​ក្រោយ​បញ្ចប់ទំនាស់​ដី នៅ​ចំណុច​បឹង​ជង្រុក និង​ចំណុច ៦៧១ សម្តេច​តេ​ជោ នឹង​ចែក​ដី​នោះ​ដល់​ពលរដ្ឋ​

ដោយៈ ភ្នំ​ស្វាយ / បន្ទាយ​មាន​ជ័​យៈ ក្រោយ​ព្រមព្រៀង ទទួលយក​ដំណោះស្រាយ​ឈ្នះ​ឈ្នះ និង​បញ្ចប់ទំនាស់​ដីធ្លី នៅ​ចំណុច​បឹង​ជង្រុក និង ចំណុច ៦៧១ ស្ថិតក្នុង​ឃុំ​ទួល​ពង្រ ស្រុក​ម៉ាឡៃ ខេត្តបន្ទាយមានជ័យ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជា​ណាចក្រ​កម្ពុជា នឹង​ចែក​ដី​នោះ ដល់​ពលរដ្ឋ ដែលមាន​ឈ្មោះ​ក្នុង​បញ្ជី នាពេល​ដ៏​ខ្លី​ខាងមុខ ហើយ​អភិវឌ្ឍន៍​ហេដ្ឋារចនាសម្ព័ន្ធ ខ្វាត់ខ្វែង​បន្ថែម​ទៀតផង ។ នេះ​បើតាម​លោក អ៊ុំ រាត្រី អភិបាល ខេត្តបន្ទាយមានជ័យ បានឱ្យដឹង កាលពី​ថ្ងៃទី​១៩ ខែវិច្ឆិកា ឆ្នាំ​២០២០ នៅពេល​លោក បាន​ដឹកនាំ មន្ត្រី​ក្រុមការងារ ចុះទៅ​ត្រួត​ពិនិត្យមើល ទីតាំង នៃ​ដីធ្លី​ទំហំ ៣០០ ហិកតា ដែល​នឹង​បញ្ចប់​ការដោះស្រាយ​ទំនាស់ ។​

​សូម​រំលឹកថា ក្រោយ​ពលរដ្ឋ​គូវិវាទ ព្រមព្រៀង​ដោះស្រាយ បញ្ចប់ទំនាស់ មន្ត្រី​ចម្រុះ​ពី​ថ្នាក់ជាតិ ខេត្ត ស្រុក ឃុំ ភូមិ បាន​ចុះ​សម្របសម្រួល ដោះស្រាយ ករណី​ទំនាស់​ដីធ្លី​រ៉ាំរៃ នៅ​ចំណុច​បឹង​ជង្រុក និង​ចំណុច ៦៧១ (​អតីត​ដី​សម្បទាន អោយ​យោធិន​ខ្មែរក្រហម វរ​សេនា​តូច​លេខ​៦៧១ កងពល​លេខ​២១) ឃុំ​ទួល​ពង្រ ស្រុក​ម៉ាឡៃ ខេត្តបន្ទាយមានជ័យ ។​

​មន្ត្រី​ចម្រុះ​ខាងលើ បាន​ដឹកនាំ​ដោយ​លោក ប៉ាន​ខែម ប៊ុនថន នាយករង​ខុទ្ទកាល័យ សម្តេច​តេ​ជោ ហ៊ុន សែន នាយករដ្ឋមន្ត្រី លោក លី សារី អភិបាលរង ខេត្ត​បន្ទាយ​មាន​ជ៏​យ លោក ឈុន ប៊ុន​ថា នាយក​ទីចាត់ការ​អន្តរ​វិស័យ​សាលាខេត្ត លោក ស្វាយ ជា អភិបាលរង ស្រុក​ម៉ាឡៃ មន្ត្រី​ភូមិបាល​ស្រុក និង​សមត្ថកិច្ច​ជំនាញ កងកម្លាំង ។ មន្ត្រី​ទាំងនោះ បានធ្វើការ​ទាំង​ថ្ងៃ​ធ្វើការ ទាំង​ថ្ងៃ​សម្រាក អស់​ជិត ១​ខែ តាំងពី​ចុងខែ​តុលា ឆ្នាំ​២០២០ កន្លងមក ដោយ​ចុះ​សម្របសម្រួល និង​ដោះស្រាយ ជូន​ដល់​ពលរដ្ឋ​គូទំនាស់ ពោលគឺ​បានបញ្ចប់ ១ ជំហាន ជា​បណ្តោះអាសន្ន កាលពី​ចុង​សប្តាហ៍​មុន នៃ​ខែ​វិច្ចិកា​នេះ​។​

​មកទល់ពេលនេះ និង​តទៅ នៅ​ចំណុច​ខ្លះ នឹងមាន​កម្មវិធី​អភិវឌ្ឍន៍ ដោយ​ចាប់ផ្តើម ដូចជា​ការវាស់វែង កំណត់​និយាម​ការ​ទីតាំង ការ​បោសសម្អាត​មីន ការស្ថាបនា​ហេដ្ឋារចនាសម្ព័ន្ធ ការបែងចែក​ដីធ្លី ដល់​អ្នកមាន​សិទ្ធិ​ស្របច្បាប់ នៃ​គូវិវាទ និង​ដី​សម្បទាន​៕/V

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...