Home ព័ត៌មានជាតិ សង្គម ប្រធាន​ក្រុមប...

ប្រធាន​ក្រុមប្រឹក្សា ស្រុក​កោះ​ញែក បញ្ជា​ឱ្យ​រុះរើ រោង​ស្នាក់ការ​របស់ ស្នងការដ្ឋាន​នគរបាល​ខេត្ត

ដោយៈ សាត​ចាន់​បុត្រ / មណ្ឌលគិរីៈ ស្នាក់ការ​បណ្តោះអាសន្ន មាន​ទំហំ​ជិត ៥ ម៉ែត្រ សង់​អំពី​ឈើ​ប្រក់​ស័ង្កសី របស់​កងកម្លាំង​មាន​សមត្ថកិច្ច ដើម្បី​ពួនស្ទាក់ ចាំ​បង្ក្រាប​បទល្មើស គ្រប់​ប្រភេទ ត្រូវបាន​មនុស្ស​មួយក្រុម ដឹកនាំ​ដោយ ប្រធាន​ក្រុមប្រឹក្សា ស្រុក​កោះ​ញែក គឺ​លោក យូ ចន្ទី បញ្ជា​ឲ្យ​រុះរើ ដោយ​ពុំមាន​ការជូនដំណឹង ជាមុន​ឡើយ​។ ករណីនេះ គឺ​បាន​កើតឡើង កាលពីពេល​ថ្មីៗ​នេះ នៅ​ចំណុច​ត្រពាំង​ត្រាច ត្រង់​ផ្លូវបំបែក ចូលទៅ​ឃុំ​ណង​ឃី​ឡឹ​ក ចម្ងាយ​ប្រមាណ ៨ គីឡូម៉ែត្រ ពី​ទីរួមស្រុក​កោះ​ញែក​។​

​អ្នកនាំពាក្យ​ស្នងការដ្ឋាន​នគរបាល ខេត្តមណ្ឌលគិរី លោក​ឧ​ត្ត​ម​សេនីយ៍​ត្រី សូ សុវណ្ណ បានឱ្យដឹងថា ស្នាក់ការ សំរាប់​កំលាំង​នគរបាល ស្នាក់នៅ ដើម្បី​បង្ការ​ទប់ស្កាត់ បទល្មើស​គ្រប់​ប្រភេទ នៅ​ចំណុច​ត្រពាំង​ត្រាច ត្រង់​ផ្លូវបំបែក​ចូលទៅ ឃុំ​ណង​ឃី​ឡឹ​ក ចំងាយ​ប្រមាណ ៨ គីឡូម៉ែត្រ ពី​ទីរួមស្រុក​កោះ​ញែក ត្រូវបាន​លោក យូរ ចន្ទី ប្រធាន​ក្រុមប្រឹក្សា ស្រុក​កោះ​ញែក និង​បក្ខពួក រុះរើ​ចោល​អស់ កាលពី​ប៉ុន្មាន​ថ្ងៃ​មុននេះ ។

​អ្នកនាំពាក្យ​ដដែល បាន​បន្តថាៈ ស្នាក់ការ​នេះ សាងសង់ឡើង ក្នុង​ខែកុម្ភៈ ឆ្នាំ​២០២០ ដែលមាន​ទំហំ ៤,៦ x ៥,៥ ម​. ធ្វើ​ពី​ឈើ ប្រក់​ស័ង្កសី ចំណាយ​ទឹកប្រាក់​អស់ ៥.១០០.០០០ រៀល និង ៥០០ ដុល្លារ​អាម៉េរិក ក្នុង​គោលបំណង​សំរាប់ កងកំលាំង​ស្នាក់នៅ ពេល​ត្រូវ​ការចេញ​ពួនស្ទាក់ បង្ការ បង្ក្រាប​បទល្មើស​គ្រប់​ប្រភេទ និង​សំរាប់​ប្រជាពលរដ្ឋ ដែល​ធ្វើដំណើរ​ឆ្លងកាត់ ឈប់សំរាក រយៈពេល​ខ្លី ។

​ការរុះរើ​ស្នាក់ការ​នគរបាល​នេះ គឺជា​ការ​ផ្តល់ឱកាស អោយ​ពពួក​ជន​ខឹ​ល​ខូច កាប់បំផ្លាញ​ព្រៃឈើ និង​ពួក​ប្រព្រឹត្ត​បទល្មើស​ផ្សេង ឆ្លងកាត់​បាន ដោយ​ងាយស្រួល​បំផុត ក្នុងការ​គេចផុត​ពី ការបង្ក្រាប​របស់​សម​ត្ថ​កិច្ច គឺជា​ទង្វើ​បំផ្លាញ ទ្រព្យសម្បត្តិ​សាធារណៈ ដែល​ច្បាប់​មិនអាច​លើកលែង​បានឡើយ​។​

​ថ្នាក់ដឹកនាំ ព្រមទាំង​កងកំលាំង នៃ​ស្នងការដ្ឋាន​នគរបាល ខេត្តមណ្ឌលគិរី ទាំងអស់ សូម​ថ្កោលទោស យ៉ាង​ម៉ឹងម៉ាត់​បំផុត ចំពោះ​ទង្វើ​បំផ្លាញ ទ្រព្យសម្បត្តិ​សាធារណៈ របស់លោក យូរ ចន្ទី និង​បក្ខពួក និង​ធ្វើការ​ចោទ​ប្តឹង ទៅ​អយ្យការ អម​សាលាដំបូង​ខេត្ត ដើម្បី​ចាត់ការ​តាមច្បាប់ ។​

​ករណី​រុះរើ​ស្នាក់ការ​បណ្ដោះអាសន្ន របស់​កងកម្លាំង នៅ​ថ្ងៃទី ២២ ខែវិច្ឆិកា​នេះ ប្រធាន​ក្រុមប្រឹក្សា ស្រុក​កោះ​ញែក លោក យូរ ចន្ទី ភ្នាក់ងារ​របស់​យើង មិនអាច​ធ្វើការ​ទំនាក់ទំនង បានឡើយ តាម​ប្រព័ន្ធ​សារ​អេ​ឡិ​ក​ត្រូ​និ​ក​ ៕/V​

 

 

ទីតាំងផ្សាយពាណិជ្ជកម្ម

- Advertisment -

Most Popular

យុវជន​ម្នាក់​ដែល​បាន​រួមភ...

​ដោយៈ​ស​រិ​ទ្ធ​/​ភ្នំពេញៈ...

​ព្រឹកស្អែក​សម្តេច​តេ​ជោ ...

ដោយ​៖​តារា​រិ​ទ្ធ​/​ភ្នំព...

​ស្ត្រី​កម្ពុជា ក្នុង​វិស...

​ដោយៈ ពៅ​និមល / ភ្នំពេញៈ ...

ប្រើ​អំពើហិង្សា​លើ​អតីត​ប...

ដោយ​: ស​រិ​ទ្ធ / កណ្តាល​:...