Home ព័ត៌មានអន្តរជាតិ អាម៉េរិក​បញ្ជ...

អាម៉េរិក​បញ្ជូន​B-52​ទៅកាន់​មជ្ឈិមបូព៌ា ក្រោយ​ប្រកាស​ដកទ័ព​បន្ថែម​

ប្រែ​សម្រួលៈ​វាសនា​/​វ៉ាស៊ីនតោន​៖​កាលពី​ថ្ងៃ​អង្គារ​សប្តាហ៍​មុន រដ្ឋការ​លោក​ត្រាំ​បានប្រកាស​កាត់បន្ថយ​ចំនួន​ទាហាន​អាម៉េរិក​ឈរជើង​នៅ​អា​ហ្វ​ហ្គានី​ស្ថាននិង​អ៊ីរ៉ាក់ ជា​លទ្ធផល​នៃ​កិច្ចព្រមព្រៀង​សន្តិភាព​​របស់​លោក​ត្រាំ​ជាមួយ​ក្រុម​តា​លី​បង់​នៅ​ឆ្នាំ​នេះ និង​ការសន្យា​ក្នុង​យុទ្ធនាការ​បោះឆ្នោត​ឆ្នាំ​០១៦​រ​បស់លោក ដែល​ថា​នឹង​បញ្ចប់សង្គ្រាមអូសបន្លាយ​ក្នុង​លោក​ដែល​ទាហាន​អាម៉េរិក​ចូល​ពាក់ព័ន្ធ​។​

​យោង​តាម​ក្រ​សួ​ងការពារ​ជាតិ​អាម៉េរិក ពេល​ចុង​ក្រោយ​ដែល​យន្តហោះ​ទម្លាក់​គ្រាប់បែក​B-52 ‘Stratofortress’​នៅ​តំបន់​មជ្ឈិមបូព៌ា​គឺ​ដើមឆ្នាំ​២០២០

​បញ្ជាការ​កណ្តាល​អាម៉េរិក បាន​បញ្ជូន​យន្តហោះ​B-52 ទៅកាន់​មជ្ឈិមបូព៌ា ដើម្បី​ពង្រឹង​វត្ត​មាន​យុទ្ធសាស្ត្រ​នៃ​កងទ័ពអាកាស​អាម៉េរិក និងជា​មធ្យោបាយ​«​រារាំង​ការឈ្លានពាន​រួមទាំងធានា​អះអាង​ឡើងវិញ​​ដៃគូ​និង​សម្ពន្ធមិត្ត​របស់​អាម៉េរិក​» នេះ​បើ​តា​មេច​ក្តី​ថ្លែងការ​របស់​យោធា​អាម៉េរិក​កាលពី​ថ្ងៃ​សៅរ៍​។​

​ចំណាត់ការ​នេះ​ត្រូវបាន​ធ្វើឡើង​បន្ទាប់​ពី​មាន​ព័ត៌មាន​អំពី​ការសំរេចចិត្ត​របើ​លោក​ត្រាំ​ដើម្បី​ដក​ទាហាន​ផ្នែក​បន្ទាប់​ចេញពី​តំបន់​នេះ យ៉ាងយូរ​នៅត្រឹម​ថ្ងៃ​១៥​វិច្ឆិកា ឆ្នាំ​២០២១ បន្ថែម​លើ​ការដក​ទាហាន​​អាម៉េរិក​ចេញពី​អ៊ីរ៉ាក់​និង​អា​ហ្វ​ហ្គានី​ស្ថាន​មួយៗប្រទេសប្រមាណ​២.៥០០​នាក់​។​

