Home ព័ត៌មានជាតិ សន្តិសុខ ស្គាល់ឈ្មោះ​ជ...

ស្គាល់ឈ្មោះ​ជនរងគ្រោះ ដោយសារ​រថយន្ត​ហ៊ី​យាន់​ដាយ បុក​រថយន្ត​តូយ៉ូតា ហ្វ​រ​ធូ​នើ​រ ហើយ​

​ដោយៈ គូលែន / សៀមរាបៈ នគរបាល​ស្រុក​ប្រាសាទបាគង បាន​ស្រាវជ្រាវ ដឹង​ពី​ឈ្មោះ​របស់ ជនរងគ្រោះ ដោយសារ​រថយន្ត​ហ៊ី​យាន់​ដាយ បុក​ក្នុងទិសដៅ បញ្ច្រាស​គ្នា ជាមួយ​រថយន្ត​តូយ៉ូតា ហ្វ​រ​ធូ​នើ​រហើយ ក្រោយពី​ករណី​គ្រោះថ្នាក់​ចរាចរណ៍ បានកើត​ឡើង នៅវេលា​ម៉ោង ៨​និង​១០​នាទី​​ព្រឹក ថ្ងៃទី​២០ ខែវិច្ឆិកា ឆ្នាំ​២០២០​នេះ ស្ថិតនៅ​ភូមិ​ស្វាយ​ជ័យ ឃុំ​បាគង ស្រុក​ប្រាសាទ​បាគង ខេត្តសៀមរាប ។ ក៏ប៉ុន្តែ​ក្រោយ​កើតហេតុ អ្នកបើករថយន្ត​ហ៊ី​យាន់​ដាយ បាន​រត់​គេច​ខ្លួនបាត់ សមត្ថកិច្ច​ជំនាញ នៅ​មិនទាន់​បានដឹង​ពី​អត្តសញ្ញាណ​នៅឡើយ​។​

​លោក​វរសេនីយ៍ឯក លឹម សម្បត្តិ អធិការនគរបាល ស្រុក​ប្រាសាទបាគង បាន​និយាយថាៈ ករណី​គ្រោះថ្នាក់​ចរាចរណ៍​នេះ បង្ករ​ឡើង​ដោយ​រថយន្ត ម៉ាក​ហ៊ី​យាន់​ដាយ ពាក់​ស្លាក​លេខ ភ្នំពេញ ៤A ៤៨៣៦ បើកបរ​ពី ទិស​ខាងលិច ទៅ​ទិសខាងកើត និង​មិន​ស្គាល់​អត្តសញ្ញាណ អ្នកបើកបរ​ឡើយ​។ លុះ​មកដល់​ចំណុចកើតហេតុ រថយន្ត​ម៉ាក​ហ៊ី​យាន់​ដាយ បាន​បុក​ជាមួយ​រថយន្ត​ម៉ាក​តូយ៉ូតា ហ្វ​រ​ធូ​នើ​រ ពាក់​ស្លាក​លេខ សៀមរាប ២B ៤២៩៩ បណ្តាលឱ្យ​ភាគី​រថយន្ត​តូយ៉ូតា បាន​រងរបួស​ធ្ងន់ ហើយ​ត្រូវបាន​បញ្ជូនទៅ​សង្គ្រោះ នៅ​មន្ទីរពេទ្យបង្អែក ខេត្តសៀមរាប​។​

​លោក​អធិការនគរបាល ស្រុក​ប្រាសាទបាគង បាន​និយាយទៀតថាៈ ក្រោយពី​កើតហេតុ អ្នកបើករថយន្ត ម៉ាក​ហ៊ី​យាន់​ដាយ បាន​រត់​គេចខ្លួនបាត់​។ ចំណែក​ជនរងគ្រោះ ឥឡូវនេះ បាន​ស្គាល់ឈ្មោះ​ហើយ គឺ​របួសស្រាល ទាំង ៤ នាក់ រួមមានៈ ១.​ឈ្មោះ ស៊ិន ហុក​លី ភេទ​ប្រុស អាយុ ៣៧ ឆ្នាំ , ២.​ឈ្មោះ វី វិ​ន ភេទ​ស្រី អាយុ ៣២ ឆ្នាំ , ៣.​ឈ្មោះ លី សៀវ​មី ភេទ​ប្រុស អាយុ ៣៧ ឆ្នាំ​, ជនរងគ្រោះ បីនាក់​នេះ រស់នៅ​ភូមិ​ខ្នារ សង្កាត់​ជ្រាវ ក្រុង​សៀមរាប និង​៤.​ឈ្មោះ សុខ ជា ភេទ​ប្រុស អាយុ ៣៧ ឆ្នាំ រស់នៅ​ភូមិ​ស្ពាន​ជ្រាវ សង្កាត់​សៀមរាប ក្រុង​សៀមរាប ៕/V

ទីតាំងផ្សាយពាណិជ្ជកម្ម

- Advertisment -

Most Popular

Spursឡើង​មក​លេខ​១ ក្រោយ​ស...

​ប្រែ​សម្រួល : កញ្ញា​ដា​ល...

សម្តេច​តេ​ជោ ហ៊ុន សែន អញ្...

​ដោយៈ​តារា​រិ​ទ្ធ​-​គ...

យុទ្ធនាការ​ «​ស្អាត​ជា​ទម...

​ដោយៈ​រ៉ា​ម៉ន​/​ភ្នំពេញៈ​...

ករណី​ពុល​ស្រា​នៅក្នុង​ស្រ...

ដោយៈ​ទេ​ពក​ង្រី​/​កំពង់ឆ្...