Home ព័ត៌មានជាតិ សន្តិសុខ ​មកពី​កំពង់ស្...

​មកពី​កំពង់ស្ពឺ ចាំ​ទិញ​បន្លែ នៅ​ផ្សារ​ដើម​គរ ត្រូវ​ចោរឆក់​កាបូប អស់​លុយ​ជិត​មួយ​ម៉ឺន​ដុល្លារ​

ដោយៈ ស​រិ​ទ្ធ / ភ្នំពេញៈ ប្តី​ប្រពន្ធ ពីរ​នាក់ ជា​អ្នករកស៊ី​លក់​បន្លែ ពេល​ចុះ​ពី​រថយន្ត រង់ចាំ​ទិញ​បន្លែ យកទៅលក់ ក៏ត្រូវ​ជនសង្ស័យ​ម្នាក់ ធ្វើ​សកម្មភាព​ឆក់យក កាបូបស្ពាយ អស់​លុយ​ខ្មែរ និង​ដុល្លារ ប្រមាណ​ជិត ១ ម៉ឺន​ដុល្លារ កាលពី​វេលា​ម៉ោង ២​និង​២០​នាទី ទៀបភ្លឺ ថ្ងៃទី​២០ ខែវិច្ឆិកា ឆ្នាំ​២០២០ នៅ​ផ្លូវ​៣៧៤ សង្កាត់​ទួល​ស្វាយព្រៃ​២ ខណ្ឌ​បឹង​កេងកង រាជធានី​ភ្នំពេញ​។​

​សមត្ថកិច្ច​មូលដ្ឋាន បានឱ្យដឹងថា ជនរងគ្រោះ ឈ្មោះ សុខ បណ្តាំ ភេទ​ស្រី និង​ប្តី មិន​បានឱ្យ​ស្គាល់ អត្តសញ្ញាណ ស្នាក់នៅ​ខេត្តកំពង់ស្ពឺ​។ ចំណែក​សម្ភារ​បាត់បង់ មាន​លុយ​ខ្មែរ ជាង ៣ លាន​រៀល និង​លុយ​អាមេរិក ចំនួន​ជាង ៥.០០០ ដុល្លារ ។​

​ស្ត្រី​រងគ្រោះ បាន​ប្រាប់​ឱ្យដឹងថា នៅ​មុនពេល​កើតហេតុ រូបគាត់​ជាមួយនឹង​ប្តី បាន​បើករថយន្ត ចេញពី​ខេត្តកំពង់ស្ពឺ មក​ផ្សារ​ដើម​គ ដូច​សព្វដង ដើម្បី​ទិញ​បន្លែ យកទៅលក់​បន្ត នៅឯ​ខេត្ត​។ លុះ​មកដល់​ចំណុច កើតហេតុ ក៍បាន​ឈប់​រថយន្ត អែប​ចិញ្ចើមផ្លូវ រងចាំ​ម៉ូយ យក​បន្លែ​មកឱ្យ ដោយ​ប្តី បាន​ដេក ក្នុង​រថយន្ត​។ ចំណែក​គាត់ បាន​ចុះ​ពីលើ​រថយន្ត ឈរលើ​ផ្លូវ ហើយ​គាប់​ជួន​ពេលនោះ ក៏​ស្រាប់តែ​បុរស​ម្នាក់ ជិះ​ម៉ូតូ​ម៉ាក​ហុងដា ឌ្រី​ម មួយគ្រឿង ជិះ​ក្រឡឹង​មួយ​ជុំ​ខ្លួន​គាត់ យុវជន​សង្ស័យ បាន​បត់​ត្រឡប់ ក្រោយ​វិញ ក៍​បានធ្វើ​សកម្មភាព ឆក់យក​កាបូបស្ពាយ លើ​ខ្លួន​របស់គាត់ យកទៅ​បាត់​តែម្ដង​។ លុះ​ប្រហែលជា កន្លះ​ម៉ោង ក្រោយមក ទើប​ដំណឹង​នេះ បានឮ​ដល់​សមត្ថកិច្ច​មូលដ្ឋាន ក៏​ចុះទៅ​សាកសួរ និង​អោយ​ជនរងគ្រោះ ដាក់ពាក្យ​បណ្ដឹង នៅ​កណ្តាលផ្លូវ ដោយ​មិនចាំបាច់ ទៅ​ប៉ុស្តិ៍នគរបាល រដ្ឋបាល​ទួល​ស្វាយព្រៃ ២ នោះទេ​៕/V

ទីតាំងផ្សាយពាណិជ្ជកម្ម

- Advertisment -

Most Popular