Home ព័ត៌មានអន្តរជាតិ ចលាចល​ពេញ​អាក...

ចលាចល​ពេញ​អាកាសយានដ្ឋាន​សៀង​ហៃ ខណៈ​មនុស្ស​ជាង​មួយ​ម៉ឺន​នាក់​ត្រូវ​បង្ខំ​ឱ្យធ្វើ​ចត្តា​ឡី​ស័ក​គ្រាន់តែរកឃើញ​កូ​វីដ​១៩ពីរករណី

​ប្រែ​សម្រួល : កញ្ញា​ដា​លី​ស​/​សៀង​ហៃ ៖ ចិន​បាន​បង្ខំ​ឱ្យ​មនុស្ស​រាប់ពាន់​នាក់​ធ្វើ​ចត្តា​ឡីស័​ក​ជា​បន្ទាន់​នៅ​ឯ​អាកាសយា​ន​ដ្ឋា​ន​ពូ​ទុង​ក្នុង​ទីក្រុង​សៀង​ហៃ​ខណៈ​បុគ្គលិក​ពេទ្យ​ក្នុង​ឈុត​ការពារ​មេរោគ​បាន​បង្ខំ​​ឱ្យ​មនុស្ស​ខឹងសម្បា​រាប់សិប​ពាន់​នាក់​ចូល​ទៅ​តំបន់​ចត​ឡាន​សម្រាប់​ការ​ធ្វើតេស្តិ៍​ទ្រង់ទ្រាយ​ធំ​។​

​អ្នកប្រើប្រាស់​បណ្តាញ​សង្គម Twitter ម្នាក់ ដែល​ជា​សិល្បករ​ខាង​នយោបាយ លោក បា​ឌី​វ​កៅ បាន​និយាយថា “​មាន​សេចក្តីរាយការណ៍​ថា​បន្ទាប់​ពី​ករណី​វិជ្ជមាន​ចំនួន ២​ត្រូវបាន​រកឃើញ​នៅក្នុង​​អាកាសយានដ្ឋាន​សៀង​ហៃ​ពូ​ទុង មនុស្ស​ប្រហែល​ជា ១៤.០០០ នាក់​ត្រូវបាន​បង្ខំ​ឱ្យធ្វើ​ចត្តា​ឡី​ស័ក​”​។ ​អាជ្ញាធរ​បាន​ចាប់ផ្តើម​ធ្វើតេស្តិ៍​រក​វីរុស​កូរ៉ូណា​ជា​កំហិត​សម្រាប់​អ្នកដំ​ណើ​រដែល​មក​ដល់​អាកាសយានដ្ឋាន​សៀង​ហៃ​ពូ​ទុង​នៅថ្ងៃនេះ (​ថ្ងៃ​សុក្រ​ទី​២០​វិច្ឆិកា​)​ជាមួយនឹង​រូបភាព​វីដេអូ​មួយ​ត្រូវ​បាន​បញ្ចេញ​​ដើម្បី​បង្ហាញ​ហ្វូង​មនុស្ស​ត្រូវ​គេ​រុញ​ចូល​ក្នុង​តំបន់​ធ្វើតេស្ត​។​

​អ្នកប្រើប្រាស់​បណ្តាញ​សង្គម Twitter ម្នាក់​ទៀត​បាន​និយាយថា “​អាកាសយានដ្ឋាន​អន្តរជាតិ​សៀង​ហៃ​ពូ​ទុង​។​ការប្រកាស​ភ្លាមៗ​អំពី​ការ​ធ្វើតេស្តិ៍​និង​ការទប់ស្កាត់​កូវី​ដ​ទ្រង់ទ្រាយ​ធំ​។​បរិយាកាស​កំពុង​​ក្តៅគគុក​។ ទោះ​យ៉ាងណា​មាន​ពាក្យ​ចចាមអារ៉ាម​ថា ពួកគេ​បាន​លុបចោល​ការ​ធ្វើ​តេស្ត​ទ្រង់ទ្រាយ​ធំ​ជា​ចាំបាច់ ដោយសារ​ខ្លាច​ភាពវឹកវរ​”​។​

​ដោយសារ​តែ​បុគ្គលិក​អាកាសយានដ្ឋាន​មួយចំនួន​បាន​ធ្វើតេស្តិ៍​វិជ្ជមាន មនុស្ស​ជាច្រើន​មិន​ត្រូវបាន​អនុញ្ញាត​ឱ្យ​ចាកចេញ​ពី​អគារ​ទេ ហើយ​តំបន់​ធ្វើ​ចត្តា​ឡីស័​ក​ត្រូវ​បាន​លៃលក​ទុក​ជា​ស្រេច​។​

​ដំណឹង​នេះ​កើត​ឡើង​បន្ទាប់ពី​បុគ្គលិក​ម្នាក់​មក​ពី​ស្ថានីយ​ដឹក​ទំនិញ​បាន​ធ្វើតេស្តិ៍​វិជ្ជមាន​កូវី​ដ​១៩​។​

​ពលរដ្ឋ​ម្នាក់​នៅ​ក្រុង​សៀង​ហៃ​សរសេ​រលើ Twitter ថា “​បន្ទាប់​ពី​អាកាសយានដ្ឋាន​ពូ​ទុង ស្ថានីយ​រថភ្លើង​សៀង​ហៃ​ខាងត្បូង​ឥឡូវ​នេះ​ក៏​ចាប់ផ្តើម​បិទ​ដែរ​។ តើ​ទីក្រុង​សៀង​ហៃ​ទាំងមូល​នឹង​ត្រូវ​បិទ​?”៕

​មនុស្ស​ប្រហែល ១៤.០០០ នាក់​ត្រូវ​បង្ខំ​ធ្វើតេស្តិ៍​រក​កូវី​ដ​១៩​និង​ធ្វើ​ចត្តា​ឡីស័​ក​ជាបន្ទាន់​នៅ​អាកាសយានដ្ឋាន​សៀង​ហៃ​ពូ​ទុង​កាលពី​ថ្ងៃ​សុក្រ

ទីតាំងផ្សាយពាណិជ្ជកម្ម

- Advertisment -

Most Popular