Home ព័ត៌មានអន្តរជាតិ បាញ់សម្លាប់​ស...

បាញ់សម្លាប់​សមាជិសភា​ជាប់ឆ្នោត​មកពី​គណបក្ស​កាន់​អំណាច​មី​យ៉ាន់​ម៉ា ក្រោយ​ការបោះឆ្នោត​មាន​បញ្ហា​

​ប្រែ​សម្រួល : កញ្ញា​ដា​លី​ស​/​យ៉ាំងហ្គោន ៖ សមាជិក​សភា​ជាប់ឆ្នោត​ថ្មី​ម្នាក់​មក​ពី​គណបក្សកាន់អំណាច​មី​យ៉ាន់​ម៉ា​ត្រូវបាន​បាញ់សម្លាប់​ដោយ​ខ្មាន់កាំភ្លើង​មិន​ស្គាល់​អត្តសញ្ញាណ​មួយ​រូប​នៅ​រដ្ឋ​សាន​ភាគ​ខាងជើង​ប្រទេស ហើយ​គណបក្ស​កាលពី​ថ្ងៃអាទិត្យ (២២ វិច្ឆិកា​) បាន​ជំរុញ​ឱ្យ​មាន​ការស៊ើបអង្កេត​មួយ​យ៉ាង​រហ័ស និង​ថ្កោលទោស​អំពើហិង្សា​នយោបាយ​បន្ទាប់ពី​ការបោះឆ្នោត​នៅ​ខែ​នេះ​។​

​អ្នកនាំពាក្យ​គណបក្ស​លោក មេ​យ៉ូ នី​អាន់ និយាយថា លោក ធី​កេ ស ត្រូវបាន​បាញ់សម្លាប់​នៅ​ហាង​មួយ ដែល​គាត់​បើក​នៅផ្ទះ​របស់​គាត់​នៅ​ទីក្រុង​ខាយ​យ៉ាក់​មី​កាលពី​ថ្ងៃ​សៅរ៍​។​

​បុរស​ដែល​ស្លាប់​នេះ​បាន​ឈ្នះ​អាសនៈ​មួយ​នៅក្នុង​ការបោះឆ្នោត​ទូទៅ​ថ្ងៃទី ៨ ខែវិច្ឆិកា ដែល​បាន​នាំមក​នូវ​ជ័យជម្នះ​ភ្លូកទឹកភ្លូកដី​ដល់​គណ​បក្សសម្ព័ន្ធ​ជាតិ​ដើម្បី​លទ្ធិប្រជាធិបតេយ្យ (NLD) ។​

​លោក មេ​យ៉ូ នី​អាន់​បាន​ប្រាប់​ទីភ្នាក់ងារ​សារព័ត៌មាន​រ៉​យ​ទ័រតាម​ទូរស័ព្ទថា “​គាត់​បាន​ចេញ​ទៅ​ខាងក្រៅ​ហាង​ដើម្បី​លក់ទំនិញ នៅពេល​អតិថិជន​មកដល់ ហើយ​អតិថិជន​នោះ​បាន​បាញ់​គាត់​”​។ ​លោក​បាន​បន្ថែមថា គណបក្ស​បាន​ស្នើសុំ​ឱ្យ​អាជ្ញាធរ​ស៊ើបអង្កេត​ឱ្យបាន​ឆាប់​តាម​ដែល​អាច​ធ្វើទៅបាន​។​

​លោក​និយាយថា “​យើង​សូម​ថ្កោលទោស​អំពើហិង្សា​ជា​ពិសេស​អំពើ​ហិង្សា​ដែល​ទាក់ទង​នឹង​នយោបាយ ដែល​អាក្រក់​សម្រាប់​អនាគត​”​។​

​ការបាញ់​សម្លាប់​នេះ​កើត​ឡើង​ក្រោយ​ការបោះឆ្នោត​ដែល​គណបក្ស​របស់​កាន់​អំណាច​របស់​លោកស្រី អ៊ុង​សាន ស៊ូ​ជី ឈ្នះ​បាន​សម្លេង​ភាគច្រើន​គ្រប់គ្រាន់​ដើម្បី​បង្កើត​រដ្ឋាភិបាល តែ​គណបក្ស​ប្រឆាំង​ដែល​​និយម​យោធា បាន​ប្រឆាំង​នឹង​លទ្ធផល​ឆ្នោត​៕

​ពួក​អ្នកគាំទ្រ​គណបក្ស​ប្រឆាំង​ដែល​មាន​យោធា​ជា​ខ្នងបង្អែក តវ៉ា​លទ្ធផល​ឆ្នោត​នៅ​ទីក្រុង​ណៃ​ពិដោ​កាលពី​ថ្ងៃទី​១១​វិច្ឆិកា​កន្លងទៅ​

ទីតាំងផ្សាយពាណិជ្ជកម្ម

- Advertisment -

Most Popular