Home ព័ត៌មានអន្តរជាតិ ស៊ី​និយាយថា ច...

ស៊ី​និយាយថា ចិន​ត្រៀម​បង្កើន​កិច្ចសហការ​សកល​អំពី​វ៉ាក់សាំង​កូវី​ដ​១៩

​ប្រែ​សម្រួលៈ​វាសនា​/​ប៉េកាំង​៖​ប្រធានាធិបតី​ចិន​លោក ស៊ី ជីន​ភីង បាន​និយាយ​កាលពី​ថ្ងៃ​សៅ​រ៍ថា​ចិន​ត្រៀម​បង្កើន​កិច្ចសហការ​សកលលោក​អំពី​កូវី​ដ​១៩​និង​បាន​អំពា​វ​​នាវ​អោយ​មាន​ការសម្របសម្រួល​អន្តរជាតិ​ល្អ​ប្រសើរ​ឡើង​អំពី​គោលនយោបាយ​ដើម្បី​បង្ក​ភាពងាយស្រួល​លើ​ចលនា​របស់​ប្រជាជន​។​

​បណ្តា​ក្រុមហ៊ុន​ឱសថ​និង​មជ្ឈមណ្ឌល​សិក្សា​ស្រាវជ្រាវ​នៅ​ជុំវិញ​ពិភពលោក កំពុង​ធ្វើការ​អំពី​វ៉ាក់សាំង​កូវី​ដ​១៩ ជាមួយនឹង​ការ​សាក​ពិសោធន៍​ធំៗ​នៅ​ពាសពេញ​ពិភព​​លោក​លើ​បេក្ខជន​វ៉ាក់សាំង​ជាច្រើន និង​ពាក់ព័ន្ធ​អ្នកចូលរួម​ពិសោធន៍​រាប់​ម៉ឺន​នាក់​។​

​ចិន​មាន​វ៉ាក់សាំង​កំពុង​ស្ថិត​ក្នុង​ដំណាក់កាល​ពិសោធន៍​ចុងក្រោយ​ចំនួន​៥​។​

​ស៊ី បាន​ប្រាប់​ជំនួប​កំពូល​G20​នៅ​ក្រុង​រី​យ៉ាត​តាម​បណ្តា​ញវីដេអូ​បន្ត​ផ្ទាល់​ថា «​ចិន​មាន​បំណង​ពង្រឹង​កិច្ច​សហការ​ជាមួយ​ប្រទេស​ដទៃ​ក្នុង​ការសិក្សា​ស្រាវជ្រាវ​និង​អភិវឌ្ឍ ផ​​លិត និង​ចែកចាយ​វ៉ាក់សាំង​។​យើង​នឹង​បំពេញ​ការប្តេជ្ញា​ចិត្ត​របស់​យើង ដោយ​សុំ​ជួយ​និង​គាំទ្រ​ប្រទេស​កំពុងអភិវឌ្ឍន៍​ផ្សេងៗ ហើយនឹងខិតខំ​ធ្វើអោយ​វ៉ាក់សាំង​នេះ​ក្លាយជា​ប្រយោជ​​ន៍​សាធារណៈ​មួយ​ដែល​ពលរដ្ឋ​នៃ​ប្រទេស​ទាំងអស់​អាច​ប្រើ​និង​រកបាន​»​។​

​លោក​ក៏​បាន​អំពាវនាវ​អោយ​មាន​កិច្ចសម្របសម្រួល​គោលនយោបាយ​អន្តរជាតិ​ខ្លាំង​ឡើង​ដើម្បី​បង្កើត​ការធ្វើដំណើរ​«​ផ្លូវ​លឿន​រហ័ស​» ដែល​នឹង​ជួយ​សម្រួល​ចលនា​មនុ​​ស្ស​ទូ​ទាំង​ពិភពលោក​អោយ​មាន​របៀបរៀបរយ​។​ក្នុង​គំនិត​នេះ លោក​ស៊ី​បាន​និយាយថា​ចិន​នឹង​ស្នើ​បង្កើត​យន្តការ​មួយ​ដែល​តាមរយៈ​វា​លទ្ធផល​ធ្វើតេស្ត៍​រក​វីរុស​កូរ៉ូណា​​របស់​អ្នកដំណើរ​ត្រូវបាន​ទទួល​ស្គាល់​ជា​អន្តរជាតិ តាមរយៈ​លេខ​កូដ​សុខភាព​ឌីជីថល​៕

​ប្រធានាធិបតី​ចិន ស៊ី ជីន​ភីង ថ្លែង​ក្នុង​អំឡុង​ជំនួប​G20

ទីតាំងផ្សាយពាណិជ្ជកម្ម

- Advertisment -

Most Popular

លែងត្រីគល់រាំង និងត្រីផ្ស...

ដោយ:ទេព មង្គល / ព្រៃវែង: ...

​ព្រឹកស្អែក​ប្រមុខ​រាជរដ្...

​ដោយៈ​តារា​រិ​ទ្ធ​/​ភ្នំព...

អាម៉េរិក​ថា​ការ​ដែល​បញ្ជូ...

​ប្រែ​សម្រួលៈ​វាសនា/វ៉ាស៊...

ចាប់ផ្តើមយកសំណាករកមេរោគកូ...

ដោយ:ភ្នំស្វាយ  / បន្ទាយមា...