Home ព័ត៌មានជាតិ សង្គម ដាក់​បង្គោល​ភ...

ដាក់​បង្គោល​ភ្លើង បំភ្លឺ​សាធារណៈ រាប់សិប​បង្គោល នៅតាម​បណ្តោយ​ផ្លូវធំ ចំនួន​២​ខ្សែ នៅ​ជាយ​រាជធានី​

ដោយៈ រ៉ា​ម៉ន / ភ្នំពេញៈ រដ្ឋបាល​រាជធានី​ភ្នំពេញ ក្រោម​ការដឹកនាំ​របស់​លោក ឃួ​ង ស្រេង ជា​អភិបាល បាន​នឹង​កំពុង​ធ្វើ​សកម្មភាព យ៉ាងសកម្ម ក្នុងការ​អភិវឌ្ឍ​រាជធានី មាន​ទាំង​កសាង​ផ្លូវ ភ្លើង លូ ប្រឡាយ សួនច្បារ​សាធារណៈ និង​ហេ​ដ្ឋា​រចនាសម្ព័ន ផ្សេងទៀត​។​

​ជាក់ស្តែង សម្រាប់​ពេលនេះ រដ្ឋបាល​រាជធានី​ភ្នំពេញ បាន​ដាំ​បង្គោល​ភ្លើង បំភ្លឺ​សាធារណៈ​ថ្មី រាប់សិប​បង្គោល ជាមួយនឹង​ការដាក់ឱ្យ​ដំណើរការ ភ្លើង​បំភ្លឺ​ផ្លូវ កាលពី​សប្ដាហ៍​មុន នៅលើ​ផ្លូវ​ក្រវាត់ក្រុង​ទី​២ ឬ ផ្លូវ​ទ្រុងមាន់ ចាប់ពី​ស្តុ​ប​ណ័​រ​ប្រ៊ី​ត ដល់​ប្រឡាយ​បារាំង ក្នុង​ខណ្ឌ​សែន​សុខ និង​ដាក់​បង្គោល​ភ្លើង បំភ្លឺ​ផ្លូវ​ថ្មី ចំនួន ៤៣ បង្គោល​ទៀត នៅ​ផ្លូវ​ព្រៃ​ស ចាប់ពី​ស្ពាន​ព្រែក​ហា ដល់​ផ្លូវ​វត្ត​ឫស្សី​សាញ់ ខណ្ឌដង្កោ​។​

​គួរបញ្ជាក់​ផងដែរ​ថា នៅលើ​បណ្តោយ​ផ្លូវ ខ្សែក្រវាត់​ក្រុង​ទី​២ ( ផ្លូវ​ទ្រុងមាន់ ) កន្លងមកនេះ រដ្ឋបាល​រាជធានី​ភ្នំពេញ បានដាក់​បង្គោល​ភ្លើង​នេះ ចាប់ពី​ផ្លូវ​ប្រឡាយ​បារាំង ដល់​ផ្លូវ​វេ​ង​ស្រេង ក្នុង​ខណ្ឌមានជ័យ ហើយ​រហូតមក​ដល់ពេលនេះ ក៏បាន​បន្ត​ពី​ប្រឡាយ​បារាំង មកដល់​ស្តុ​ប​ណ័​រ​ប្រ៊ី​ត បន្ថែមទៀត​។​

​មន្ត្រីរដ្ឋបាល​រាជធានី​ភ្នំពេញ បានឱ្យដឹងថាៈ ការដាំ​បង្គោល​ភ្លើង បំភ្លឺ​សាធារណៈ​ថ្មី រាប់សិប​បង្គោល ជាមួយនឹង​ការដាក់ឱ្យ​បំភ្លឺ ជា​សាធារណៈ​នេះ ធ្វើឡើង​មិន​ត្រឹមតែ ដើម្បី​លើក​សោភ័ណភាព ក្នុង​រាជធានី​ភ្នំពេញ ប៉ុណ្ណោះ​ទេ តែ​វា​ក៏បាន​ធ្វើឱ្យ​កាត់បន្ថយ ចោរកម្ម និង​កាត់បន្ថយ​គ្រោះថ្នាក់​ចរាចរណ៍ ផងដែរ​៕/V​

ទីតាំងផ្សាយពាណិជ្ជកម្ម

- Advertisment -

Most Popular