Home ព័ត៌មានអន្តរជាតិ លោកបៃ​ដិនថា​ន...

លោកបៃ​ដិនថា​នឹង​មិន​បិទ​ប្រទេស​ទាំង​ស្រុង​ទេ ត្បិតកូ​វីដ​កើនឡើង​ខ្ពស់​

​ប្រែ​សម្រួល : កញ្ញា​ដា​លី​ស​/​វី​ល​មីង​តុ​ន​, ដេ​ឡាវែ ៖ ប្រធានាធិបតី​ជាប់ឆ្នោត​អាម៉េរិក​លោកចូ បៃ​ដិនបាន​និយាយ​កាលពី​ថ្ងៃ​ព្រហស្បតិ៍​ទី​១៩​វិច្ឆិកា​ថា​លោក​នឹង​មិន​បញ្ជា​ឱ្យមាន​ការបិទ​ប្រទេស​ទាំង​​ស្រុង​ដើម្បី​ប្រយុទ្ធប្រឆាំង​នឹង​ជំងឺ​រាតត្បាត​កូវី​ដ​១៩​នោះទេ ទោះបីជា​មាន​ការកើនឡើង​នៃ​ករណី​ឆ្លង​ក៏ដោយ​។​

​រដ្ឋ​និង​ទីក្រុង​នានា​បាន​ដាក់​ចេញ​ការ​រឹតត្បិត​ផ្ទាល់ខ្លួន​របស់​ពួកគេ​រួម​មាន​ការ​បង្ខាំង​ខ្លួន​ក្នុងផ្ទះ ការបិទ​អាហា​រដ្ឋា​ន​ដែល​មាន​បរិវេណ​បិទ​ជិត និង​ការដាក់កំហិត​លើ​ការប្រមូលផ្ដុំ​ខណៈ​ករណី​ឆ្លង​កើនឡើង​​នៅ​ទូទាំង​ប្រទេស​។​

​លោកបៃ​ដិន ដែល​នឹង​ចូលកាន់​តំណែង​នៅ​ថ្ងៃទី ២០ ខែ​មករា បាន​ប្រាប់​អ្នកយកព័ត៌មាន​ថា “​មិន​មាន​កាលៈទេសៈ​ណា​មួយ​ដែល​ខ្ញុំ​អាច​មើលឃើញ​តម្រូវការ​បិទទ្វារ​ប្រទេស​ទាំង​ស្រុង​នោះទេ​”​។​

​ទោះយ៉ាងណា លោក​បាន​និយាយថា វិធាន​សម្រាប់​ពេល​វេលា​និង​របៀប​ដែល​អាជីវកម្ម​និង​គ្រឹះស្ថាន​ផ្សេងទៀត​អាច​បើក​បាន​ឬ​អត់​នោ​គឺ​ត្រូវ​ផ្អែកលើ​ការគំរាមកំហែង​នៅក្នុង​តំបន់​ដែល​ស្ថិតក្នុង​​មន្ទិលសង្ស័យ និង​អាស្រ័យ​លើ​កម្រិត​ឆ្លង​ផ្សេងៗ​គ្នា​នៅ​ទូទាំង​ប្រទេស​។​

​យោងតាម​របាយការណ៍​សរុប​របស់​សាកលវិទ្យាល័យ​ច​ន​ហប់​ឃី​ន អាម៉េរិក​ឥឡូវ​ចុះបញ្ជី​អ្នកស្លាប់​ជាង ២៥១.០០០ នាក់​និង​ឆ្លង​ជាង ១១,៦ លាន​ករណី​។​

​ការកើនឡើង​នូវ​ករណី​ឆ្លង​ខ្លាំង​បែប​នេះ​បាន​ធ្វើឱ្យ​អាជ្ញាធរ​មាន​មានការ​ប្រុងប្រយ័ត្ន​ខ្ពស់​រហូតដល់​កម្រិត​មួយ​ដែល​មជ្ឈមណ្ឌល​គ្រប់គ្រង​និង​បង្ការ​ជំងឺ​អាម៉េរិក (CDC)​ជំរុញ​ឱ្យ​ជនជាតិ​អាម៉េរិក​​ទាំងអស់​មិន​ត្រូវ​ធ្វើដំណើ​រ​សម្រាប់​ថ្ងៃបុណ្យ​សេង​ហ្គី​វ​វី​ង (Thanksgiving) នៅ​សប្តាហ៍​ក្រោយ​។​

​វេជ្ជបណ្ឌិត ហិន​រី វ៉​ក ទទួលបន្ទុក​ផ្នែក​គ្រប់គ្រង​កិច្ចការ​ប្រចាំថ្ងៃ​នៃ​ការឆ្លើយតប​ចំពោះ​ជំងឺ​រាតត្បាត​របស់ CDC បាន​ប្រាប់​អ្នកយកព័ត៌មាន​ថា “​វា​មិនមែន​ជា​តម្រូវការ​ចាំបាច់​ទេ​។​វា​ជា​ការណែនាំ​ដ៏​ខ្លាំង​​ក្លា​”​។​

​ថ្ងៃបុណ្យ​សេង​ហ្គី​វ​វី​ង​គឺជា​ថ្ងៃ​ឈប់សម្រាក​ដ៏​មមាញឹក​បំផុត​របស់​ស​ហ​រដ្ឋ​អាម៉េរិក​បើ​និយាយ​អំពី​ការ​ធ្វើ​ដំណើរ​។ នៅ​ពេល​បុណ្យ​នេះ​មក​ដល់​នៅ​ថ្ងៃ​ព្រហស្បតិ៍​ទី​២៦​វិច្ឆិកា​ជនជាតិ​អាម៉េរិក​ជាច្រើន​នឹង​ឈប់​​សម្រាក​នៅ​ថ្ងៃ​សុក្រ ហើយ​នឹង​ចំណាយ​ពេល​ចុង​សប្តាហ៍​ដ៏​វែង​ដើម្បី​ទៅ​ជួប​ក្រុម​គ្រួសារ​នៅក្នុង​រដ្ឋ​ផ្សេងទៀត​៕

​លោកបៃ​ដិន​មក​ដល់​កិច្ចប្រជុំ​មួយ​តាម​អន​ឡាញ​ជាមួយ​គណៈកម្មការ​ប្រតិបត្តិ​របស់​សមាគម​អភិបាល​ជាតិ​នៅ​ទីក្រុង​វី​ល​មីង​តុ​ន រដ្ឋ​ដេ​ឡាវែ​កាលពី​ថ្ងៃទី​១៩​វិច្ឆិកា​២០២០

ទីតាំងផ្សាយពាណិជ្ជកម្ម

- Advertisment -

Most Popular

យី ធា អតីត​ពេទ្យ​ខ្មែរក្រ...

​ហ៊ាន ពិសី​៖ អ្នកស្រា...

ហេដ្ឋារចនាសម្ព័ន្ធ​ធារាសា...

ដោយៈ​ប​.​ខុន​/​ភ្នំពេញៈ​រ...

ព្រឹត្តិការណ៍​ជាតិ​សំខាន់...

ដោយ​: ម៉េង​ឆៃ​/ ភ្នំពេញ​:...

បន្ទាប់ពី​រកឃើញ​កូ​វីដ​១៩...

ដោយៈ​មុនី​រ័ត្ន​,គូលែន/​ភ...