ប្រែសម្រួល : កញ្ញាដាលីស/បាល់ទាត់ ៖ រាត្រីនេះ ការប្រកួតបាល់ទាត់ដណ្តើមពានរង្វាន់ Eufa Champions League នឹងឈានចូលដល់ជុំទី៥នៃវគ្គជម្រុះតាមពូល ក្នុងនោះមាន ៤ ក្រុមនឹងឆ្លងទៅវគ្គ ១៦ ក្រុមដោយស្វ័យប្រវត្តិប្រសិនបើឈ្នះយប់នេះ គឺ Chelsea, Sevilla, Juventus និង Barcelona ។
* ពូល E
ជំនួបយប់នេះគឺ Krasnodar vs Sevilla និង Rennes vs Chelsea ។ ប្រកួត ៤ ជុំមកនេះ Chelsea ឈរនៅលេខ ១ មាន ៧ ពិន្ទុស្មើនឹង Sevilla ដែលឈរនៅលេខ២។ ក្រុម Rennes និង Krasnodar ឈរនៅបាតតារាង មាន១ពិន្ទុស្មើគ្នា។
រាត្រីនេះជាការប្រកួតមួយដែលគេមើលឃើញយ៉ាងច្បាស់ថា Chelsea និង Sevilla មានលទ្ធភាពឈ្នះខ្ពស់ដើម្បីឆ្លងទៅវគ្គ ១៦ ក្រុមចុងក្រោយ។
* ពូល F
ជំនួបយប់នេះគឺ Dortmund vs Club Brugge និង Lazio vs Zenit St. Petersburg។ Dortmund (៦ពិន្ទុ) ឈ្នះ២លើកចុងក្រោយក្នុង CL ដូច្នេះសង្ឃឹមឈ្នះខ្ពស់លើ Club Brugge (៤ពិន្ទុ) ដែលលេង២លើកចុងក្រោយមិនទាន់ស្គាល់រសជាតិឈ្នះទេ។
Lazio លេងចុងក្រោយស្មើនៅទឹកដីរបស់ Zenit ទាំងត្រដាបត្រដួស ប៊ិះតែនឹងចាញ់ទៀត។ ការប្រកួតថ្ងៃនេះក៏ច្បាស់ជាតឹងដូចប្រកួតមុន ដោយគ្រាន់តែ Lazio មានប្រៀបជាងក្នុងនាមជាម្ចាស់ផ្ទះ។
* ពូល G
ជំនួបយប់នេះគឺ Dinamo Kiev vs Barcelona និង Juventus vs Ferencvarosi។ ក្រុមអ្នកមានបុណ្យ Barcelona (៩ពិន្ទុ) នឹងឆ្លងទៅវគ្គបន្ទាប់ ប្រសិនបើឈ្នះយប់នេះ ហើយពួកគេរំពឹងធ្វើបាននៅយប់នេះ ខណៈធ្វើដំណើរទៅទឹកដីរបស់ក្រុមអ៊ុយក្រែន Dinamo Kiev (១ពិន្ទុ) ដែលមានប្រវត្តិអន់ជាមួយក្រុមមកពីអេស្ប៉ាញ។
Juventus (៧ពិន្ទុ) មិនពិបាកឆ្លងទៅវគ្គបន្ទាប់នោះទេ ប៉ុន្តែសំណួរសំខាន់គឺតើពួកគេអាចជាជ័យលាភីក្នុងពូល G ឬអត់។ ក្រុមហុងគ្រី Ferencvaros គ្មានគីឡូអីទប់សេះបង្កង់ជាប់នោះទេ។
* ពូល H
ជំនួបយប់នេះគឺ Manchester Utd vs Istanbul BB និង PSG vs RB Leipzig។ ក្រុមបិសាចក្រហម Man Utd (៦ពិន្ទុ) មានឱកាសខ្ពស់ក្នុងការយកឈ្នះលើក្រុមតួកគី Istanbul BB (៣ពិន្ទុ) ព្រោះមានប្រៀបក្នុងទឹកដី។ Istanbul មិនដែលមានប្រវត្តិស៊ុតចូលក្រុមមកពីអង់គ្លេសនោះទេ កុំថាឡើយឈ្នះ។
PSG (៣ពិន្ទុ) ចង់ឈ្នះខ្លាំងណាស់យប់នេះ ប៉ុន្តែ RB Leipzig (៦ពិន្ទុ) មិនមែនជាក្រុមគីឡូខ្សោយនោះទេ។ ប្រកួតចុងក្រោយ ក្រុមអាល្លឺម៉ង់ Leipzig យកឈ្នះលើជើងឯកបារាំង PSG ២-១។ ដោយហេតុថាក្រុមទាំងពីរត្រូវការពិន្ទុដូចគ្នា គេរំពឹងមានគ្រាប់បាល់ស៊ុតគ្នាទៅវិញទៅមកច្រើនគ្រាប់។
ការព្យាករណ៍ CL យប់នេះ ៖
00:55 Krasnodar 0-4 Sevilla
00:55 Rennes 0-1 Chelsea
03:00 Dinamo Kiev 1-4 Barcelona
03:00 Dortmund 4-0 Club Brugge
03:00 Juventus 4-0 Ferencvarosi
03:00 Lazio 2-1 Zenit St. Petersburg
03:00 Manchester Utd 5-0 Istanbul BB
03:00 PSG 3-2 RB Leipzig
