Home ព័ត៌មានអន្តរជាតិ ទីប្រឹក្សា​សន...

ទីប្រឹក្សា​សន្តិសុខ​ជាតិ​អាម៉េរិក​ស្វះស្វែង​ពង្រីក​កិច្ចសហការ​ជាមួយ​វៀតណាម​

​ប្រែ​សម្រួលៈ​វាសនា​/​ហាណូយ​៖​ទីប្រឹក្សា​សន្តិសុខ​ជាតិ​អាម៉េរិក លោក​រ៉ូ​ប៊ឺត អូ​ប្រាយ​អ៊ឹន​ បាន​ពិភាក្សា​អំពី​ការពង្រីក​កិច្ចសហការ​សន្តិសុខ​និង​យោធា​នៅ​ក្នុងអំឡុងពេល​​ទស្សនកិច្ច​រយៈពេល​៣​ថ្ងៃ​ដែល​បាន​ចាប់ផ្តើម​កាលពី​ថ្ងៃ​សុក្រ​។​

​ឧបនាយករដ្ឋមន្ត្រី​និង​ជា​រដ្ឋមន្ត្រី​ការបរទេស​វៀតណាម ផាំ ប៊ិញ មិញ បាន​ជួបពិភាក្សា​ជាមួយ​លោក អូ​ប្រាយ​អ៊ឹន​កាល​ពី​ថ្ងៃសៅរ៍ ដោយ​មន្ត្រី​ទាំង​២​បាន​យល់ស្របគ្នា​​ថា​ទំនាក់ទំនង​រវាង​វៀតណាម​និង​អាម៉េរិក​មិនដែល​ឡើង​ខ្ពស់​ដូច​បច្ចុប្បន្ន ។​

​ទីប្រឹក្សា​សន្តិសុខ​ជាតិ​អាម៉េរិក រ៉ូ​ប៊ឺត អូ​ប្រាយ​អ៊ឹន និង​ឧបនាយករដ្ឋមន្ត្រី​និង​ជា​រដ្ឋមន្ត្រី​ការបរទេស​វៀតណាម ផាំ ប៊ិញ មិញ នៅ​ក្រុង​ហាណូយ កាលពី​ថ្ងៃ​២១​វិច្ឆិកា​

​ក្នុង​វិស័យ​សន្តិសុខ​និង​ការពារ​ជាតិ លោក​មិញ​បាន​សរសើរ​កិច្ចសហការ​រវាង​ភាគី​ទាំង​២ រួម​មាន​ការរក្សា​យន្ត​ការពិភាក្សា​ទ្វេភាគី និង​ពង្រឹង​កិច្ច​សហការ​ក្នុង​ផ្នែក​ស្វែងរក​​និង​សង្គ្រោះ ជំនួយ​មនុស្សធម៌ និង​គ្រោះមហន្តរាយ​។​

​មុននេះ អាម៉េរិក​បានប្រកាស​ជួយ​២,១​លាន​ដុល្លារ​ជា​ជំនួយ​សង្គ្រោះបន្ទាន់​សំរាប់​ប្រជាជន​ដែល​រងគ្រោះ​ដោយ​ព្យុះ​បន្តបន្ទាប់​កាលពី​ខែ​មុន​និង​ទឹក​ជំនន់​នៅ​វៀតណាម​​កណ្តាល​។​

​ភាគី​ទាំង​២​ក៏​បាន​ផ្លាស់ប្តូរ​ទស្សនៈ​អំពី​ការជំរុញ​ទំនាក់ទំនង​ទ្វេភាកី ដោយ​ផ្តល់​អាទិភាព​លើ​ការបន្ត​ការផ្លាស់ប្តូរ​ដំណើរ​ទស្សនកិច្ច​ទៅវិញទៅមក​ពង្រឹង​កិច្ចសហការ​មនុស្ស​​ធម៌ និង​ពាណិជ្ជកម្ម​និង​ការវិនិយោគ​ទ្វេភាគី ឈរលើ​ផលប្រយោជន៍​ទៅវិញទៅមក​៕

ទីតាំងផ្សាយពាណិជ្ជកម្ម

- Advertisment -

Most Popular

លែងត្រីគល់រាំង និងត្រីផ្ស...

ដោយ:ទេព មង្គល / ព្រៃវែង: ...

​ព្រឹកស្អែក​ប្រមុខ​រាជរដ្...

​ដោយៈ​តារា​រិ​ទ្ធ​/​ភ្នំព...

អាម៉េរិក​ថា​ការ​ដែល​បញ្ជូ...

​ប្រែ​សម្រួលៈ​វាសនា/វ៉ាស៊...

ចាប់ផ្តើមយកសំណាករកមេរោគកូ...

ដោយ:ភ្នំស្វាយ  / បន្ទាយមា...