Home ព័ត៌មានជាតិ សន្តិសុខ បញ្ជូន​ជនសង្ស...

បញ្ជូន​ជនសង្ស័យ​ម្នាក់ និង​វត្ថុតាង​ថ្នាំញៀន ពី​ស្រុក​អូរជ្រៅ ទៅ​តុលាការ

ដោយៈ ប​.​ជ័យ / បន្ទាយ​មាន​ជ័​យៈ កម្លាំង​នគរបាល​ជំនាញ​ស្រុក​អូរជ្រៅ និង​កម្លាំង​នគរបាល​ប៉ុស្តិ៍ រដ្ឋបាល​ឃុំ​អូរ​បី​ជាន់ បាន​ស្រាវជ្រាវ ចាប់​ឃាត់ខ្លួន មុខសញ្ញា​ជួញដូរ​គ្រឿងញៀន​ម្នាក់ រួមទាំង​វត្ថុតាង​ថ្នាំញៀន ហើយ​បញ្ជូនមក​ការិយាល័យ​ជំនាញ​ខេត្ត ដើម្បី​រៀបចំ​សំណុំរឿង បញ្ជូន​ខ្លួន​ទៅ​សាលាដំបូង ខេត្តបន្ទាយមានជ័យ​។​

​លោក​វរសេនីយ៍ឯក សែ​ស វិបុល អធិការនគរបាល ស្រុក​អូរជ្រៅ បាន​ឲ្យ​ដឹង​កាលពី​ថ្ងៃទី​២១ ខែវិច្ឆិកា ឆ្នាំ​២០២០ ថាៈ ដោយ​អនុវត្តតាម​បទបញ្ជា របស់លោក​ឧ​ត្ត​ម​សេនីយ៍​ត្រី សិទ្ធិ ឡោះ ស្នងការ កាលពី​ថ្ងៃទី​២០ ខែវិច្ឆិកា នៅវេលា​ម៉ោង ២​និង​៣០​នាទី រសៀល កម្លាំង​ជំនាញ​សហការ​ជាមួយ ប៉ុស្តិ៍នគរបាល​រដ្ឋបាល​អូរ​បី​ជាន់ បាន​ចុះបង្ក្រាប​មុខសញ្ញា ជួញដូរ​គ្រឿងញៀន ចំនួន​១​នាក់ ឈ្មោះ សុខ ចក់ ភេទ​ប្រុស អាយុ​៦៥​ឆ្នាំ រស់នៅ​ភូមិ​ព្រៃ​ចាន់ ឃុំ​អូរ​បី​ជាន់ ស្រុក​អូរជ្រៅ ខេត្តបន្ទាយមានជ័យ​។ ក្នុងការ​បង្ក្រាប​នេះ សមត្ថកិច្ច បាន​ដកហូត​ថ្នាំញៀន គ្រាប់​ពណ៌​ក្រហម មាន​អក្សរ WY ចំនួន​១៣៦​គ្រាប់ -​ថ្នាំ​គ្រាប់​ពណ៌​ត្នោត ចំនួន​៣​គ្រាប់ ម្សៅ​ក្រាម​ស​ថ្លា ចំនួន​១​ថង់​ធំ និង​២​ថង់​តូច​។​

​ជនសង្ស័យ បាន​ឆ្លើយ​សារភាពថាៈ ថ្នាំញៀន​ទាំងនេះ គឺ​ខ្លួន​បាន​ទិញ​ពី​ឈ្មោះ វី ភេទ​ស្រី អាយុ​ប្រហែល ៣០ ឆ្នាំ នៅ​ក្រុង​ប៉ោយប៉ែត ហើយ​យកមក​លក់ ចែកចាយ​បន្ត នៅ​ឃុំ​អូរ​បី​ជាន់​នេះ​។​

​ជនសង្ស័យ រួម​នឹង​វត្ថុតាង​ថ្នាំញៀន ត្រូវបាន​កម្លាំង​នគរបាល​ស្រុក បញ្ជូនមក​ខេត្ត ហើយ​ការិយាល័យ​នគរបាល​ជំនាញ ប្រឆាំង​គ្រឿងញៀន បាន​រៀប​សំណុំរឿង បញ្ជូនទៅ​សាលាដំបូង​ខេត្ត ដើម្បី​ចាត់ការ តាម​និតិ​វិធី​៕/V​

ទីតាំងផ្សាយពាណិជ្ជកម្ម

- Advertisment -

Most Popular

ក្រសួងសុខាភិបាល​កំពុង​តែ​...

ដោយៈ​មុនី​រ័ត្ន​/​ភ្នំពេញ...

បិទ​ផ្សារ​អ៊ី​អន​១ បន្ទាប...

ដោយៈ​មុនី​រ័ត្ន​/​ភ្នំពេញ...

ពុលស្រាសនៅខេត្តកំពង់ឆ្នាំ...

ដោយ: មុនីរ័ត្ន-ទេព កង្រី/...

មេបញ្ជាការ​កងពលតូច​លេខ​៧ ...

​ដោយ​: ភ្នំ​ដែក / ខេត្តព្...