Home ព័ត៌មានអន្តរជាតិ ត្រាំ​ចូលរួម​...

ត្រាំ​ចូលរួម​កិច្ចប្រជុំ​កំពូល APEC ខណៈ​ចិន​ប្រឹង​ទប់ទល់​នឹង​ការ​គាំពារ​និយម​របស់​អាម៉េរិក​

​ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ ប្រធានាធិបតី​អាម៉េរិក​លោក ដូ​ណា​ល់ ត្រាំ កាលពី​ថ្ងៃ​សុក្រ​ទី​២០​វិច្ឆិកា​បាន​បង្ហាញខ្លួន​ដ៏​កម្រ​នៅ​ឯ​កិច្ចប្រជុំ​កំពូល​អាស៊ី​-​ប៉ាស៊ីហ្វិក​តាម​អន​ឡាញ​ដោយ​អួត​​អំពី​ការប្តេជ្ញា​ចិត្ត​របស់​លោក​ក្នុង​ការជំរុញ​ទៅមុខ​នូវ “​សន្តិភាព​និង​វិបុលភាព​” នៅក្នុង​តំបន់ ខណៈ​ដែល​លោក​ស៊ី ជីន​ភីង ប្រើ​វេទិកា​នេះ​ដើម្បី​ទប់ទល់​នឹង​ការ​គាំពារ​និយម​របស់​អាម៉េរិក​។​

​កិច្ចប្រជុំ​របស់​អង្គការ​កិច្ចសហប្រតិបត្តិការ​សេដ្ឋកិច្ច​អាស៊ី​-​ប៉ាស៊ីហ្វិក (APEC) ដែល​បាន​ប្រារព្ធ​ធ្វើឡើង​តាមរយៈ​វីដេអូ​នៅ​ឆ្នាំ​នេះ​ដោយសារតែ​ការរីក​រាលដាល​នៃ​ជំងឺ​កូវី​ដ​១៩​គឺ​ប្រមូលផ្តុំ​ទៅ​ដោយ​មេ​​ដឹកនាំ​មកពី​បណ្តា​សេដ្ឋកិច្ច​នៅ​តាម​មាត់​ឆ្នេរ​ប៉ា​ស៊ី​ហ្វិ​ច​ចំនួន​២១ ប្រទេស ដែល​រ៉ាប់រង​ប្រហែល ៦០ ភាគរយ​នៃ​ផលិតផល​ក្នុងស្រុក​សរុប (GDP) របស់​សកលលោក​។​

​ចិន ដែល​បាន​ឈាន​ចូល​កិច្ចប្រជុំ​កំពូល​នេះ​បន្ទាប់ពី​ទទួលបាន​ជោគជ័យ​ក្នុង​កិច្ចព្រមព្រៀង​ពាណិជ្ជកម្ម​ដ៏​ធំ​នោះ បាន​ក្លាយជា​កម្លាំង​ជំរុញ​ដ៏​សំខាន់​នៅ​ពីក្រោយ​អង្គការ​នេះ​បន្ទាប់ពី​លោក​ត្រាំ​បាន​​ចាប់ផ្តើម​ដក​សហរដ្ឋ​អាម៉េរិក​ចេញពី​ស្ថាប័ន​ពហុភាគី​ជាច្រើន​។​

​ប៉ុន្តែ​លោក​ត្រាំ​បាន​ធ្វើ​ការសម្រេចចិត្ត​ដ៏​ភ្ញាក់ផ្អើល​ក្នុង​ការចូលរួម​ព្រឹត្តិការណ៍​នៅ​ឆ្នាំនេះ បន្ទាប់​ពី​មិន​បាន​ចូលរួម​ក្នុង​កិច្ចប្រជុំ APEC ចាប់តាំងពី​ឆ្នាំ ២០១៧ ដែល​ជា​ឆ្នាំ​ដំបូង​របស់​លោក​នៅក្នុង​តំណែង ដោយ​បាន​បង្ហាញ​ខ្លួន​ជាមួយ​មេដឹកនាំ​ដទៃទៀត​តាមរយៈ​តំណ​ភ្ជាប់​វីដេអូ​។​

