Home ព័ត៌មានជាតិ សេដ្ឋកិច្ច នាយ​ខណ្ឌ​រដ្ឋ...

នាយ​ខណ្ឌ​រដ្ឋបាល​ជល​ផល ផ្ដល់​កូន​ត្រី​អណ្ដែង និង​ចំណី​ត្រី ជូន​ពលរដ្ឋ ដើម្បី​ចិញ្ចឹម

ដោយៈ រិ​ទ្ធិ​សែន / ពោធិ៍សាត់ៈ លោក ភុំ វិមល នាយ​ខណ្ឌ​រដ្ឋបាល​ជល​ផល នៃ​មន្ទីរ​កសិកម្ម រុក្ខាប្រមាញ់ និង​នេសាទ ខេត្តពោធិ៍សាត់ នៅ​ថ្ងៃទី​១៩ ខែវិច្ឆិកា ឆ្នាំ​២០២០ បាន​នាំយក​កូន​ត្រី​អណ្ដែង ចំនួន​៦៤​គីឡូក្រាម និង​ចំណី​ត្រី ចែកជូន​ដល់​បណ្តុំ​អាជីវកម្ម​ចិញ្ចឹម​ត្រី ចំនួន​៣២​គ្រួសារ នៅ​ភូមិ​ព្រៃ​ក្របៅ ឃុំ​អូរ​តា​ប៉ោង ស្រុក​បាកាន ខេត្តពោធិ៍សាត់ ដើម្បី​ចិញ្ចឹម ក្នុង​គោលដៅ​ជួយ​លើកកម្ពស់​ជីវភាព​រប​ស់​ប្រជាពលរដ្ឋ​នៅ​មូលដ្ឋាន​។​

​នៅក្នុង​ឱកាស​នោះ លោក ភុំ វិមល និង​មន្ត្រី​ក្រុមការងារ បាន​ចុះ​ចែក​ពូជ​ត្រី និង​បាន​លែង​កូន​ត្រី ទៅតាម​តង់​ប្លា​ស្ទិ​ក និង​បានផ្តល់​បច្ចេកទេស​បន្ថែ​ម ដល់​ដល់​បណ្តុំ​អាជីវកម្ម​ចិញ្ចឹម​ត្រី ទាំងនោះ ។ ទន្ទឹមនឹងនេះ នាយ​ខណ្ឌ​រដ្ឋបាល​ជល​ផល ខេត្តពោធិ៍សាត់ បាន​អប់រំ​ណែនាំ ដល់​ប្រជាពលរដ្ឋ ដែលជា​បណ្ដុំ​កសិករ​ចិញ្ចឹម​ត្រី តាម​ស្រះ ដាក់​ដោយ​តង់​មួយចំនួន ពី​វិធី​ចិញ្ចឹម​ត្រី ក្នុងនោះ ត្រូវបាន​ដាំ​ចក​អាសូ​ឡា សម្រាប់​ធ្វើជា​ចំណី ក្នុងការ​ចិញ្ចឹម​ត្រី​អណ្តែង តាម​ការណែនាំ របស់​មន្ត្រីជលផល ។​

​នាយ​ខណ្ឌ​រដ្ឋបាល​ជល​ផល ខេត្តពោធិ៍សាត់ បានបញ្ជាក់​ថាៈ ការចិញ្ចឹម​ត្រី​អណ្ដែង តាម​ស្រះ​ដាក់​ថង់​ប្លា​ស្ទិ​ក​តូចៗ​តាម​ផ្ទះ គឺជា​ការចិញ្ចឹម​ងាយ​បំផុត ពី​ពីរ ទៅ​បី​ខែ អាច​ចាប់​លក់បាន ដើម្បី​ដោះស្រាយ​ជីវភាព​រស់នៅ របស់​បងប្អូន​ប្រជាពលរដ្ឋ​បណ្ដុំ​កសិករ​ចិញ្ចឹម​ត្រី ដើម្បី​បង្កើន​ជីវភាព​រស់នៅ បានល្អ​ប្រសើរ ។ ទោះជា​យ៉ាងនេះ​ក្តី មន្ត្រី​ជំនាញ នៅ​ខណ្ឌ​រដ្ឋបាល​ជលផល ខេត្តពោធិ៍សាត់ ត្រូវតែ​បន្ត​ចុះ​តាមដាន ជាប្រចាំ រាល់​សកម្មភាព​នៃ​ការចិញ្ចឹម​ត្រី របស់​បងប្អូន​ប្រជាពលរដ្ឋ កសិករ​បណ្តុំ​ចិញ្ចឹម​ត្រី ជា​រៀង​រាល់ពេល និង​ផ្ដល់​បទពិសោធន៍ លើ​ជំនាញ​ផ្នែក​ចិញ្ចឹម​ត្រី បន្ថែមទៀត ទៅដល់​ពួកគាត់ ៕/V​

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...

នាយកដ្ឋាន​ព័ត៌មានវិទ្យា រ...

​ដោយៈ មុនី​រ័ត្ន / ភ្នំពេ...