Home ព័ត៌មានជាតិ សន្តិសុខ ​បើក​ម៉ូតូ​ប៉...

​បើក​ម៉ូតូ​ប៉ះ​រថយន្ត បណ្តាលឱ្យ​មនុស្ស​ម្នាក់ ស្លាប់ និង​ម្នាក់ទៀត រងរបួស​

​ដោយៈ ស​រិ​ទ្ធ/ព្រះសីហនុៈ បុរស​ម្នាក់ បាន​ស្លាប់ នៅនឹងកន្លែង​កើតហេតុ និង​ម្នាក់ទៀត បាន​រងរបួស ដោយ​សារ​បើក​ម៉ូតូ រេ​ចង្កូត​ទៅ​ប៉ះ​រថយន្ត កាលពី​ម៉ោង ៩​និ​៣០​នាទី​យប់ ថ្ងៃទី​២២ ខែវិច្ឆិកា ឆ្នាំ​២០២០ នៅលើ​ផ្លូវជាតិ​លេខ​៤ ស្ថិតនៅ​ភូមិ​ព្រៃនប់​១ ឃុំ​ព្រៃនប់ ស្រុក​ព្រៃនប់ ខេត្ត​ព្រះសីហនុ ត្រង់​ចន្លោះ​បង្គោលគីឡូម៉ែត្រ​លេខ ១៩០-១៩១​។​

​នគរបាល​ឃុំ​ព្រៃនប់ បានឱ្យដឹងថា ករណី​គ្រោះថ្នាក់​ចរាចរណ៍​នេះ បានកើត​ឡើង រវាង​ម៉ូតូ​ម៉ាក Honda Dream ពណ៌​ខ្មៅ ពាក់​ស្លាក​លេខ ព្រះសីហនុ ១E-៣១៩១ ពេល​បើក​មកដល់​ចំណុច​ខាងលើ បាន​រេ​ចង្កូត​មក​ខាងឆ្វេង​ដៃ ប៉ះ​ជាមួយ​រថយន្ត ១​គ្រឿង បណ្តាលឱ្យ អ្នកជិះ​ម៉ូតូ​ម្នាក់ ស្លាប់​នៅនឹងកន្លែង​កើតហេតុ និង​ម្នាក់ទៀត រងរបួស​ធ្ងន់​។ ចំណែក​ភាគី​ខាង​រថយន្ត បាន​បើក​រត់គេច​បាត់ស្រមោល​។

​បើតាម​សមត្ថកិច្ច បានបញ្ជាក់​ថាៈ ភ្លាមៗ ជនរងគ្រោះ​ទាំង ២​នាក់ នៅ​ពុំទាន់​ស្គាល់ អត្ដ​សញ្ញាណ​នៅឡើយ​ទេ បច្ចុប្បន្ន សមត្ថកិច្ច កំពុង​ស្វែងរក​គ្រួសារ​ជនរងគ្រោះ​។ ក្នុងនោះ អ្នករងរបួស ត្រូវបាន​យកទៅ​សង្គ្រោះ នៅ​គ្លីនិក​ឯកជន ក្នុង​ឃុំ​អូរ​ឧកញ៉ា​ហេង និង​សមត្ថកិច្ច បន្ត​ស្រាវជ្រាវ រក​អ្នកបើករថយន្ត​បង្កហេតុ ដើម្បី​នាំយកមក​ដោះស្រាយ តាម​នីតិវិធី​៕/V​

ទីតាំងផ្សាយពាណិជ្ជកម្ម

- Advertisment -

Most Popular