Home ព័ត៌មានជាតិ សន្តិសុខ បុរស​ម្នាក់​ប...

បុរស​ម្នាក់​បាញ់​ក្បាល​ខ្លួនឯង​បណ្តាល​ឲ្យ​ស្លាប់​ជា​ករណី​អត្តឃាត ដោយ​មិនដឹង​មូលហេតុ​

ដោយ​: ស​រិ​ទ្ធ / ភ្នំពេញ​: បុរស​ម្នាក់​បាន​ប្រើ​កាំភ្លើងខ្លី​បាញ់​ក្បាល​ខ្លួនឯង​បណ្តាលអោយ​ស្លាប់​ដោយ​មិនដឹង​មូលហេតុ​បង្ក​ភ្ញាក់ផ្អើល​កាលពី​វេលា​ម៉ោង​០៧​និង​៣០​នាទី ព្រឹក ថ្ងៃទី​២២​វិច្ឆិកា​២០២០ នៅ​ចំណុច ផ្ទះ​គ្មាន​លេខ ផ្លូវ​បេតុង ក្រុម​៣ ភូមិ បា​យ៉ាប សង្កាត់ ភ្នំពេញ​ថ្មី ខណ្ឌ​សែន​សុខ​រាជធានី​ភ្នំពេញ ។​

​តាម​ការសន្និដ្ឋាន​រប​ស់ លោក​ឧកញ៉ា វេជ្ជបណ្ឌិត នង សុវណ្ណ​រ័ត្ន គ្រូពេទ្យ​កោសល្យ​វិ​ច្ច័​យ អម​សាលាដំបូង រាជធានី​ភ្នំពេញ បាន​បញ្ជាក់ថា ជនរងគ្រោះ​ស្លាប់​ដោយសារ បាញ់​ខ្លួនឯង ចំក្បាល ពី​ខាងស្តាំ ទៅ​ឆ្វេង ចំនួន ០១​គ្រាប់ ។​

​ជនរងគ្រោះ​ឈ្មោះ អ៊ីវ លាង​អ៊ាង ភេទ ប្រុស អាយុ ២៩​ឆ្នាំ មុខរបរ រៀន​ជួសជុល​រថយន្ត​ស្នាក់នៅ​កន្លែងកើតហេតុ​ខាងលើ ហើយ​ទើបតែ​ត្រឡប់​ពី​ធ្វើការ​នៅ​ប្រទេស​កូរ៉េ បាន​ចំនួន​៣​ខែ ។​
​វត្ថុតាង​បន្សល់ទុក​នៅ​កន្លែងកើតហេតុ​៖ –​អាវុធខ្លី​ចំនួន​០១​ដើម ក្បាល​គ្រាប់​ចំនួន​០១ គ្រាប់ សំបក​គ្រាប់​ចំនួន ០១ ។​

​សមត្ថកិច្ច​ឲ្យ​ដឹងថា តាម​ការបំភ្លឺ​ពី​ឈ្មោះ គីន ឡាក់​ស្រ៊ី​ន បាន​ប្រាប់ថា ជនរងគ្រោះ​ទើបតែ​ត្រឡប់​ពី​ធ្វើការ​នៅ​ប្រទេស​កូរ៉េ បាន​ចំនួន​៣​ខែ ហើយ​ចូលមក​ស្នាក់នៅ ក្នុងផ្ទះ​កើតហេតុ​បាន​ចំនួន​ជាង​០១​ខែ ដើម្បី​រៀន​ជាង​ជួសជុល​រថយន្ត​។ កន្លងមក​មិនដែល​ដឹងថា ជនរងគ្រោះ មានប្រើ​ប្រាស់​អាវុធ​ទេ រហូតដល់​ព្រឹក​ថ្ងៃទី​២២​វិច្ឆិកា ២០២០ វេលា​ម៉ោង ៧​និង​.៣០​នាទី ខ្លួន​បាន​ចុះ​ពី​ជាន់​ឡៅតឿ មកក្រោម​គោលបំណង​ទៅធ្វើ​ការ ស្រាប់តែ ឃើញ​ជនរងគ្រោះ​ដេកស្លាប់ មាន​ឈាម និង​ឃើញ​មាន​កាំភ្លើងខ្លី​០១​ដើម​នៅជាប់​ជនរងគ្រោះ​។​

​ប្រភព​បាន​បន្តថា ពេលនោះ​ខ្លួន​បាន​ទូរស័ព្ទ​ហៅ​ឈ្មោះ គីន លឹម​ហុង និង ឈ្មោះ កើត រ៉ែ​ង អោយ​យក​រថយន្ត​ដឹក​ជនរងគ្រោះ ទៅ​សង្គ្រោះ​នៅ​មន្ទី​ពេទ្យ តែ​ពេលទៅដល់​មន្ទីរពេទ្យ គ្រូពេទ្យ​បាន​ប្រាប់ថា​ជនរងគ្រោះ​ស្លាប់​បាត់ទៅហើយ​។ ពេលនោះ ក៏​ដឹក​សព ត្រឡប់មក ផ្ទះកើតហេតុ​វិញ ទើប​ធ្វើអោយមាន​ភ្ញាក់ផ្អើល សមត្ថកិច្ច​ជំនាញ​ក៏បាន​ចុះ​ទៅដល់​កន្លែងកើតហេតុ ធ្វើការ​ស្រាវជ្រាវ​និង​ធ្វើ​កោសល្យវិច័យ ទីតាំង​កន្លែង​កើ ហេតុ​និង​លើ​ជនរងគ្រោះ​។​

​បច្ចុប្បន្ន​សព ជនរងគ្រោះ ប្រគល់អោយ​ក្រុមគ្រួសារ​យកទៅ​តម្កល់​ធ្វើបុណ្យ​តាម​ប្រពៃណី នៅ​វត្ត ក្រាំងធ្នង់៕

ទីតាំងផ្សាយពាណិជ្ជកម្ម

- Advertisment -

Most Popular