ដោយៈ ប.ជ័យ / បន្ទាយមានជ័យៈ មន្ត្រី និងកងកម្លាំងចម្រុះ បន្តជួសជុល រៀបចំផ្ទះសម្បែងឡើងវិញ ជូនដល់ប្រជាពលរដ្ឋ រងគ្រោះដោយទឹកជំនន់ នៅស្រុកមង្គលបូរី និងក្រុងសិរីសោភ័ណ ។
លោក អ៊ុំ រាត្រី អភិបាលខេត្តបន្ទាយមានជ័យ បានឱ្យដឹងកាលពីថ្ងៃទី២២ ខែវិច្ឆិកា នេះថាៈ គោលដៅត្រូវជួយ គឺផ្ទះសម្បែង របស់ពលរដ្ឋ ដែលមានការខូចខាត និងជីវភាពខ្វះខាត។ ក្រោយពីមន្ត្រីក្រុមការងារ បានចុះពិនិត្យមើល ប៉ុន្មានថ្ងៃមុនមកនេះ ទើបមកដល់ថ្ងៃអាទិត្យ ថ្ងៃទី២២ ខែវិច្ឆិកា នេះ មន្ត្រីអាជ្ញាធរ សមត្ថកិច្ចស៊ីវិល កងកម្លាំងកងទ័ព កងរាជអាវុធហត្ថ នគរបាល យុវជន បានចេញជួយជួសជុល រៀបចំផ្ទះសម្បែងឡើងវិញ ជូនបងប្អូនប្រជាពលរដ្ឋ ទាំងនៅក្រុងសិរីសោភ័ណ និងនៅស្រុកមង្គលបូរី ។
លោកទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិ គ្រប់គ្រងគ្រោះមហន្តរាយ អមដំណើរដោយលោក ខេង ស៊ុម ប្រធានក្រុមប្រឹក្សាខេត្ត និងលោក អ៊ុំ រាត្រី អភិបាលខេត្តបន្ទាយមានជ័យ បានអញ្ជើ្ញញចុះពិនិត្យ ការសាងសង់ផ្ទះ ជូនប្រជាពលរដ្ឋ ដែលរងការខូចខាត ដោយទឹកជំនន់ នៅភូមិសែសិន សង្កាត់ព្រះពន្លា ក្រុងសិរីសោភ័ណ៕/V
