Home ព័ត៌មានជាតិ សង្គម បរិក្ខារ​ដើរ​...

បរិក្ខារ​ដើរ​ដោយ​ថាមពល​ពន្លឺព្រះអាទិត្យ​ជា​អំណោយ​របស់​រដ្ឋាភិបាល​ចិន​បាន​មកដល់​កំពង់ផែ​ក្រុងព្រះសីហនុ​

ដោយ​: សុផល / ភ្នំពេញ​: យោងតាម​ប្រភព​ស្ថានទូត​សាធារណរដ្ឋ​ប្រជា​មា​និ​តុ​ចិន ប្រចាំ​កម្ពុជា បាន​ឲ្យ​ដឹងថា បរិក្ខារ​ដើរ​ដោយ​ថាមពល​ពន្លឺព្រះអាទិត្យ​(​សូ​ឡា​) មួយចំនួន ដែលជា​អំណោយ​របស់​រដ្ឋាភិបាល​ចិន ជូន​ចំពោះ​រាជរដ្ឋាភិបាល​កម្ពុជា បាន​មកដល់​កំពង់ផែ​ក្រុងព្រះសីហនុ កាលពី​ថ្ងៃទី​២២ ខែវិច្ឆិកា​។​

បរិក្ខារ​ទាំងនេះ​មានដូចជា​អំពូល​សូ​ឡា​ចំនួន​២៨០០​អំពូល ផ្ទាំង​កញ្ចក់​សូ​ឡា​ចំនួន​២០០​ផ្ទាំង​និង ម៉ូតូ អាគុយ​ចំនួន​២០០​គ្រឿង​។​

​បរិក្ខារ​ទាំងនេះ នឹងត្រូវ​បាន​ប្រើ​និង​ដំឡើង​នៅតាម​ទីសាធារណៈ នៃ​ខេត្ត​ព្រះសីហនុ ដូចជា​សាលារៀន​ជាដើម ក្នុង​គោលបំណង​ជួយ​កាត់បន្ថយ​ការ​បំ​ភាយ​សារធាតុ​កាបូន បង្កើន​ការយល់ដឹង​ជា​សាធារណៈ ស្តីអំពី​ការការពារ​បរិស្ថាន និង​ការកសាង​ទីក្រុង​ប្រកបដោយ​និរន្តរភាព ស្អាត និង​បរិស្ថាន​បៃតង​៕​

ទីតាំងផ្សាយពាណិជ្ជកម្ម

- Advertisment -

Most Popular