Home ព័ត៌មានជាតិ សង្គម ​អាវុធហត្ថ​រា...

​អាវុធហត្ថ​រាជធានី ស្ម័គ្រចិត្ត​បរិច្ចាគ​ឈាម ជួយ​ដល់​កុមារា​ម្នាក់ មាន​ជំងឺ​ឈាមរាវ​

​ដោយៈ រ៉ា​ម៉ន / ភ្នំពេញៈ កាលពី​រសៀល ថ្ងៃទី​២៣ ខែវិច្ឆិកា ឆ្នាំ​២០២០ ក្រោយពី​ទទួលបាន​ព័ត៌មាន​ថា កុមារា យី សេង​ឡុង មាន​អាយុ​១៤​ឆ្នាំ ដែលមាន​ជំងឺ​ហេ​ម៉ូ​ហ្វី​លា ឬ ជំងឺ​ឈាម ក្រ កក ឬ ឈាមរាវ កំពុង​សម្រាក​ព្យាបាល នៅ​មន្ទីរពេទ្យ​កុមារ​ជាតិ ត្រូវការ​អ្នកស្ម័គ្រចិត្ត បរិច្ចាគ​ឈាម ជួយ​ដល់​ប្អូនប្រុស​នោះ លោក​ឧត្ដមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថ លើ​ផ្ទៃ​ប្រទេស និង​ជា​មេបញ្ជាការ កងរាជអាវុធហត្ថ រាជធានី​ភ្នំពេញ បាន​ចាត់​ឲ្យ​ក្រុមការងារ កងរាជអាវុធហត្ថ រាជធានី​ភ្នំពេញ ចំនួន ៣ នាក់ ទៅ​ចូលរួម​បរិច្ចាគ​ឈាម ជួយ​ដល់​កុមារា​ម្នាក់​នោះ​។​

​ក្នុងនោះដែរ លោក​ឧត្ដមសេនីយ៍ រ័ត្ន ស្រ៊ាង បាន​សូម​កោតសរសើរ ដល់​មន្ទីរពេទ្យ​កុមារ​ជាតិ ដែល​បាន​មើលថែ​កុមារា​ម្នាក់​នោះ ក្នុង​រយៈពេល​កន្លងមក ដោយ​ទទួល​ព្យាបាល មិន​គិត​ប្រាក់ និង​យកចិត្តទុកដាក់ ព្យាបាល​បន្ត​ទៅមុខទៀត​។ ជាមួយគ្នា​នោះ លោក​ក៏បាន​ឲ្យ​ក្រុមការងារ នាំយក​នូវ​អំណោយ​ឧបត្ថម្ភ ចំនួន ១ លាន​រៀល ភេសជ្ជៈ​៣​កេស ចាហួយ​១​កេស ដើម្បី​សួរសុខទុក្ខ​កុមារា​នោះ ផងដែរ​៕/V​

ទីតាំងផ្សាយពាណិជ្ជកម្ម

- Advertisment -

Most Popular