Home ព័ត៌មានជាតិ នយោបាយ អាម៉េរិក​ផ្តល...

អាម៉េរិក​ផ្តល់ជំនួយ​បន្ថែម ៦០ ម៉ឺន​ដុល្លារ​ទៀត​ដើម្បី​ឆ្លើយ តប​ទៅនឹង​គ្រោះ ទឹកជំនន់​ដ៏​ធ្ងន់ធ្ងរ​នៅ​កម្ពុជា​

ដោយ​: ញ៉ែម សុផល/​ភ្នំពេញៈសហរដ្ឋអាម៉េរិក តាមរយៈ​ទីភ្នាក់ងារ​ជំនួយ​អាម៉េរិក (​យូ​សេត​,USAID) បាន​ផ្តល់​ជំនួយ​មនុស្ស​ធម៌​បន្ថែមចំនួន ៦០០ ០០០​ដុល្លារ​សម្រាប់​ជួយ​ដល់​ការខិតខំ​ក្នុងការ​ឆ្លើយតប​នឹង​គ្រោះទឹក​ជំនន់​ដ៏​ធ្ងន់ធ្ងរ នៅ​ក​ម្ព​ជា​ដែល​បណ្តាលមកពី​ព្យុះ​ត្រូ​ពិ​ក​ដែលមាន​ជា​បន្តបន្ទាប់​គ្នា​និង​ភ្លៀង​ខ្លាំង​ផ្ទួនៗ​ដែលមាន​រយៈពេល​យូរ​តាំងពីដើម​ខែតុលា​មក​។​

​នៅក្នុង​សន្និសីទ​សារព័ត៌​មាននៅ​ឃ្លាំង​អង្គការ​កម្មវិធី​ស្បៀងអាហារ​ពិភព​រាជធានី​ភ្នំពេញ​នា​ព្រឹក​ថ្ងៃទី​២៤​ខែវិច្ឆិកា​ឆ្នាំ​២០២០ លោក​ឯកអគ្គរដ្ឋទូត​អាម៉េរិក ផា​ទ្រិ​ក មូ​ហ្វី​( W. Patrick Murphy )​បាន​មានប្រសាសន៍ថា យើង​មានការ​អាណិត ដោយ​ឃើញ​ប្រជាជន​កម្ពុជា​ងាយ​រងគ្រោះ​ជាច្រើន មានការ ខ្វះខាត ដោយសារតែ​គ្រោះទឹកជំនន់ នៅ​ឆ្នាំនេះ​។ សហរដ្ឋអាមេរិក នឹង​ផ្តល់ជំនួយ សង្គ្រោះ​ជា​បន្ថែម ក្នុង​ស្មារតី​សាមគ្គីភាព​ជាមួយ​សហគម​ន៍​ដែល​រងគ្រោះ​ដោយ គ្រោះទឹកជំនន់​ទាំងនេះ​។​

​ជាមួយនឹង​ថវិកា​បន្ថែម​នេះ​ការិយាល័យ​ផ្តល់ជំនួយ​មនុស្សធម៌រ​បស់​ទីភ្នាក់ងារ​ជំនួយ​អាម៉េរិក​នឹង​ជួយ​ដល់​អង្គការ​កម្មវិធី​ស្បៀងអាហារ​ពិភព លោក (WFP) ក្នុងការ​ផ្តល់ជំនួយ​ក្នុង​គ្រោះ​បន្ទាន់ ដើម្បី​ជួយ​គ្រួសារ​ចំនួន ៣ ៧២៥ ដែល​រង​ផលប៉ះពាល់ ដើម្បី​ឲ្យ​គេ​ទិញ​ស្បៀងអាហារ ។ ជំនួយ​នេះ បាន​បន្ថែម​ទៅលើ ទឹកប្រាក់​ចំនួន ១០០ ០០០ ដុល្លា ដែល​ទីភ្នាក់ងារ​យូ​សេត បានផ្តល់​ឲ្យ​ដំបូង ដល់​អង្គការ WFP បន្ទាប់ពី​មាន​គ្រោះទឹកជំនន់​ភ្លាម សម្រាប់​ជួយ​ក្នុងការ​ចែកចាយ​សៀង ជា បន្ទាន់ ដល់​គ្រួសារ​ចំនួន​ជាង ២៥៦០ នៅក្នុង​តំបន់​ដែល​រងគ្រោះ​។​
​លោកស្រី Claire Conan តំណាង​នៃ​អង្គការ WFP បាន​មានប្រសាសន៍ថា “​យើង​ម​អរគុណ​ដល់ទី​ភ្នាក់ងារ USAID ចំពោះ​ជំនួយ​បន្ថែម​នេះ សម្រាប់​គ្រួសារ ខ្សត់ខ្សោយ ដែល​រងគ្រោះ​ដោយ​ទឹកជំនន់​។ ជំនួយ​នេះ​មាន​សារៈសំខាន់​ណាស់ សម្រាប់​ស្តារ​ស្ថានភាព​របស់គេ ពិសេស​ដោយ​ពួកគេ​ជាច្រើន​ក៏​រងគ្រោះ​ផងដែរ ដោយសារ​បញ្ហា​ជំងឺ​រាតត្បាត​ជា​សាកល​។ អ អង្គការ WFP នឹង​ធ្វើការ​ជិតស្និទ្ធ​ជាមួយរ m ដ្ឋា​ភិ​បាល និង​ដៃគូ​នៅក្នុង​ដំណាក់កាល​ថ្មី​នេះ​នៃ​ការឆ្លើយតប​នឹង​គ្រោះ​ទឹក ជំនន់​»​។​

