Home ព័ត៌មានជាតិ សង្គម អាជ្ញាធរ​និង​...

អាជ្ញាធរ​និង​មន្ត្រី​ជំនាញ​ខេត្ត​កំពង់​ឆ្នាំ ធ្វើការ​ជួសជុល​ផ្លូវ​ក្រាល​ក្រោះ​ក្រហម​មួយ​ខ្សែ​

ដោយ​: ទេ​ពក​ង្រី / ខេត្តកំពង់ឆ្នាំង​: ផ្លូវលំ​ក្រាល​គ្រោះ​ក្រហម​មួយ​ខ្សែ​តាម​បណ្តោយ​តាន​មាត់ទន្លេ​ដែលមាន​ប្រវែង​៣៨០០​ម៉ែត្រ ដែល​បាន​រង​ផលប៉ះពាល់​គ្រា​ដែល​ទឹកជំនន់​កន្លងទៅ បណ្តាលអោយ​ប្រេះ​ស្រុត​តាម​កន្លែង​អន្លើៗ ត្រូវបាន​អាជ្ញាធរ​ស្រុក​.​ឃុំ​សហការ​ជាមួយ​ខាង​មន្ទីរ​សាធារណការ​និង​ដឹកជញ្ជូន​ខេត្ត បាននិងកំពង់​ធ្វើការ​ជួសជុល​កែលម្អ​អោយធ្វើ​ការ​ដំណើ​យ​ជា​បណ្តោះ​អាស​ន្នឡើងវិញ​ហើយ គ្រា​ដែល​ផ្លូវ​មួយ​នេះ​ក៏​មមាញឹក​ខ្លាំង​នៅក្នុង​ការដឹកជញ្ជូន​ទៅមក​របស់​ប្រជាពលរដ្ឋ​ផងដែរ​។​

​ផ្លូវ​មួយ​ខ្សែ​នេះ តាម​បណ្ដោយ​មាត់ទន្លេ​ចេញពី​ភូមិ​កំពង់ត្រឡាច​ក្រោម​ស្រុក​កំពង់ត្រឡាច​ខេត្តកំពង់ឆ្នាំង និង​បាន​ត​ភ្ជាប់​ទៅ​ស្រុក​ពញាឮ ខេត្តកណ្តាល ដែល​អាជ្ញាធរ​ឃុំ​កំពង់ត្រឡាច​ធ្វើការ​ស្ថាបនា​ឡើង​នៅក្នុង​ឆ្នាំ​២០១៨ ដោយមាន​ការចូលរួម​ពី​សហគមន៍ និង​បងប្អូន​ប្រជាពលរដ្ឋ ដើម្បី​ធ្វើការ​ស្ថាបនា​ផ្លូវ​មួយ​នេះ សម្រាប់​ធ្វើការ​ចរាចរ​ទៅមក​បាន​ស្រួល​និង​ឆាប់រហ័ស​ផងដែរ​។​

​លោក អាំ សុគន្ធ ភិ​បាល​រង​ស្រុក​កំពង់ត្រឡាច បាន​ឲ្យ​ដឹង​ថ្ងៃទី​២៤​វិច្ឆិកា​២០២០​នេះ​ថា ដោយមាន​ការយកចិត្ត​ទុកដាក់​ពី​អភិបាលខេត្ត​កំពង់ឆ្នាំង ក៏ដូចជា​មន្ទីរ​សាធារណការ​និង​ដឹកជញ្ជូន​ខេត្ត បាន​ប្រញាប់​ចុះមក​សហការគ្នាជាមួយ​នឹង​អាជ្ញាធរ​ស្រុក​ឃុំ ចុះមក​ធ្វើការ​ជួសជុល​កែលម្អ​កំណាត់​ផ្លូវ​ដែល​រង​ការ​ប្រេះ​ហើយ​ស្រុតចុះ ដោយ​ធ្វើយ៉ាងណា​ឱ្យបាន​ដំណើរការ​ឡើងវិញ ដើម្បី​សម្រួលការ​កកស្ទះ​ចរាចរណ៍​ដែល​បងប្អូន​ឆ្លងកាត់​ទៅមក​តាមផ្លូវ​ផងដែរ​។ ការជួសជុល​កំណាត់​ផ្លូវ​នេះ​ឡើងវិញ ជា​ថវិកា​របស់​មន្ទី​សារ​ធា​រណការ និង​ដឹកជញ្ជូន​ខេត្តកំពង់ឆ្នាំង​៕​

ទីតាំងផ្សាយពាណិជ្ជកម្ម

- Advertisment -

Most Popular