Home ព័ត៌មានជាតិ សន្តិសុខ ម៉ូតូ​ពីរ​គ្រ...

ម៉ូតូ​ពីរ​គ្រឿង បុក​គ្នាៈ បុរស​ម្នាក់​ស្លាប់ និង​យុវជន​ម្នាក់ រងរបួស

ដោយៈ អង្គរតូច / សៀមរាបៈ បុរស​ម្នាក់ បាន​ស្លាប់ នៅពេល​ដឹកបញ្ជូន ទៅដល់​មន្ទីរពេទ្យ ឯ​យុវជន​ម្នាក់ រងរបួស ក្នុង​ហេតុការណ៍​គ្រោះថ្នាក់ ដោយ​ម៉ូតូ ពីរ​គ្រឿង បាន​បុក​គ្នា ក្នុងទិសដៅ​បញ្ច្រាស​គ្នា នៅវេលា​ម៉ោង ៨​និង​៥០​នាទី យប់​ថ្ងៃទី​២២ ខែវិច្ឆិកា ឆ្នាំ​២០២០ នៅ​ចំណុច​ផ្លូវបំបែក ចូល​ក្លិប​បាល់ទាត់​យុវជន លើផ្លូវ ៦០ ម៉ែត្រ ចំងាយ​ប្រហែល ៣០០ ម៉ែត្រ ទៅ​រង្វង់​មូល​អ​ប្សា​រា ។​

​មន្ត្រីនគរបាល​ចរាច​រណ៍ ក្នុង​ហេតុការណ៍ បានអោយដឹងថាៈ គ្រោះថ្នាក់​ចរាចរណ៍​នេះ បានកើត​ឡើង រវាង​ម៉ូតូ​ម៉ាក ឌុ​ក ពណ៌​ខ្មៅ ពាក់​ស្លាក​លេខ 1Y សៀមរាប ០៥៩០ បើកបរ​ដោយ​ឈ្មោះ សំរឹទ្ធ សុវណ្ណ​មករា ភេទ​ប្រុស អាយុ​១៨​ឆ្នាំ រស់នៅ​ភូមិ​ខ្នា ឃុំ​ជ្រាវ ក្រុង​សៀមរាប ខេត្តសៀមរាប របួសស្រាល បើកបរ​ពី​ទិស​ខាងត្បូង ទៅខាង​ជើង បាន​បុក​ជាមួយ​ម៉ូតូ​ហុងដា ឌ្រី​ម សេ​១២៥ ពណ៌​ខ្មៅ សេរី​២០១៥ ស្លាក​លេខ សៀមរាប 1S៥៤៩៤ បើកបរ​ដោយ​ឈ្មោះ បូ សុខា ភេទ​ប្រុស អាយុ​៤៨​ឆ្នាំ រស់នៅ​ភូមិ​មណ្ឌល​៣ សង្កាត់​ស្លក្រាម ក្រុង​សៀមរាប ពី​ទិស​ខាងជើង ទៅខាង​ត្បូង បណ្ដាលឱ្យ​រងរបួស​ធ្ងន់ ហើយ​បន្ទាប់មក បាន​ស្លាប់ នៅពេល​ដឹកបញ្ជូន​ដល់​មន្ទីរពេទ្យ សឹង​រឹទ្ធី​រ៉េត ។​

​មន្ត្រីនគរបាល​ចរាច​រណ៍ បានបញ្ជាក់​ថាៈ ក្រោយ​ប្រគល់​សាកសព ជូន​សាច់ញាតិ វត្ថុតាង​បាន​យកទៅ​រក្សាទុក នៅ​ការិយាល័យ​នគរបាល​ចរាចរណ៍​ខេត្ត រង់ចាំ​ដោះស្រាយ ៕/V​

ទីតាំងផ្សាយពាណិជ្ជកម្ម

- Advertisment -

Most Popular