានៅ​សល់កន្លែង​។​

​លោកនាយក​រដ្ឋមន្ត្រី​បាន​និយាយថា «​សភាពការណ៍​នៅ​តែ​មិនទាន់​អាច​ដោះស្រាយ​បាន​តាម​ទិសដៅ​ល្អ​ណា​មួយ ហើយ​ទំនងជា​នឹង​មាន​ជម្លោះ​ច្រើន​ទៀត​ដែល​នាំ​ដល់​អំពើ​ហិង្សា​បន្ថែម​។​បើ​ទុក​ចោល​….​វា​នឹង​បំផ្លាញ​ប្រទេសជាតិ និង​ស្ថាប័ន​គោរព​ស្រឡាញ់​បំផុត​»​។​

​លោក​បាន​បញ្ជាក់ថា បណ្តា​ទីភ្នាក់ងារ​រដ្ឋាភិបាល​និង​សន្តិសុខ ចាំបាច់​«​បង្កើន​ការប្រតិបត្តិ​របស់គេ​» និង​អនុវត្ត​គ្រប់​វគ្គ​ខណ្ឌ​នៃ​ច្បាប់​ទាំងអស់​។​

​ពាក្យ​សម្តី​របស់​លោក​ប្រា​យុទ្ធ មានន័យថា នឹង​មាន​ការចោទប្រកាន់​មនុស្ស​ច្រើន​ឡើង​នៅក្រោម​ច្បាប់​ប្រមាថ​ស្តេច​ដ៏​តឹងរឹង របស់​ប្រទេស​៕

​ប្រា​យុទ្ធ ៖ ត្រូវតែ​ប្រើ​គ្រប់​ច្បាប់​ដែល​មាន​ដើម្បី​ប្រឆាំង​ពួក​ប្រឆាំង​តវ៉ា​ខុសច្បាប់​

កម្មករសម្អាតនិងជួសជុលស្លាកប៉ូលិសជាតិឡើងវិញនៅថ្ងៃ១៩វិច្ឆិកា ក្រោយត្រូវបាតុករជះថ្នាំដាក់កាលពីយប់

ទីតាំងផ្សាយពាណិជ្ជកម្ម

- Advertisment -

Most Popular