Home ព័ត៌មានជាតិ សេដ្ឋកិច្ច ជំនាញកំពុងរកគ...

ជំនាញកំពុងរកគន្លឹះកម្រិតយុទ្ធសាស្ត្រនិងកម្រិតវិស័យដើម្បីអភិវឌ្ឈន៍កម្ពុជា

ដោយៈ ជាសីហៈ/ភ្នំពេញ: លេខាធិការដ្ឋានដឹកនាំ និងសម្របសម្រួលការអនុវត្តគោលនយោបាយ អភិវឌ្ឍន៍វិស័យឧស្សាហកម្មកម្ពុជាឆ្នាំ ២០១៥-២០២៥ (IDP) នៃក្រុមប្រឹក្សាអភិវឌ្ឍន៍កម្ពុជា (ក.អ.ក) បានរៀបចំកិច្ចប្រជុំអន្តរក្រសួង ដើម្បីពិនិត្យ និងផ្តល់ការឯកភាពលើសូចនាករគន្លឹះកម្រិតយុទ្ធសាស្ត្រនិងកម្រិតវិស័យ សម្រាប់ការតាមដាន និងវាយតម្លៃការអនុវត្តគោលនយោបាយ ដែលបានកែសម្រួល។

កិច្ចប្រជុំនេះ បានប្រព្រឹត្តទៅក្រោមអធិបតីភាព លោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា និងមានការចូលរួមពីសំណាក់ មន្ត្រីបង្គោល និងមន្ត្រីបច្ចេកទេស តំណាងក្រសួងស្ថាប័នពាក់ព័ន្ធ ព្រមទាំងសមាជិកលេខាធិការដ្ឋានសរុបប្រមាណ ៦០ រូប។ គោលបំណងសំខាន់នៃកិច្ចប្រជុំអន្តរក្រសួងនេះ គឺដើម្បីស្នើសុំការឯកភាពពីក្រសួង ស្ថាប័នដែលមានសមត្ថកិច្ចពាក់ព័ន្ធនឹងសូចនាករគន្លឹះដែលត្រូវបានកាត់បន្ថយ ស្របតាមការណែនាំរបស់កិច្ចប្រជុំគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ (គ.ស.ហ) កាលពីថ្ងៃទី១២ ខែតុលា ឆ្នាំ២០២០ និងចំណារឯកភាពដ៏ខ្ពង់ខ្ពស់របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដែលបានស្នើឱ្យក្រុមប្រឹក្សាអភិវឌ្ឈន៍កម្ពុជា ពិនិត្យកែសម្រួល និងកាត់បន្ថយចំនួនសូចនាករគន្លឹះកម្រិតយុទ្ធសាស្រ្ត និងកម្រិតវិស័យ ដោយរក្សាទុកតែសូចនាករគន្លឹះណាដែលអាចប្រមូលបាននូវទិន្នន័យដែលមានគុណភាពសមស្រប និងមានភាពពាក់ព័ន្ធខ្លាំងទៅនឹងគោលបំណង និងអន្តរាគមន៍គោលនយោបាយរបស់គោលនយោបាយនេះ។

ការកាត់បន្ថយចំនួនសូចនាករគន្លឹះ ផ្អែកលើមូលដ្ឋានចំនួន៤ គឺភាពចាំបាច់ ប្រភពទិន្នន័យ ភាពពាក់ព័ន្ធ និងភាពស្ទួនគ្នានៃសូចនាករ ដើម្បីដាក់ជូនអង្គប្រជុំអន្តរក្រសួងពិនិត្យពិភាក្សា។ ជាលទ្ធផល អង្គប្រជុំបានផ្តល់ការឯកភាពលើការកែសម្រួល និងកាត់បន្ថយចំនួនសូចនាករគន្លឹះនេះ ព្រមទាំងបានផ្តល់ធាតុចូលមួយចំនួន សម្រាប់ការកែសម្រួលសូចនាករគន្លឹះមួយចំនួន ជាចុងក្រោយ។

ទីតាំងផ្សាយពាណិជ្ជកម្ម

- Advertisment -

Most Popular