​ឧត្តមសេនីយ៍ ក្រេក ហ្គីល​ឡុត មេបញ្ជាការ​កងទ័ពអាកាស​ទី​៩​របស់​អាម៉េរិក បាន​និយាយថា «​បេសកកម្ម​នេះ​ត្រូវបាន​ប្រាប់​ជាមុន​តែ​បន្តិច ដើម្បី​អោយ​ទាហាន​មានលទ្ធភាព​ប្រតិកម្ម​រហ័ស ដើម្បី​រារាំង​​ការឈ្លានពាន​ណាមួយ​។​បេសកកម្ម​នេះ​ជួយ​ពួក​នាវិក​ន​យន្តហោះ​ទម្លាក់​គ្រាប់បែក​អោយ​ស៊ាំ​នឹង​ដែនអាកាស​ក្នុង​តំបន់​និង​ការបញ្ជា ហើយ​អនុញ្ញាតអោយ​ពួកគេ​សម្របសម្រួល​ជាមួយ​កងកម្លាំង​អាកាស​​តំបន់ ដើម្បីបង្កើន​ភាព​ត្រៀមប្រយុទ្ធ​របស់​កងកម្លាំង​»​។​

​បេសកកម្ម​នេះ​ត្រូវបាន​ធ្វើឡើង​ស្របគ្នា​នឹង វត្ត​មាន​រដ្ឋមន្ត្រីការបរទេស​អាម៉េរិក​លោក ម៉ៃ ផ​ម​ផេវ នៅ​កិច្ចចរចា​សន្តិភាព​ជុំ​ថ្មី​រវាង​ក្រុម​តា​លី​បង់ និង​រដ្ឋាភិបាល​អា​ហ្វ​ហ្គានី​ស្ថាន នៅ​ប្រទេស​កាតា​។​

​រដ្ឋមន្ត្រីការបរទេស​អាម៉េរិក ជួប​ប្រធាន​ចរចា​ក្រុម​តា​លី​បង់ ក្នុងអំឡុងពេល​ពិភាក្សា​រក​សន្តិភាពរ​វា​ង​ក្រុម​តា​លី​បង់​និង​រដ្ឋាភិបាល​អា​ហ្វ​ហ្គានី​ស្ថាន​កាលពី​ថ្ងៃ​២១​វិច្ឆិកា​

​សូម​រំលឹក​ថា ក្នុង​អំឡុងពេល​ធ្វើ​យុទ្ធនាការ​បោះឆ្នោត​ប្រធានាធិបតី​ឆ្នាំ​០១៦ លោក​ត្រាំ​បាន​សន្យា​បញ្ចប់​«​សង្គ្រាម​គ្មាន​ទីបញ្ចប់​»​របស់​កងទ័ព​អាម៉េរិក​នៅ​បរទេស ដោយ​សន្យា​យ៉ាងហោច​ណាស់​ដក​ទាហាន​​អាម៉េរិក​នៅ​អ៊ីរ៉ាក់​និង​អា​ហ្វ​ហ្គានី​ស្ថាន​។​

​ត្រាំ​បាន​ចុះហត្ថលេខា​លើ​កិច្ចព្រមព្រៀង​មួយ​ជាមួយ​ក្រុម​តា​លី​បង់​អា​ហ្វ​ហ្គានី​ស្ថាន​កាលពី​ខែ​កុម្ភៈ និង​អាម៉េរិក​បានចាប់ផ្តើម​ដក​ទាហាន​ចេញពី​ទឹកដី​នេះ​ភ្លាម​ផងដែរ​។​បច្ចុប្បន្ន អាម៉េរិក​មាន​ទាហាន​ប្រ​​មាណ​៣.០០០​នាក់​នៅ​អ៊ីរ៉ាក់ និង​៤.៥០០​នាក់​នៅ​អា​ហ្វ​ហ្គានី​ស្ថាន​៕

ទីតាំងផ្សាយពាណិជ្ជកម្ម

- Advertisment -

Most Popular

សាលា​រាជធានី​ភ្នំពេញ ចេញ​...

​ដោយៈ​រ៉ា​ម៉ន​/​ភ្នំពេញៈ ...

ស្ថានីយ៍​ដើរ​ដោយ​ថាមពល ពន...

ដោយៈ ភ្នំ​ស្វាយ / បន្ទាយ​...

យាន Chang’e-5 កំពុង...

​ប្រែ​សម្រួល : កញ្ញា​ដា​ល...

អ្នក​ធ្វើអត្តឃាត​នៅ​ជប៉ុន...

​ប្រែ​សម្រួល : កញ្ញា​ដា​ល...