Home ព័ត៌មានជាតិ សន្តិសុខ ​យុវជន​ម្នាក់...

​យុវជន​ម្នាក់ ជា​តៃកុង​រថយន្ត​អា​ប៊ុល​កាយ​ដី បានធ្វើ​អត្តឃាត ដោយ​ចងក​

ដោយ​: ស​រិ​ទ្ធ / ភ្នំពេញ​: យុវជន​ម្នាក់ ជា​តៃកុង​រថយន្ត អា​ប៊ុល​កាយ​ដី បានធ្វើ​អត្តឃាត ដោយ​ចងក នៅក្នុង​សំណង់​ការដ្ឋាន ផ្ទះល្វែង​មួយកន្លែង កាលពី​ម៉ោង ៦​និង ៣០ នាទី ព្រឹក​ថ្ងៃទី ២៣ ខែវិច្ឆិកា​ឆ្នាំ ២០២០ នៅ​ភូមិ​កណ្ដាល សង្កាត់​ព្រែក​ព្នៅ ខណ្ឌ​ព្រែក​ព្នៅ។​

​អត្តឃាត​ជន ឈ្មោះ លីម សុ​ភ័​ក្ក្រ អាយុ​ជាង ២០ ឆ្នាំ មុខរបរ បើក​អា​ប៊ុល​កាយ​ដី មាន​ស្រុកកំណើត នៅ​ភូមិ​មហាលាភ ស្រុក​កោះ​សុទិន ខេត្តកំពង់ចាម​។​

​មិត្តភក្តិ​របស់​អត្តឃាត​ជន បានបញ្ជាក់​ថាៈ យុវជន​នេះ ទើបតែ​មក​ធ្វើការ​បាន កន្លះ​ខែ​ទេ ហើយ​កាលពី​យប់មិញ គាត់ និង​យុវជន​នេះ បាន​ហូបបាយ និង​ជជែក​គ្នា​លេង​ធម្មតា ហើយក៏​ចូល​សម្រាក រៀងៗ​ខ្លួន​។ លុះដល់​ព្រឹក​ឡើង ប្រហែលជា​ម៉ោង ៦​និង ៣០​នាទី​ព្រឹក ស្រាប់តែ​គាត់ បាន​បើកទ្វារ ទៅ​ឃើញ​យុវជន​នោះ ចង ក នៅលើផ្ទះ​បុរី ដែល​គេ​ធ្វើ​ចោល មួយកន្លែង បង្កឱ្យមាន​ការភ្ញាក់ផ្អើល ហើយ​គាត់ ក៏បាន​ទៅប្រាប់​សមត្ថកិច្ច ឲ្យ​ចុះមក​អន្តរាគមន៍ ភ្លាមៗ​។​

ក្រោយពេល​កើតហេតុ សមត្ថកិច្ច​មូលដ្ឋាន ចុះមក​ដល់ រួច​ក៏​ទំនាក់ទំនង ទៅខាង​នគរបាល​ជំនាញ ពិនិត្យ និង​ធ្វើ​កោសល្យវិច័យ ។ សមត្ថកិច្ច​ជំនាញ បានបញ្ជាក់​ថាៈ យុវជន​នេះ បាន​ស្លាប់ ដោយសារតែ​ចង ក ពិតមែន រួច​ក៏បាន​ធ្វើ​កំណត់ហេតុ ប្រគល់​សព​ឲ្យ​ក្រុមគ្រួសារ យកទៅ​ធ្វើបុណ្យ​៕/V

ទីតាំងផ្សាយពាណិជ្ជកម្ម

- Advertisment -

Most Popular