Home ព័ត៌មានជាតិ សេដ្ឋកិច្ច ​ផ្លូវ​ក្រាល​...

​ផ្លូវ​ក្រាល​ក្រួស​ក្រហម មួយកន្លែង កំពុង​រង​ការ​ប្រះ ត្រូវបាន​អាជ្ញាធរ ជួសជុល​ឡើងវិញ​

​ដោយៈ ទេ​ពក​ង្រី / កំពង់ឆ្នាំងៈ ផ្លូវលំ​ក្រាល​ក្រួស​ក្រហម មួយ​ខ្សែ ស្ថិតនៅតាម​មាត់ទន្លេ ប្រវែង ៥០ ទៅ ៦០ ម៉ែត្រ ដែល​បាន​ជួយ​សម្រួល ដល់​ការធ្វើដំណើរ របស់​ប្រជាពលរដ្ឋ ទៅមក ត្រូវបាន​រង​ផលប៉ះពាល់ នៅពេល​ទឹកជំនន់ កន្លងមក បណ្តាល​ធ្វើអោយ​ប្រេះ ដោយ​កន្លែង​។ អាជ្ញាធរ​ស្រុក ឃុំ បានប្រកាស​ផ្អាក ការធ្វើដំណើរ​ជា​បណ្តោះអាសន្ន ដើម្បី​រង់ចាំ​ការជួសជុល ស្តារឡើងវិញ ដោយសារ​អាជ្ញាធរ បារម្ភ​អំពី​គ្រោះថ្នាក់​ណាមួយ កើតឡើង​ជាយថាហេតុ​។​

​ផ្លូវ​មួយ​ខ្សែ​នេះ ដែលមាន​ប្រវែង​ពី ៥០ ទៅ ៦០ ម៉ែត្រ​នេះ នៅតាម​បណ្ដោយ​មាត់ទន្លេ នៃ​ភូមិ​កំពង់ត្រឡាច​ក្រោម ស្រុក​កំពង់ត្រឡាច ខេត្តកំពង់ឆ្នាំង ហើយ​កន្លងមក ត្រូវបាន​អាជ្ញាធរ​ឃុំ​កំពង់ត្រាច ធ្វើការ​ស្ថាបនា នៅក្នុង​ឆ្នាំ ២០១៨ ដោយមាន​ការចូលរួម​ពី​សហគមន៍ និង​ប្រជាពលរដ្ឋ ស្ថាបនា​ផ្លូវ​មួយ​នេះ សម្រាប់​ចរាចរណ៍ ទៅមក​បាន​ស្រួល និង​ឆាប់រហ័ស ហើយ​ផ្លូវ​មួយ​នេះ បាន​ត​ភ្ជាប់​ទៅ​ស្រុក​ពញាឮ ខេត្តកណ្ដាល តាម​បណ្ដោយ​មាត់ទន្លេ នៅពេល​ផ្លូវ​មួយ​នេះ ពី​ដើម មានការ​លំបាក យ៉ាងខ្លាំង ។​

​ប្រជាពលរដ្ឋ​ដែល​រស់​នៅតាម បណ្ដោយ​ផ្លូវ​ខាងលើនេះ បាន​ប្រាប់​ឲ្យ​ដឹងថាៈ ផ្លូវ​មួយ​នេះ ពី​ដើម ពិបាកធ្វើ​ដំណើរ​ណាស់ ដោយមាន​ការ​ចលនា​ពី អាជ្ញាធរ​ឃុំ​កំពង់​ឡា​ច សហគមន៍​ប្រជាពលរដ្ឋ បានរួម​គ្នា​ចាក់ដី​បំពេញ ដោយបាន​ធ្វើដំណើរ​ទៅមក បាន​ស្រួល​រហូតមក ។ តែ​មកដល់ពេលនេះ ផ្លូវ​មួយ​កំណាត់​នេះ បាន​រង​ការ​ប្រេះ ដោយសារតែ​ទឹកជំនន់ កន្លងមក ហើយ​ឥឡូវ ត្រូវបាន​អាជ្ញាធរខេត្ត ស្រុក ឃុំ ផ្អាក​ការធ្វើដំណើរ​ទៅមក ជា​បណ្ដោះអាសន្ន រង់ចាំ​ការជួសជុល​ជាថ្មី ទើប​ឲ្យ​ដំណើរការ​ឡើងវិញ ដោយសារ​អាជ្ញាធរ បារម្ភ​អំពី​គ្រោះថ្នាក់​ណាមួយ កើតឡើង​ជាយថាហេតុ​។​

