Home ព័ត៌មានជាតិ សន្តិសុខ រថយន្ត​ធុន​ធំ...

រថយន្ត​ធុន​ធំ​ដឹកស្រូវ​បុក​រថយន្ត​១​បាំង​កន្លះ​នៅ​ម្តុំ​មុខ​រោងការ​នៅ​ស្រុក​ស្ទោង​

ដោយ​: ភ្នំ​ស្វាយ / កំពង់ធំ​: រថយន្ត​ធុន​ធំ​ដឹកស្រូវ​បុក​រថយន្ត​១​បាំង​កន្លះ​នៅ​ម្តុំ​មុខ​រោងការ​ដែលមាន​មនុស្ស​អ៊ូរ​អរ​កាលពី​ម៉ោង ៥​និង​៣០​នាទី នាទី​ល្ងាច​ថ្ងៃទី​២២ ខែវិច្ឆិកា ឆ្នាំ​២០២០ នៅលើ​កំណាត់​ផ្លូវជាតិ​លេខ 6A ស្ថិតនៅ​ចំណុច​ភូមិ​អំពិល ឃុំ​សំព្រោជ ស្រុក​ស្ទោង​ខេត្តកំពង់ធំ។

​ប្រភព​ព័​ត័​មានបាន​ឲ្យ​ដឹងថា​៖ រថយន្ត​យី​ឌុប​ដឹកស្រូវ​ពេញ​នោះ​ម៉ាក​ហ៊ី​យាន់​ដាយ​(Hyundai ) កំពង់ចាម 3A 8908 បើកបរ​ពី​លិចទៅ​កើត​ក្នុង​ទិស​ស្របគ្នា បាន​បុក​ពារ​រះ ហើយ​កៀប​រថយន្ដ​ម៉ាក​ម៉ាស​(Mazda) ពណ៌​ស ពាក់​ស្លាក​លេខ​ភ្នំពេញ 2BB 0043​។​

​ប្រភព​បន្តថា​៖ មូលហេតុ នៃ​គ្រោះថ្នាក់ មកពី​អ្នកបើកបរ​រថយន្ត​យី​ឌុប​ដឹកស្រូវ​បើកបរ​ក្នុង​ល្បឿន​លឿន ហើយ​មិន​យោគ​យោល់​ដល់​ឧបសគ្គ​ខាងមុខ ដែល​កំពុងមាន​រោង​និង​ភ្ញៀវ​អ៊ូរ​អរ​នៃ​កម្មវិធី​មង្គលការ ហើយក៏ មាន ប្រជា​ការពារ​បានធ្វើ​សញ្ញា​បញ្ជារ​អោយ បន្ថយល្បឿន​នៅ​ទី​ចង្អៀត តែ​មិន​ព្រមស្តាប់​និង​អនុវត្តតាម​។​

​ហេតុនេះហើយ ទើប​បង្ក​អោយ​រថយន្ត​ធំ​ទៅបុក​រថយន្ត​ភី​ក​អាប់​ម៉ាក​ម៉ា​ស្ដា​នាំអោយ​រង​ការខូចខាត​ធ្ងន់​មួយ​ចំហៀង​៕​

ទីតាំងផ្សាយពាណិជ្ជកម្ម

- Advertisment -



Most Popular