Home ព័ត៌មានជាតិ សន្តិសុខ ពលរដ្ឋ​ប្តឹង​...

ពលរដ្ឋ​ប្តឹង​លោក​ស័ក្តិ​៥​ម្នាក់ យក​កាំភ្លើង​មក​សំឡុត និង​គំរាម​សម្លាប់​ទាំង​គ្រួសារ​

​ដោយៈ​អង្គា​រ៍​ហេង​/​ភ្នំពេញៈ យោងតាម​ពាក្យបណ្តឹង របស់​ភាគី​រងគ្រោះ​នៅ​រសៀល​ថ្ងៃទី​១៩ ខែវិច្ឆិកា ឆ្នាំ​២០២០ អមដោយ​រូបភាព​កាន់​កាំភ្លើង និង​វីដេអូ​ឃ្លី​ប បាន​ប្តឹង​ឈ្មោះ ហ៊ីម សំបូរ មាន​ឋានន្តរសក្តិ​ថ្នាក់​វរសេនីយ៍ឯក បាន​ជេរប្រមាថ សំឡុត និង​គំរាមកំហែង​សម្លាប់​ទាំង​គ្រួសារ​។​

​ក្នុង​ពាក្យបណ្តឹង​បាន​លើកឡើងថា​៖ “​នាង​ខ្ញុំ​ឈ្មោះ អ៊ុក ស្រីរិន ជនជាតិខ្មែរ សញ្ជាតិ​ខ្មែរ កាន់​អត្តសញ្ញាណប័ណ្ណ​លេ​ខៈ ០១០៩៨១១៣៩ ទីលំនៅ​ប់ច្ចុប្បន្ន ផ្ទះ​លេខ​១៤៧​បេ ផ្លូវ​២៧១ ភូមិ​អូរ​បែកក្អម សង្កាត់​អូរ​បែកក្អម ខណ្ឌ​សែន​សុខ រាជធានី​ភ្នំពេញ សូម​គោរព​ជូន លោក​មេបញ្ជាការ​កងរាជអាវុធហត្ថ​ខណ្ឌ​សែន​សុខ ជាទីគោរព​ដ៏​ខ្ពង់ខ្ពស់​។​ ​សុំ​ប្តឹង​ពី​ឈ្មោះ ហ៊ីម សំបូរ ភេទ ប្រុស កើត​ថ្ងៃទី​១៥ ខែមេសា ឆ្នាំ​១៩៦២ ជនជាតិខ្មែរ សញ្ជាតិ​ខ្មែរ មាន​ទីលំនៅ​បច្ចុប្បន្ន​ផ្ទះ​លេខ ផ្លូវ​២៧១ ភូមិ​អូរ​បែកក្អម សង្កាត់​អូរ​បែកក្អម ខណ្ឌ​សែន​សុខ រាជធានី​ភ្នំពេញ ដោយ​បច្ចុប្បន្ន​បម្រើការ​ងារ​នៅ បញ្ជាការដ្ឋាន​កងទ័ព​ជើង​អាកាស មាន​ឋានន្តរសក្តិ​ថ្នាក់​វរសេនីយ៍ឯក បាន​ជេរប្រមាថ សំឡុត និង​គំរាមកំហែង​សម្លាប់​ទាំង​គ្រួសារ​ដោយ​អាវុធខ្លី​កាន់​ដើរមក​សំដៅ​កន្លែង​អ៊ុតសក់​នាង​ខ្ញុំ​”​។

​ជនរងគ្រោះ​បាន​បញ្ជាក់ថា ឈ្មោះ ហ៊ីម សំបូរ តែងតែ​រករឿង​ឈ្លោះ​ជាមួយ​ក្រុមគ្រួសារ​របស់​នាង​ជា​ញឹកញាប់ ហើយ​តែងតែ​កាន់​អាវុធខ្លី​ដើរ​គំរាមកំហែង​អ្នកជិតខាង ណា​ដែល​បាន​ឈ្លោះ​ជាមួយ​ខ្លួន ហើយ​សំឡុត​និង​បាន​បោះពាក្យ​សម្តី​ថា “​ហែង​ធ្វើ​មិន​ឈ្នះ​អញ​ទេ​!” .

​ពាក់ព័ន្ធ​ករណី​ខាងលើ​លោក ព្រុំ ស័​ក្ដា មេបញ្ជាការ​មូលដ្ឋាន​ក​ង​រាជ​អាវុធហត្ថ​ខណ្ឌ​សែន​សុខ មិនអាច​ទាក់ទង​បានទេ​នៅ​រសៀល​ថ្ងៃទី​១៩ ខែវិច្ឆិកា​នេះ ដោយ​ទូរស័ព្ទ​ចូល​គ្មាន​អ្នកទទួល​។​

​ចំណែក​ឧ​ត្ត​ម​សេនីយ៍​ឯក រ័ត្ន ស្រ៊ាង មេបញ្ជាការរង​កងរាជអាវុធហត្ថ​លើ​ផ្ទៃ​ប្រទេស និង​ជា​មេបញ្ជាការ កងរាជ​អាវុធហត្ថ​រាជធានី​ភ្នំពេញ​បាន​អះអាងថា​លោក​នឹង​ចាត់ចែង​រឿងនេះ​៕​

ទីតាំងផ្សាយពាណិជ្ជកម្ម

- Advertisment -

Most Popular

បញ្ជាការដ្ឋាន​កងពល​តូច​លេ...

​ដោយ​:​រ៉ា​ម៉ន​/​ភ្នំពេញ​...

ហោរាសាស្ត្រ​

ប្រចាំថ្ងៃសៅរ៍ ទី៥ ខែធ្នូ...

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...