Home ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រី​ថៃ​ព្រមាន​ប្រើ​ច្បាប់​ប្រមាថ​ស្តេច​ប្រឆាំង​ពួក​បាតុករ​

​ប្រែ​សម្រួលៈ​វាសនា​/​បាងកក​៖ នៅពេល​ត្រូវ​បាន​អ្នកយក​ព័ត៌មាន​សួរថា​តើ​វគ្គ​ច្បាប់​ទី​១១២​នៃ​ក្រម​ព្រហ្មទណ្ឌ ដែល​គេ​ស្គាល់​ថា​ជា​ច្បាប់​ប្រមាថ​ស្តេច នឹង​យកមក​អនុវត្ត​ទេ នាយករដ្ឋមន្ត្រី​ថៃ​លោក​ប្រា​យុទ្ធ ចាន់ អូ​ចា បាន​និយាយថា «​វា​ស្ថិត​ចំណោម​ច្បាប់​ទាំងអស់នោះ​។​អ្នក​យល់​ហើយ​ពាក្យ​ថា ច្បាប់​ទាំងអស់​»​។​

​យោង​ដល់​ករណី​ពាក់ព័ន្ធ​នឹង​ការប្រមាថ​របបរាជានិយម លោក​ប្រា​យុទ្ធ បាន​និយាយថា « រដ្ឋាភិបាល​ត្រូវតែ​ចាត់វិធានការ​រហ័ស​ដោ​យ​សារ​តែ​មនុស្ស​ជាច្រើន​បញ្ចេញ​មតិ​លើ​បញ្ហា​នេះ​។​ប្រជាជន​ទូ​ទាំង​ប្រ​​ទេស មិន​អាច​ទទួលយកបាន​ទេ​បញ្ហា​នេះ​»​។​

​កាលពី​ថ្ងៃ​ព្រហស្បតិ៍ លោក​ប្រា​យុទ្ធ បានប្រកាសថា «​ច្បាប់​ទាំងអស់​និង​គ្រប់​មាត្រា​ទាំង​អស់​» នឹង​ត្រូវ​យកមក​អនុវត្ត​ប្រឆាំង​ពួក​តវ៉ា​ប្រឆាំង​ណា​ដែល​រំលោភច្បាប់​។​

​នាយករដ្ឋមន្ត្រី​ថៃ ប្រា​យុទ្ធ ចាន់​អូ​ចា និយាយ​ទៅកាន់​អ្នកយកព័ត៌មាន​នៅ​វិមាន​រដ្ឋាភិបាល​កាលពី​ថ្ងៃ​សុក្រ​

​ការព្រមាន​នេះ​កើត​ឡើង​ក្រោយ​មាន​ការជួបជុំ​តាម​ដងផ្លូវ​របស់​ពួក​បាតុករ​គាំទ្រ​លទ្ធិប្រជាធិបតេយ្យ ដោយ​ទាមទារ​បណ្តេញ​រូបលោក កែ​រដ្ឋធម្មនុញ្ញ​និង​របបរាជានិយម​។​

​លោក​ប្រា​យុទ្ធ ក៏បាន​ច្រាន​ចោល​ការលើកឡើង​របស់​មេដឹកនាំ​បាតុក​ម្ម​ម្នាក់​ដែល​ថា​លោក​អាច​លាឈប់​យ៉ាងយូរ​ត្រឹម​ថ្ងៃ​ពុធ នៅ​ពេល​ពួក​បាតុករ​មាន​ផែនការ​ធ្វើ​ការជួបជុំ​មួយទៀត​នៅ​មុខ​ការិយាល័យ​​ព្រះ​រាជទ្រព្យ​។​

​ក្នុងពេល​ជាមួយគ្នា ប៉ូលិស​ក្រុង​បាងកក​ត្រៀម​ចោទប្រកាន់​បាតុករ​៣១​នាក់ ចំពោះ​ការប្រឆាំង​តវ៉ា​របស់​គេ​នៅ​សប្តាហ៍​នេះ នៅក្រៅ​អាគារ​សភា​និង​ស្នាក់ការ​ប៉ូលិស​ជាតិ​៕

​ការព្រមាន​របស់​ប្រា​យុទ្ធ កើត​ឡើង​នៅ​ពេល​ពួក​បាតុករ​មាន​ផែនការ​ធ្វើ​ការជួបជុំ​តវ៉ា​ជា​ថ្មី​នៅ​ចុង​សប្តាហ៍​នេះ​

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ទីទ័លក្រ​នៅ​ក...

​ដោយ​: រិ​ទ្ធិ​សែន / ខេត្...

ជនសង្ស័យ​ម្នាក់ រួម​នឹង​វ...

​ដោ​យៈ រិ​ទ្ធិ​សែន / ពោធិ...

ប្រកាស​បិទ​ផ្សាយ ឯកសារ​កា...

​ដោយៈ ទេ​ពក​ង្រី / កំពង់ឆ...

​អនុគណៈកម្មការ​សុវត្ថិភាព...

​ដោយៈ ទេ​ពក​ង្រី / កំពង់ឆ...