Home ព័ត៌មានអន្តរជាតិ សហភាព​អឺរ៉ុប​...

សហភាព​អឺរ៉ុប​នឹង​អញ្ជើញ​លោកបៃ​ដិន​មក​ជួសជុល​ទំនាក់ទំនង​ឆ្លង​សមុទ្រអាត្ល​ង់​ទិក​

​ប្រែ​សម្រួល : កញ្ញា​ដា​លី​ស​/​ព្រុច​សែ​ល ៖ ប្រធាន​សហភាព​អឺរ៉ុប​លោក ឆា​ល មី​សែ​ល នឹង​អញ្ជើញ​លោក ចូ បៃ​ដិ​ននៅពេលណា​ដែល​លោក​ក្លាយ​ជា​ប្រធានាធិបតី​អាម៉េរិក មក​ធ្វើ​ទស្សនកិច្ច​និង​ជួ​ស​​ជុល​ទំនាក់ទំនង​ឆ្លង​សមុទ្រ​អា​ត្លង់​ទិក ដែល​រង​ការខូចខាត​ក្នុង​រយៈពេល​បួន​ឆ្នាំ​កន្លង​មក​ក្រោម​ការដឹក​នាំ​របស់​ប្រធានាធិបតី​ដូណាល់ ត្រាំ​។​

​បន្ទាប់​ពី​សន្ទនា​តាម​ទូរស័ព្ទ​ជាមួយ​ប្រធានាធិបតី​ជាប់ឆ្នោត លោក​មី​សែ​ល​បាន​និយាយ​នៅក្នុង​សេចក្តីថ្លែងការណ៍​មួយ​កាលពី​ថ្ងៃ​ចន្ទ​ទី​២៣​វិច្ឆិកា​ថា “​នេះ​គឺជា​ពេលវេលា​ដើម្បី​ចូលរួម​កម្លាំង​គ្នា​។​នៅក្នុង​​ពិភពលោក​មួយ​ដែល​មាន​ការផ្លាស់ប្តូរ ភាព​ជា​ដៃគូ​របស់​យើង​នឹង​មាន​សារៈសំខាន់​ជាង​ពេលណាៗ​ទាំងអស់​ដើម្បី​ការពារ​ពលរដ្ឋ​របស់​យើង ចាប់ផ្តើម​សេដ្ឋកិច្ច​ឡើងវិញ បញ្ឈប់​ការឡើង​កម្តៅ​ពិភពលោក និង បង្កើត​ពិភពលោក​ដែល​មាន​សុវត្ថិភាព​”​។​

​លោក​មី​សែ​ល​បាន​និយាយថា “​សហភាព​អឺរ៉ុប​និង​សហរដ្ឋ​អាម៉េរិក​តែងតែមាន​ឥទ្ធិពល​ច្រើន​ឡើង នៅ​ពេល​បោះ​ជំហាន​ទៅ​មុខ​ជាមួយ​គ្នា​”​។​

​ប្លុក​ប្រទេស​ទាំង ២៧ នេះ​តែងតែ​ត្អូញត្អែរ​អំពី​ទំនាក់ទំនង​កាន់តែ​យ៉ាប់​ទៅៗ​ក្រោម​ការដឹកនាំ​របស់​លោក​ត្រាំ ហើយ​សង្ឃឹមថា ជាមួយ​លោកបៃ​ដិន​ទំនាក់ទំនង​ឆ្លង​សមុទ្រអាត្ល​ង់​ទិកអាច​ត្រូវបាន​​ធ្វើឱ្យ​ប្រសើរ​ឡើង​វិញ​ដូច​នៅក្រោម​ការដឹកនាំ​របស់​ប្រធានាធិបតី​បា​រ៉ាក់ អូ​បា​ម៉ា​។​

​ក្នុង​រយៈពេល​ប៉ុន្មាន​ឆ្នាំ​កន្លងមកនេះ ភាគី​ទាំងពីរ​មិន​យល់ស្រប​គ្នា​លើ​ប្រធានបទ​សំខាន់ៗ​ជា​ច្រើន​រាប់​ចាប់ពី​ពាណិជ្ជកម្ម​និង​សន្តិសុខ​រហូតដល់​ការប្រយុទ្ធប្រឆាំង​នឹង​ការប្រែប្រួល​អាកាសធាតុ​។ ឥឡូវនេះ លោក​មី​សែ​ល​បាន​និយាយថា លោកបៃ​ដិន​គួរតែ​អញ្ជើញ​មក​នៅ​ឆ្នាំ​ក្រោយ​សម្រាប់​ការប្រជុំ​ជាមួយ​មេដឹកនាំ​សហភាព​អឺរ៉ុប​។​

​ក្នុងអំឡុងពេល​កាន់​តំណែង​របស់​គាត់ ត្រាំ​បានធ្វើឱ្យ​អឺរ៉ុប​ស្រឡាំងកាំង​និង​ខកចិត្ត ជាពិសេស​សមាជិក​អង្គការ​ណា​តូ ដែល​រដ្ឋាភិបាល​ក្រុង​វ៉ាស៊ីនតោន​ជា​អ្នក​ដឹកនាំ​ដោយ​វាយ​ពន្ធ​លើ​ការនាំចេញ​របស់​​សហភាព​អឺរ៉ុប​និង​ដក​ខ្លួន​ចេញ​ពី​កិច្ចព្រមព្រៀង​អាកាសធាតុ​ទីក្រុង​ប៉ារីស​និង​កិច្ចព្រមព្រៀង​នុយក្លេអ៊ែរ​អ៊ីរ៉ង់​៕

ប្រធាន​សហភាព​អឺរ៉ុប​លោក ឆា​ល មី​សែ​ល នឹង​អញ្ជើញ​លោក ចូ បៃ​ដិន មក​អឺរ៉ុប ពេល​គាត់​ស្បថ​កាន់​តំណែង

ទីតាំងផ្សាយពាណិជ្ជកម្ម

- Advertisment -

Most Popular