Home ព័ត៌មានអន្តរជាតិ បៃ​ដិន​ហៅ​ត្រ...

បៃ​ដិន​ហៅ​ត្រាំថា “​ប្រធានាធិបតី​គ្មាន​ទំនួល​ខុស​ត្រូវ​បំផុត​” នៅក្នុង​ប្រវត្តិសាស្ត្រ​អាម៉េរិក​

​ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ ប្រធានាធិបតី​ជាប់ឆ្នោត​លោក ចូ បៃ​ដិន បាន​ថ្កោលទោស​ប្រធានាធិបតី​ដូណាល់ ត្រាំ​ថា​ជា “​ប្រធានាធិបតី​គ្មាន​ទំនួល​ខុស​ត្រូវ​បំផុត​នៅក្នុង​ប្រវត្តិសាស្ត្រ​អាម៉េរិក​” ដោយ​គិតតែ​ជុំវិញ​ការខិតខំ​របស់​លោក​ដើម្បី​ទាញ​បញ្ច្រាស់​លទ្ធផល​នៃ​ការបោះឆ្នោត​។​

​លោកបៃ​ដិន​ត្រូវបាន​អ្នកកាសែត​ម្នាក់​សួរ​កាលពី​ថ្ងៃ​ព្រហស្បតិ៍​ទី​១៩​វិច្ឆិកា​អំពី​ការ​បន្លាយពេល​នៃ​ការអញ្ជើញ​របស់​សេត​វិមាន​ចំពោះ​ពួក​សមាជិក​សភា​រដ្ឋ​មី​ឈី​ហ្គែ​ន​ក្នុង​គោលបំណង​ដើម្បី​បញ្ច្រាស់​លទ្ធ​​ផល​នៃ​ការបោះ​ឆ្នោត​នៅក្នុង​រដ្ឋ ដែល​លោកបៃ​ដិន​ឈ្នះ​។​

​លោកបៃ​ដិន​គ្រវីក្បាល ហើយ​កត់សម្គាល់ថា “​មាន​សំណួរ​ជាច្រើន​សូម្បី​ថា​តើ​ទង្វើ​នេះ​ត្រឹមត្រូវ​តាមច្បាប់​ឬ​អត់​ទៀតផង​” ហើយ​និយាយ​ថា ចំណាត់ការ​នេះ​គឺ “​គួរឱ្យ​ស្អប់ខ្ពើម​ណាស់​”​។​

​លោក​បៃដិនបន្ថែម​ទៀត​ថា “​វា​ពិបាក​ក្នុង​ការស្វែងយល់​ពី​របៀប​ដែល​បុរស​នេះ​គិត​”​។​

​អំពី​ការបដិសេធ​របស់លោក​ត្រាំ​ចំពោះ​លទ្ធផល​នៃ​ការបោះឆ្នោត លោកបៃ​ដិ​ននិយាយថា ជនជាតិ​អាម៉េរិក “​កំពុង​មើល​ឃើញ​ការ​គ្មាន​ទំនួល​ខុស​ត្រូវ​មិន​គួរឱ្យ​ជឿ​” ហើយ​បាន​ព្រមាន​ថា​”​សារ​ដែល​បង្ក​​ការបំផ្លាញ​ស្ទើរ​មិន​គួរឱ្យ​ជឿ​ជា​ហូរហែ​កំពុង​ត្រូវបាន​បញ្ជូន​ទៅ​ពិភពលោក​ទាំងមូល​អំពី​ដំណើរការ​ប្រជាធិបតេយ្យ​”៕

​លោកបៃ​ដិនថា​លោកត្រាំ​ជា​ប្រធានាធិបតីគ្មាន​ការទទួលខុសត្រូវ​បំផុ​ត​ក្នុង​ប្រវត្តិសាស្ត្រ​អាម៉េរិក​

ទីតាំងផ្សាយពាណិជ្ជកម្ម

- Advertisment -

Most Popular