​លោក អាំ សុគន្ធ អភិបាលរង ស្រុក​កំពង់ត្រឡាច បានអោយដឹង តាម​ទូរស័ព្ទ​នៅ​រសៀល ថ្ងៃទី​២៣ ខែវិច្ឆិកា ឆ្នាំ​២០២០​ថាៈ ផ្លូវ​មួយ​កំណាត់​នេះ ពិតជា​ត្រូវបាន​រង​ការ​ប្រេះ ដែលជា​ក្តីបារម្ភ របស់​អាជ្ញាធរ​មូលដ្ឋាន ក្នុងការ​ធ្វើដំណើរ​ទៅមក របស់​ប្រជាពលរដ្ឋ នៅក្នុង​តំបន់​នេះ​។​

​លោក​អភិបាលរង ស្រុក​កំពង់ត្រឡាច បាន​ឲ្យ​ដឹង​ទៀតថាៈ មួយរយៈ​ពេលកន្លងមក​នេះ មានការ​ស្ថាបនា​ផ្លូវជាតិ​លេខ​៥ ដែល​ពិបាក​ក្នុងការ​ធ្វើដំណើរ​ទៅមក ទើប​គេ​នាំគ្នា​បើករថយន្ត បើក​វាង​មក​តាមផ្លូវ​នេះ​វិញ ដោយ​ឆ្លងទៅ​ស្រុក​ពញាឮ ខេត្តកណ្ដាល ដែល​ធ្វើអោយ​ចំណេញ​ពេលវេលា ក្នុងការ​ធ្វើដំណើរ​ផងដែរ​។​

​ហើយ​អ្វីដែល​ធ្វើ​ឲ្យ​ផ្លូវ​មួយ​នេះ រង​ការ​ប្រេះ ដែល​ការស្ថាបនា នៅពេលនោះ ដោយ​គ្រាន់តែ​ធ្វើយ៉ាងណា ឱ្យបាន​ធ្វើដំណើរ​ទៅមក ធម្មតា​តែប៉ុណ្ណោះ ដោយសារ​ការធ្វើដំណើរ​ឆ្លងកាត់​ទៅមក រថយន្ត​គ្រប់​ប្រភេទ ទើប​ផ្លូវ​មួយ​នេះ រង​ការខូចខាត ដែល​ប្រញាប់​ឲ្យ​អាជ្ញាធរ ធ្វើ​ការបិទ​ការធ្វើដំណើរ ជា​បណ្ដោះអាសន្ន ព្រោះតែ​ខ្លាច​មាន​បញ្ហា​គ្រោះថ្នាក់​ណាមួយ កើតឡើង​ជាយថាហេតុ​។​

​លោក អាំ​សុគន្ធ បានបញ្ជាក់​ថាៈ នៅ​ល្ងាច​នេះ ខាង​អាជ្ញាធ​ស្រុក ឃុំ នឹង​ជួប​ពិភាក្សាគ្នា ជាមួយនឹង​មន្ទីរ​សាធារណការ និង​ដឹកជញ្ជូន ខេត្តកំពង់ឆ្នាំង​ថា តើ​ត្រូវ​ផ្អាក​ចរាចរណ៍ ដើម្បី​ជួសជុល កែលម្អ​ឡើងវិញ ឬ​ត្រូវ​បើក​ឲ្យ​ចរាចរណ៍​ទៅមក ហើយ​ជា​លទ្ធផល​យ៉ាងណាៗ​នោះ យើង​រង់ចាំ​ជួបពិភាក្សា​គ្នា ជាមួយ​ខាង​មន្ទីរ​សាធារណការ និង​ដឹកជញ្ជូន​ខេត្ត​សិន ៕/V​

ទីតាំងផ្សាយពាណិជ្ជកម្ម

- Advertisment -



Most Popular