Home ព័ត៌មានជាតិ សន្តិសុខ រថយន្ត​ពាក់​ស...

រថយន្ត​ពាក់​ស្លាក​លេខ​រាជការ បុក​ម៉ូតូ​បណ្តាលអោយ​បុរស​ម្នាក់​ស្លាប់​

ដោយ​:​អង្គរតូច​/​សៀមរាបៈ បុរស​ម្នាក់​បាន​ស្លាប់ ពេល​បញ្ជូនទៅ​មន្ទីរពេទ្យ ក្នុង​ហេតុ​ការគ្រោះថ្នាក់ ដោយ​រថយន្ត​ស្លាក​លេខ​រាជការ បុក​ម៉ូតូ​ក្នុង​ដំណើរ​ច្រាសទិស​គ្នា នៅវេលា​ម៉ោង​២​និង​៣០​នាទី​រំលង​អា​ធ្រា​ត ឆ្លង​ចូល​ថ្ងៃទី​២០ ខែវិច្ឆិកា ឆ្នាំ​២០២០ លើក​ណាត់​ផ្លូវជាតិ​លេខ​៦ ចន្លោះ​បង្គោល​គីឡូ​ម៉ែត​លេខ​៣៣៩. ៣៤០ ក្នុង​ទឹកដី​ភូមិ​គោក​រុន ឃុំ​សសរស្តម្ភ​ស្រុក​ពួក ខេត្តសៀមរាប​។​

​អធិការនគរបាល​ស្រុក​ពួក លោក​វរសេនីយ៍ឯក ទេព ពុំសែន បានអោយដឹងថា រថយន្ត​បង្ក​ម៉ាក​សាំ​យុង ព​ណ៍ស ពាក់​ស្លាក​លេខ រាជការ បើកបរ​ដោយ​ឈ្មោះ​ស្វឿ​ង ពិសី ភេទ​ប្រុស អាយុ​២៤​ឆ្នាំ រស់នៅ​ភូមិ​រំចេក​៤ សង្កាត់​រតន​: ក្រុង​បាត់ដំបង បើកបរ​ទិសដៅ​ពី​លិចទៅ​កើត​។ ចំណែក​ម៉ូតូ​រងគ្រោះ ម៉ាក​ហុងដា​សេ​១២៥ ព៍ណ​ខ្មៅ សេរី​ឆ្នាំ​២០១៣ ពាក់​ស្លា​កលេ​សៀមរាប 1O 3079 បើកបរ​ដោយ​ឈ្មោះ ឡង ពន្លឹក ភេទ​ប្រុស​
​អាយុ​៣៣​ឆ្នាំ រស់នៅ​ភូមិ​តា​រស់ សង្កាត់​ក្របី​រៀល ក្រុង​សៀមរាប បើក​ពី​កើ​តទៅ​លិច (​ស្លាប់​) ពេល​បញ្ជូនទៅ​មន្ទីរពេទ្យ​។​

​លោក​អធិការ បញ្ជាក់ថា មូលហេតុ​នៃ​គ្រោះថ្នាក់​នេះ ដោយសារ​អ្នកបើករថយន្ត​មិន​ប្រកាន់​ស្តាំ បើក​វ៉ា​ជែង ជ្រុល​ទៅបុក​ម៉ូតូ​ជនរងគ្រោះ​។ ក្រោយពេល​កើតហេតុ​កំលាំង​ជំនាញ​បាន​ចុះ​វាស់វែង និង​ដកហូត​វត្ថុតាង​យក​រក្សាទុក​នៅ​អធិការដ្ឋាន​នគរបាល​ស្រុក​រងចាំ​ដោះស្រាយ ចំណែក​សាកសព បាន​ប្រគល់ជូន​ក្រុមគ្រួសារ​៕​

ទីតាំងផ្សាយពាណិជ្ជកម្ម

- Advertisment -

Most Popular

រោង​ម៉ាស៊ីនកិនស្រូវ​មួយកន...

​ដោយៈ ស​រិ​ទ្ធ / ភ្នំពេញៈ...

អភិបាលខណ្ឌ​កំបូល នាំយក​សៀ...

​ដោយៈ រ៉ា​ម៉ន / ភ្នំពេញៈ ...

ឃាត់ខ្លួន​ជនសង្ស័យ ពីរ​នា...

ដោយៈ ទេ​ពក​ង្រី / កំពង់ឆ្...

EL : Arsenal, Leicester, ...

​ប្រែ​សម្រួល : កញ្ញា​ដា...