​សេត​វិមាន​និយាយថា​លោក​ត្រាំ​”​បាន​បញ្ជាក់​ជា​ថ្មី​នូវ​ការប្តេជ្ញា​ចិត្ត​របស់​សហ​រដ្ឋ​អាម៉េរិក​ក្នុង​ការកសាង​ការស្តារ​សេដ្ឋកិច្ច​ឡើងវិញ​ក៏ដូចជា​ការលើកកម្ពស់​សន្តិភាព​និង​វិបុលភាព​នៅក្នុង​តំបន់​ឥ​ណ្ឌូ​-​ប៉ាស៊ីហ្វិក​តាមរយៈ​កំណើន​សេដ្ឋកិច្ច​រឹងមាំ​”​។​

​ក្រុមអ្នកវិភាគ​និយាយថា​លោក​ត្រាំ​សម្រេចចិត្ត​បង្ហាញខ្លួន​នៅ​ឯ​កិច្ចប្រជុំ​កំពូល APEC នៅ​ឆ្នាំ​នេះ​ទំនង​ដើម្បី​បង្ហាញ​ខ្លួន​គាត់​ថា​ជា​ប្រធានាធិបតី​ខណៈដែល​គាត់​កំពុង​ដាក់​ពាក្យបណ្តឹង​ផ្លូវច្បាប់​ជំទាស់​​នឹង​ជ័យជម្នះ​ក្នុង​ការបោះឆ្នោត​ប្រធានាធិបតី​អាម៉េរិក​របស់​គូ​ប្រជែង គឺ លោក ចូ បៃ​ដិន​។​

​ការងា​ក​ចេញ​របស់​លោក​ត្រាំ​ពី​បណ្តា​អង្គការ​ពហុភាគី​និយម​ដូចជា APEC បាន​ទុក​ឱ្យ​ទ្វារ​បើកចំហ​សម្រាប់​ចិន​ដើម្បី​សរសេរ​ច្បាប់​ពាណិជ្ជកម្ម​ក្នុង​តំបន់​ហើយ​លោក​ស៊ី​បាន​ប្រើ​សុន្ទរកថា​របស់​លោក​​កាលពី​ថ្ងៃ​សុក្រ​ដើម្បី​ចាប់ផ្តើម​ការការពា​រ​ពាណិជ្ជកម្ម​សេរី​។​

​យោង​តាម​ទូរទស្សន៍ CCTV របស់​ចិន លោក​ស៊ី​បាន​និយាយថា “​វា​សំខាន់​ណាស់​ដែល​អាស៊ី – ប៉ាស៊ីហ្វិក​គួរតែ​រក្សា​នូវ​ភាព​ជា​អ្នកដឹកនាំ​ក្នុង​ការការពារ​សន្តិភាព​និង​ស្ថិរភាព​ដោយ​ប្រកាន់ខ្ជាប់​នូវ​ពហុភាគី​​និយម​និង​ជំរុញ​សេដ្ឋកិច្ច​ពិភពលោក​ឱ្យ​បើកចំហ​។ ការ​ធ្វើ​ពាណិជ្ជកម្ម​និង​ការវិនិយោគ​ដោយ​សេរី​និង​បើកចំហ​មិនអាច​ធ្វើទៅបាន​ក្នុង​រយៈពេល​តែ​មួយ​ប៉ព្រិចភ្នែក​បានទេ​”៕

លោក​ត្រាំ​ចូលរួម​កិច្ចប្រជុំ​កំពូល APEC តាម​វីដេអូ​កាលពី​ថ្ងៃ​សុក្រ រួម​ជាមួយ​មេដឹកនាំ ២០ ប្រទេស​ផ្សេង​ទៀត​

ទីតាំងផ្សាយពាណិជ្ជកម្ម

- Advertisment -

Most Popular

បរិក្ខារ​ដើរ​ដោយ​ថាមពល​ពន...

ដោយ​: សុផល / ភ្នំពេញ​: យោ...

កំពុង​បណ្តែតអារម្មណ៍​តាម​...

​ដោយ​: វណ្ណៈ / ព្រះសីហនុ​...

យុគសម័យ​ទំនើប​គ្មានទេ​មន្...

ដោយ​: គង់​ហេង​/ កំពង់ចាម​...

ឃាត់ខ្លួន​ជនសង្ស័យ​២​នាក់...

ដោយ​: ប​.​ជ័យ / បន្ទាយមាន...