Home ព័ត៌មានជាតិ សន្តិសុខ រន្ធត់​ណាស់​!...

រន្ធត់​ណាស់​! រថយន្ត​ដឹក​ស៊ីម៉ង់ត៍​បុក​ម៉ូតូ​ពីក្រោយ​ពេញទំហឹង​បណ្តាល​ឲ្យ​ស្លាប់​ស្ត្រី​២​នាក់​

ដោយ​: សម្បត្តិ / ភ្នំពេញ​: ពិតជា​រន្ធត់​មែន ស្ត្រី​២​នាក់​មីង​ក្មួយ បាន​ស្លាប់​ក្នុង​មួយ​ពព្រិច​ភ្នែក ខណៈដែល​កំពុង​ជិះ​ម៉ូតូឌុប​គ្នា ស្រាប់​តែមាន​រថយន្ត​ហ៊ីយ៉ាន់ដាយ​ដឹក​ស៊ីម៉ង់ត៍​មួយគ្រឿង បើកបរ​ក្នុង​ល្បឿន​លឿន​មក​បុក​និង​កិន​ពីក្រោយ នា​វេលា​ម៉ោង​១០​និង​៣០​នាទី​ព្រឹក​ថ្ងៃទី​២៣ ខែវិច្ឆិកា ឆ្នាំ​២០២០ នៅតាម​ផ្លូវជាតិ​លេខ​៣ មុខ​សួន​វឌ្ឍនៈ​២ ភូមិ​ទឹកថ្លា សង្កាត់​ក្រាំង​ពង្រ ខណ្ឌដង្កោ​។​

​រថយន្ត​បង្ក​ព្យាយាម​បើក​រត់ តែ​ត្រូវបាន​កម្លាំង​សមត្ថកិច្ច​ខណ្ឌដង្កោ ដេញតាម​ឃាត់ខ្លួន​បាន​ទាំង​អ្នកបើកបរ​និង​ព្រូឡាន និង​យកទៅ​ប៉ុស្តិ៍​ជា​បណ្តោះអាសន្ន​។​

​ជនរងគ្រោះ​អ្នកបើកបរ​ឈ្មោះ ធន់ ស្រី​ពេជ្រ អាយុ​១៧​ឆ្នាំ និង​ឈ្មោះ ម៉ក់ វណ្ណា អាយុ​៥៨​ឆ្នាំ មុខរបរ​លក់​ទូរស័ព្ទ​។ ជនរងគ្រោះ​ត្រូវជា​មីង​និង​ក្មួយ រស់នៅ​ក្នុងភូមិ​ទឹកថ្លា សង្កាត់​ក្រាំង​ពង្រ ខណ្ឌដង្កោ ជិះ​ម៉ូតូ​ម៉ាក​Beat ពណ៌​ខ្មៅ ពាក់​ស្លាក​លេខ​ភ្នំពេញ 1GS 5185 ចំណែក​រថយន្ត​ម៉ាក​ហ៊ីយ៉ាន់ដាយ ដឹក​ស៊ីម៉ង់ត៍ ពណ៌​ស ពាក់​ស្លាក​លេខ តាកែវ 3A 1246៕​

ទីតាំងផ្សាយពាណិជ្ជកម្ម

- Advertisment -

Most Popular