​ក្រៅពីនេះទៀត​ជាមួយនឹង​ជំនួយ​របស់​ទីភ្នាក់ងារ​USAID​អង្គការ​WFP​បាន​ជួយ​ពង្រឹង​ប្រព័ន្ធ​ព័ត៌មាន​លើ​ការគ្រប់គ្រង​គ្រោះមហន្តរាយ​ថ្នាក់ជាតិ រប​ស់គ ណៈ​ក​ម្មា​ធិ​ការ​ជាតិ​គ្រប់គ្រង​គ្រោះមហន្តរាយ​កម្ពុជា​។ ការ​នេះ​បានរួម​ចំណែក​ធ្វើ​ឲ្យ គណៈកម្មាធិការ​នេះ អាច​តាមដាន​ហានិភ័យ និង​ផលប៉ះពាល់ នៅពេល​មាន​គ្រោះ ទឹកជំនន់ ហើយ​អាច​គេង​គរ​ធនធាន​បាន​ឆាប់រហ័ស សម្រាប់ធ្វើ​ការឆ្លើយតប នៅតាម​តំបន់​ដែល​រង​ផលប៉ះពាល់ ។​

​ក្រៅពីនេះទៀត ដោយមាន​ជំនួយ​របស់​ទីភ្នាក់ងារ USAID អង្គការ WFP បាន​ជួយ​ដល់​វេទិកា​ឆ្លើយតប​មនុស្ស​ធ​ម៍ ដោយ​ជួយ​ធ្វើការ​សម្រប​សម្រួលការ​ឆ្លើយ តប​នឹង​គ្រោះទឹកជំនន់ នៅក្នុង​វិស័យ​នានា ហើយ​ធ្វើ​សេចក្តីរាយការណ៍​អំពី​ស្ថាន ភាព​ទឹកជំនន់ នៅក្នុងពេល​មាន​វិបត្តិ​កើតឡើង​។​
​ចាប់តាំងពី​ឆ្នាំ ២០០០ មក ទីភ្នាក់ងារ USAID បានផ្តល់​ថវិកា​ចំនួន​ជិត ១៣ លាន ដុល្លារ ជា​ជំនួយ​សម្រាប់​កាត់បន្ថយ​ហានិភ័យ សម្រាប់​ការត្រៀម​បម្រុង និង​សម្រាប់ ការឆ្លើយតប​នឹង​គ្រោះមហន្តរាយ នៅ​កម្ពុជា​។ នៅក្នុង​ឆ្នាំ ២០២០ នេះ សហរដ្ឋ​អាម៉េរិក កំពុងធ្វើការ​រំលឹក​ខួប​លើក​ទី ៧០ នៃ​ការបង្កើត​ទំនាក់ទំនង​ការទូត រវាង ប្រទេស​ទាំងពីរ​៕​

ទីតាំងផ្សាយពាណិជ្ជកម្ម

- Advertisment -

Most Popular