Home ព័ត៌មានអន្តរជាតិ សិស្ស​វិទ្យាល...

សិស្ស​វិទ្យាល័យ​ថៃ ធ្វើ​បាតុកម្ម​ទាមទា​រ​ទម្លាក់​រដ្ឋាភិបាល និង​កែ​ទំរង់​របបរាជានិយម​

​ប្រែ​សម្រួលៈ​វាសនា​/​បាងកក​៖​ជាមួយនឹង​ការ​ដង្ហែ​រូប​សត្វ​ដាយ​ណូ​ស័រ ដែល​តំណាងអោយ​ស្ថាប័ន​ជាន់​លើ​ថៃ ពួក​សិស្ស​វិទ្យាល័យ​ថៃ​កាលពី​ថ្ងៃ​សៅរ៍​បាន​ដឹកនាំ​ការប្រឆាំ​​ង​តវ៉ា​ទាមទារ​មួយ​ដែល​មាន​ការចូលរួម​ពី​មនុស្ស​រាប់ពាន់​នាក់​នៅក្នុង​ទីក្រុង​បាងកក​។​ពួកគេ​បាន​អំពាវនាវ​អោយ​រដ្ឋាភិបាល​ចុះចេញ​ពី​តំណែង​និង​កែ​ទំរង់​របបរាជានិយម​​។​

​វា​ជា​ការជួបជុំ​តវ៉ា​ធំ​លើកដំបូង ចាប់តាំងពី​នាយករដ្ឋមន្ត្រី ប្រា​យុទ្ធ ចាន់ អូ​ចា បាន​និយាយ​កាលពី​ថ្ងៃ​ព្រហស្បតិ៍​ថា ប៉ូលិស​នឹង​ប្រើ​ច្បាប់​ទាំងអស់​ប្រឆាំង​នឹង​អ្នកប្រឆាំង​តវ៉ា​​ខុសច្បាប់​។​

​មេដឹកនាំ​សិស្ស​អាយុ​១៥​ឆ្នាំ​ឈ្មោះ បេន​ចា​ម៉ា​ផន នី​វ៉ាស បាន​ប្រាប់​សារព័ត៌មាន​រ៉​យ​ទ័​រថា «​យើង​តំណាងអោយ​អាចម៍ផ្កាយ​កំទេច​ដាយ​ណូស័​រអោយ​ផុត​ពូជ​»​។​

សូមបញ្ជាក់ថា ​បេន​ចា​ម៉ា​ផន និង​មេដឹកនាំ​ក្រុម​«​សិស្ស​គម្រក់​»​ម្នាក់​ទៀត​ត្រូវ​ប៉ូលិស​ហៅ​អោយ​ចូល​ខ្លួន​កាលពី​ថ្ងៃ​សុក្រ​ចំពោះ​ការចោទប្រកាន់​ពាក់ព័ន្ធ​នឹង​បាតុកម្ម​មួយ​មុន តែ​ប៉ូលិស​​បាន​និយាយថា បាតុកម្ម​កាលពី​ថ្ងៃ​សុក្រ​អាចធ្វើ​បាន​។​

​ការប្រឆាំង​តវ៉ា ដឹកនាំ​អោយ​ក្រុម​និស្សិត​ចាប់តាំងពី​ខែ​កក្កដា​មក ទាមទារ​ចំណុច​សំខាន់​៣ គឺ ដក​អតីត​មេ​យោធាប្រយុទ្ធចេញពី​តំណែង​នាយករដ្ឋមន្ត្រី ​រដ្ឋធម្មនុញ្ញ​ថ្មី​មួយ និង​កែ​ទំរង់​របបរាជានិយម​។​តែ​ពួក​សិស្សសាលា​ក៏​ស្វះស្វែង​រក​សេរីភាព​ធំ​ឡើង និង​ការប្រព្រឹត្ត​កាន់តែ​ត្រឹមត្រូវ​ឡើង​ក្នុង​ប្រព័ន្ធ​អប់រំ​មួយ ដែល​ពួកគេ​និយាយ​ថា​ហួស​សម័​​យ​និង​មាន​គោលដៅ​សំខាន់​គឺ​បណ្តុះ​គំនិត​ស្តាប់​ឱវាទ​។​អ្នកខ្លះ​ទៀត និយាយ​អំពី​សារសំខាន់​នៃ​សមភាព​ជេនឌ័​រ​។​

​អ្នកនាំពាក្យ​រដ្ឋាភិបាល​ក្នុងពេល​ជាមួយគ្នា បាន​និយាយថា លោកនាយក​រដ្ឋមន្ត្រី​សង្ឃឹមថា អ្នក​ប្រឆាំង​តវ៉ា នឹង​អនុវត្ត​សេរីភាព​របស់​គេ​អោយ​ស្រប​តាម​ច្បាប់​និង​បែប​ស្ថា​​ប​នា​៕

​អ្នក​ស្លៀកពាក់​ជា​សត្វ​ដាយ​ណូ​ស័រ ដឹកនាំ​ការប្រឆាំង​ទាមទារ​របស់​ក្រុម​សិស្ស​វិទ្យាល័យ​កាលពី​ថ្ងៃ​សៅរ៍​នៅ​ក្រុង​បាងកក​

ទីតាំងផ្សាយពាណិជ្ជកម្ម

- Advertisment -

Most Popular

អភិបាល​រាជធានី​អំពាវនាវ​ឲ...

ដោយ​: រ៉ា​ម៉ន / ភ្នំពេញ​:...

ប្រគល់​ប្រកាស​តែងតាំង​មន្...

ដោយ​: ភ្នំ​ស្វាយ / បន្ទាយ...

​សម្តេច​តេ​ជោ ហ៊ុន សែន អំ...

​ដោយៈ​តារា​រិ​ទ្ធ​/​ភ្នំព...

លែងត្រីគល់រាំង និងត្រីផ្ស...

ដោយ:ទេព មង្គល / ព្រៃវែង: ...