Home ព័ត៌មានជាតិ សន្តិសុខ ក្រុមចោរ​បីនា...

ក្រុមចោរ​បីនាក់​គាស់​ផ្ទះ​លួច​ទ្រព្យសម្បត្តិ​ប្រជាពលរដ្ឋ​នៅ​បុរី​ប៊ុន​ជេស្ឋ​ត្រូវ​សមត្ថកិច្ច​ចាប់ខ្លួន​

ដោយ​: ស​រិ​ទ្ធ / ភ្នំពេញ​: ជនសង្ស័យ​៣​នាក់​ក្នុងចំណោម​៤​នាក់​បាន​ត្រូវ​សមត្ថកិច្ច​ឃាត់ខ្លួន កាលពី​ម៉ោង​៤​ល្ងាច ថ្ងៃទី​២២ ខែវិច្ឆិកា ឆ្នាំ​២០២០ នៅ​ចំណុច​បុរី​ប៊ុន​ជេស្ឋ ផ្លូវ​បេតុង ផ្ទះ​លេខ​F៣៤ ភូមិ​ដួង សង្កាត់​ព្រែក​ព្នៅ ខណ្ឌ​ព្រែក​ព្នៅ រាជធានី​ភ្នំពេញ ក្រោយពេល​ចូល​គាស់​ទម្លុះទម្លាយ​ផ្ទះ​ប្រជាពលរដ្ឋ​លួច​ខ្សែដៃ និង​លុយ​បាន​មួយសន្ទុះ​។​

​សមត្ថកិច្ច​បាន​ឲ្យ​ដឹងថា ជនសង្ស័យ​រួម​មនា ទី​១.​ឈ្មោះ ជួប រស្មី ភេទ​ប្រុស អាយុ​១៨​ឆ្នាំ មាន​ទីលំនៅ​បច្ចុប្បន្ន ភូមិ​ស្ទឹងមានជ័យ សង្កាត់​ស្ទឹងមានជ័យ ខណ្ឌមានជ័យ រាជធានី​ភ្នំពេញ ទី​២.​ឈ្មោះ ឆឹង ធារ៉ា ភេទ​ប្រុស អាយុ​២២​ឆ្នាំ មុខរបរ​និស្សិត​ឆ្នាំ​ទី​២ មាន​ទីលំនៅ​បច្ចុប្បន្ន​ជាមួយ​ជនសង្ស័យ​ខាងលើ និង​ទី​៣.​ឈ្មោះ ចាន់ វិសាល ភេទ​ប្រុស អាយុ​២២​ឆ្នាំ មុខរបរ​និស្សិត​ឆ្នាំ​ទី​៣ មាន​ទីលំនៅ​បច្ចុប្បន្ន​ជាមួយ​ជនសង្ស័យ​ខាងលើ​។ ចំណែក​ជនសង្ស័យ​ដែល​គេចខ្លួន​ឈ្មោះ ដា ភេទ​ប្រុស​។ ចំណែក​ជនរងគ្រោះ​ឈ្មោះ ទឹម សុខ​ឃៀង មាន​ទីលំនៅ​ផ្ទះកើតហេតុ​ខាងលើ​។​

​ប្រភព​ដដែល​បាន​ឲ្យ​ដឹង​ទៀតថា នៅ​មុនពេល​កើតហេតុ ជនរងគ្រោះ​ឈ្មោះ ទឹម សុខ​ឃៀង បាន​យក​សម្ភារៈ យកមក​ដាក់​ក្នុង​យក​ថង់​ក្រណាត់​ពណ៌​ក្រហម​រួច​ចាក់សោរ​ផ្ទះ​ចូលទៅ​សម្រាក​បាត់​។ លុះដល់​ម៉ោង​កើតហេតុ​ខាងលើ ក៏​ភ្ញាក់ឡើង​ឃើញ​ទ្វា​ចំហ ឃើញ​ដូច​នោះ​ខ្លួន​ក៏​រត់​មក​មើល​សម្ភារៈ​និង​កាបូប ដែល​ដាក់​ក្នុង​ថង់​ក្រណាត់​តែ​រក​មិនឃើញ បន្ទាប់មក​ជនរងគ្រោះ​ជនរងគ្រោះ​ក៏បាន​ដើររក​តែ​រក​មិនឃើញ​ទៀត ទើប​ជនរងគ្រោះ​ដឹងថា ត្រូវបាន​ចោរលួច ក៏​សុំ​អន្តរាគមន៍​ពី​កម្លាំង​ប៉ុស្តិ៍នគរបាល​រដ្ឋបាល​ព្រែក​ព្នៅ និង​ឈានដល់​ការឃាត់ខ្លួន​ជនសង្ស័យ​ចំនួន​៣​នាក់ តែម្ដង​។​

​បច្ចុប្បន្ន​ជនសង្ស័យ ត្រូវបាន​បញ្ជូន​អធិការដ្ឋាន​នគរបាល​ខណ្ឌ​ព្រែក​ព្នៅ ដើម្បី​កសាង​សំណុំរឿង​បញ្ជូនទៅ​សាលាដំបូង​រាជធានី​ភ្នំពេញ ចាត់ការ​តាមច្បាប់​៕

ទីតាំងផ្សាយពាណិជ្ជកម្ម

- Advertisment -

Most Popular