Home ព័ត៌មានជាតិ សង្គម ​អភិបាលខណ្ឌ​ស...

​អភិបាលខណ្ឌ​សែន​សុខ បាន​ជូន​ថវិកា ដល់​គ្រួសារ​សព ដែល​រងគ្រោះ​អគ្គិភ័យ​

​ដោយៈ អង្គា​រ៍​ហេង / ភ្នំពេញៈ លោក ម៉ូ​វ ម៉ានិត អភិបាលខណ្ឌ​សែន​សុខ បាន​ជូន​ថវិកា​មួយចំនួន ដល់​គ្រួសារ​សព ក្នុង​ហេតុការណ៍ គ្រោះ​អគ្គិភ័យ កាលពី​យប់​ថ្ងៃទី​២៣ ខែវិច្ឆិកា ឆ្នាំ​២០២០ នៅ​ចំណុច​បន្ទប់​ជួល ខាងក្រោយ​មន្ទីរពេទ្យ​រ៉ូយ៉ាល់ ភូមិ​ផ្សារ​ទឹកថ្លា សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ ។​

​គ្រោះ​អគ្គិភ័យ​នេះ បណ្តាលអោយ​យុវជន​ម្នាក់ ឈ្មោះ ព្រេង ខា អាយុ ២១​ឆ្នាំ បាន​បាត់​បង់ជីវិត ក្នុង​អណ្តាតភ្លើង ក្នុង​បន្ទប់​ជួល យ៉ាង​អាណោច​អធម ចំណែក​យុវជន​ម្នាក់ទៀត ឈ្មោះ ព្រេង ឃី​ង អាយុ ២០​ឆ្នាំ បាន​រងរបួស​ស្រាល ។ យុវជន​រងគ្រោះ​ទាំង ២​នាក់ ត្រូវជា​បងប្អូន​បង្កើត មាន​មុខរបរ ជាជាង​បុកគ្រឹះ ដូចគ្នា និង​មាន​ស្រុកកំណើត នៅ​ភូមិប្រាំយ៉ាម ឃុំប្រាំយ៉ាម ស្រុកស្រីសន្ធរ ខេត្តកំពង់ចាម ហើយ​ទើបតែ​មក​ស្នាក់នៅ បន្ទប់​ជួល​នេះ បាន ២ ថ្ងៃ​ប៉ុណ្ណោះ​។​

​សមត្ថកិច្ច បាន​សន្និដ្ឋានថា អគ្គិភ័យ​នេះ បណ្តាលមកពី​ការផ្ទុះ​ហ្គាស ដែល​កំពុង​ចំអិនម្ហូប ហើយ​ឆាបឆេះ​ម៉ូតូ មួយគ្រឿង នៅក្បែរនោះ បណ្តាលអោយ​ជនរងគ្រោះ រត់​មិនទាន់ ក៏​ឆាបឆេះ​ដួល​ស្លាប់ នៅក្នុង​បន្ទប់​តែម្តង​។​

​ភា្ល​មៗ​នោះដែរ ក៏មាន​វត្តមាន​លោក ម៉ូ​វ ម៉ានិត អភិបាលខណ្ឌ​សែន​សុខ និង​សមត្ថកិច្ច ចុះ​អន្តរា​គម​ន៌ ដោយ​ដាក់​រថយន្ត បាញ់​ពន្លត់​អគ្គិភ័យ ប៉ុន្តែ​មិនបាន​បាញ់​ទឹក​នោះទេ នៅពេល​រថយន្ត មកដល់ បាន​រលត់​ទាំងស្រុង ។ សមត្ថកិច្ច​ជំនាញ បានធ្វើ​កោសល្យវិច័យ​សព មុននឹង​ប្រគល់ជូន​គ្រួសារ​សព យក​ធ្វើបុណ្យ​តាម​ប្រពៃណី ។​

​ជាមួយគ្នានេះ ដោយ​មានការ​អាណិត និង​ចូលរួម​រំលែក​ទុក្ខ ដ៏​ក្រៀមក្រំ ដល់​ក្រុមគ្រួសារ​សព លោក ម៉ូ​វ ម៉ានិត អភិបាលខណ្ឌ បាន​ជូន​ថវិកា​មួយចំនួន ដល់​ក្រុមគ្រួសារ​សព ដើម្បី​ដោះស្រាយ​បញ្ហា ចំពោះ​មុខជា​បណ្តោះអាសន្ន ៕/V​

ទីតាំងផ្សាយពាណិជ្ជកម្ម

- Advertisment -

Most Popular