Home ព័ត៌មានជាតិ សន្តិសុខ ស្នងការ​ក្រុង...

ស្នងការ​ក្រុងភ្នំពេញ​ប្រាប់​កម្លាំង​នគរបាល​អនុវត្ត​ច្បាប់​កុំ​ខ្លាច​និង​ការអន្តរាគមន៍​ដាក់​គំនាប​ណាមួយ​

​ដោយ​: មុនី​រ័ត្ន​/​ភ្នំពេញ​: ពាក់ព័ន្ធ​និង​ការចុះ​រឹតបន្តឹង​ច្បាប់​ចរាចរណ៍​ផ្លូវគោក លោក​ឧ​ត្ត​ម​សេនីយ៍​ឯក ស ថេត អគ្គ​ស្នងការរង​នគរបាលជាតិ​និង​ជា​ស្នងការ​នគរបាល​រាជធានី​ភ្នំពេញ​បាន​ណែនាំ​ឱ្យកម្លាំង​នគរបាល​អនុវត្ត​ច្បាប់​ឱ្យបាន​ម៉ឺងម៉ាត់​និង​ត្រឹមត្រូវ​តាម​គោលការណ៍​ច្បាប់​ដោយ​កុំ​ខ្លាច​និង​ការអន្តរាគមន៍​ដាក់​គំនាប​ណាមួយ​មកលើ​មន្ត្រី​អនុវត្ត​ច្បាប់​។

រូបៈស្នងការ​ក្រុងភ្នំពេញ​ប្រាប់​កម្លាំង​នគរបាល​អនុវត្ត​ច្បាប់​កុំ​ខ្លាច​និង​ការអន្តរាគមន៍​ដាក់​គំនាប​ណាមួយ​

​ការណែនាំ​នេះ បានធ្វើ​ឡើង​ក្នុង​កិច្ចប្រជុំ​ដកស្រង់​បទពិសោធន៍​ការងារ​រឹតបន្តឹង​ច្បាប់​ចរាចរណ៍​ផ្លូវគោក​ដើម្បី​រៀបចំ យុទ្ធសាស្ត្រ​បន្ថែមទៀត​ពង្រឹង​នៃ​ការអនុវត្ត​ច្បាប់​ឱ្យមាន​ប្រសិទ្ធភាព​សំដៅ​កាត់បន្ថយ​បទល្មើស​គ្រោះថ្នាក់​ចរាចរណ៍ កាត់បន្ថយ​អ្នកស្លាប់​និង​អ្នករងរបួស​នៅ​ថ្ងៃទី​២០ ខែវិច្ឆិកា ឆ្នាំ​២០២០​។​

​លោក​ឧ​ត្ត​ម​សេនីយ៍​ឯក​ស​ថេត​បាន​បញ្ជាក់ថា​ការអនុវត្ត​ច្បាប់​គឺ​អនុវត្ត​ស្មើភាព​គ្នា​អ្នកបើក​ល្មើស​ត្រូវតែ​ចាប់​ឃាត់​ពិន័យ​តាមច្បាប់​ដោយ​មិន​យោគយល់​ឡើយ​។​ជាពិសេស​ត្រូវ​លប់បំបាត់​ការទារ​ប្រាក់​មិន​ចេញ​វិក័យប័ត្រ​ពីព្រោះ​បញ្ហា​នេះ​ប្រសិន​នៅតែ​កើតមាន​វា​និង​ជះឥទ្ធិពល​ដល់​ការអនុវត្ត​ច្បាប់​ចរាចរណ៍​មិន​ទទួលបាន​ជោគជ័យ​ឡើយ​។​

​ក្នុង​កិច្ចប្រជុំ​នោះ​ស្នងការ​នគរបាល​រាជធានី​ភ្នំពេញ​ក៏បាន​លើកឡើង​ពី​ការព្រួយបារម្ភ​នៃ​ការកើនឡើង​បញ្ហា​បទល្មើស​គ្រោះថ្នាក់​ចរាចរណ៍​ក្នុង​រយៈពេល​ចុងក្រោយ​នេះហើយ​ក៏បាន​ឱ្យ​មន្ត្រីក្រោមឱវាទ​លើកឡើង​ពី​បញ្ហា​ប្រឈម​និង​លើកយក​ពិភាក្សា​ដើម្បី​រក​យុទ្ធសាស្ត្រ​ថ្មីៗ​បន្ថែមទៀត ដោយ​ធ្វើយ៉ាងណា​បង្ការ​ទប់ស្កាត់​បទល្មើស​គ្រោះថ្នាក់​ចរាចរណ៍​ឱ្យមាន​ការថយចុះ​។​

​ក្នុង​កិច្ចប្រជុំ​ស្នងការ​នគរបាល​រាជធានី​ភ្នំពេញ​ក៏បាន​ដាក់ចេញ​នូវ​ទិសដៅ​មួយចំនួន​ដើម្បីឱ្យ​មន្ត្រីនគរបាល​ក្រោម​ឱវាទ​យកទៅអនុវត្ត​កិច្ចការងារ​រឹតបន្តឹង​ច្បាប់​ច្បាប់​ចរាចរណ៍​ផ្លូវគោក​ឱ្យ​កាន់​តែមាន​ប្រសិទ្ធភាព​គឺ​១.​បង្កើន​អនុវត្ត​ច្បាប់​ចំណុច​គោលដៅ​ដែល​កើតឡើង​គ្រោះថ្នាក់​ចរាចរណ៍​ញឹកញាប់​។​២.​បង្កើន​រឹតបន្តឹង​ចំពោះ​មុខសញ្ញា​យានយន្ត​ដែល​បង្ក​គ្រោះថ្នាក់​ចរាចរណ៍​ដូចជា​រថយន្ត​ធុន​ធំ​,​រ៉ឺ​ម៉ូតូ​។​៣.​បង្កើន​ការផ្សព្វផ្សាយ​អប់រំ​ច្បាប់​ចរាចរណ៍​ជូន​ដល់​ប្រជាពលរដ្ឋ​។​៤.​ត្រូវ​ពង្រឹង​នៃ​ការអនុវត្ត​ច្បាប់​តាម​ស្វែង​ចាប់​ជនបង្ក​បើកបរ​បុក​ស្លាប់​រត់គេច​យកមកអនុវត្ត​ច្បាប់។​៥.​ពង្រឹង​ចុះ​រៀបចំ​សណ្តាប់ធ្នាប់​តាម​ដងផ្លូវ​នានា​ឱ្យមាន​របៀប​រយ​ល្អ​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular

ពលរដ្ឋ​ជាង ២០០​គ្រួសារ​នៅ...

ដោយៈ មុនី​រ័ត្ន​/​ភ្នំពេញ...

លោកនាយករដ្ឋមន្ត្រីទី​ម័​រ...

ដោយៈ​មុនី​រ័ត្ន​/​ភ្ន...

នាយករដ្ឋមន្ត្រី​ទី​ម័​រ​ឡ...

​ដោយ​៖​តារា​រិ​ទ្ធ​/​ភ្នំ...

អ្នក​នាំចេញ​សង្ឃឹមថា ការន...

ដោយ: ពៅនិមល/ភ្នំពេញ​: លោក...