Home ព័ត៌មានជាតិ សន្តិសុខ ២នាក់របួសធ្ងន...

២នាក់របួសធ្ងន់ស្រាល​ដោយសារ​ជិះ​ម៉ូ​តូ​បុក​គ្នា​

​ដោយ​:​ស​រិ​ទ្ធ​/​ភ្នំពេញ​: បុរស​ម្នាក់​បាន​រងរ​បួស​ធ្ងន់ និង​នារី​ម្នាក់ទៀត​រងរបួស​ស្រាល បន្ទាប់ពី​ជួប​គ្រោះថ្នាក់​ចរាចរណ៍​ជិះ​ម៉ូតូ​បុក​គ្នា​នៅមុខ​ផ្សារ​ស្ទឹងមានជ័យ​ចាស់ តាម​បណ្ដោយ​ផ្លូវ​លេខ​២១៧ ក្នុង​សង្កាត់​ស្ទឹងមានជ័យ​ទី​២ ខណ្ឌមានជ័យ នា​វេលា​ម៉ោង​១ និង​៥០​នាទី​រំលងអធ្រាត្រ ឈានចូល​ថ្ងៃទី​២៣ ខែវិច្ឆិកា ឆ្នាំ​២០២០ ។

តាម​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ នារី​រងគ្រោះ​ជិះ​ម៉ូតូ​មួយគ្រឿង​ម៉ាក​ហុងដា​ធូ​ដេ ពណ៌​ក្រហម ពាក់​ស្លាក​លេខ​ភ្នំពេញ 1CW-7276 ធ្វើដំណើរ​តាម​បណ្ដោយ​ផ្លូវ​លេខ​២១៧ ក្នុងទិសដៅ​ពី​កើ​តទៅ​លិច ខណៈ​មកដល់​ចំណុចកើតហេតុ​បាន​បត់​ឆ្លងផ្លូវ​ទៅ​ទិស​ខាងត្បូង តែ​ឆ្លង​បានតែ​ត្រឹម​ពាក់​កណ្ដាលផ្លូវ​ក៏ត្រូវ​បុរស​ម្នាក់​ជិះ​ម៉ូតូ​មួយគ្រឿង​ម៉ាក ហុងដា​ឌ្រី​ម ស៊េរី​ឆ្នាំ​២០១០ពណ៌​ខ្មៅ ពាក់​ស្លាក​លេខ តាកែវ 1H-1371 តាម​បណ្ដោយ​ផ្លូវ​លេខ​២១៧ ក្នុងទិសដៅ​ពី​លិចទៅ​កើត​ក្នុង​ល្បឿន​យ៉ាង​លឿន បុក​ម៉ូតូ​ធូ​ដេ ដែល​កំពុង​ឆ្លងផ្លូវ​ពេញទំហឹង បណ្ដាល​ឲ្យ​បុរស​ម្នាក់​ភាគី​ខាង​ម៉ូតូហុងដា​ឌ្រី​ម ដួល​អូស​ជិត​១០​ម៉ែត្រ​រងរបួស​ធ្ងន់ ។ រីឯ​នារី​ភាគី​ខាង​ម៉ូតូ​ធូ​ដេរ​ង​របួសស្រាល ៕​

ទីតាំងផ្សាយពាណិជ្ជកម្ម

- Advertisment -

Most Popular